Read Aramaic Peshita Psalms 8 Bible Online

Psalms 8 - Aramaic Peshita bible

Psalms 8

¹ܡܵܪܝܵܐ ܡܵܪܲܢ ܡܵܐ ܡܫܲܒܲܚ ܫܡܵܟ݂ ܒܟ̣ܠܗ̇ ܐܲܪܥܵܐ.

²ܕܝܲܗܼ̄ܒ̣ܬ̇ ܫܘܼܒ̣ܚܵܟ݂ ܥܲܠ ܫܡܲܝܵܐ.

³ܡ̣ܢ ܦܘܼܡܵܐ ܕܲܥܠܲܝܡܹ̈ܐ ܘܕܲܛܠܵܝܹ̈ܐ.

⁴ܬܲܩܸܢܬ̇ ܬܸܫܒܘܿܚܬܵܟ݂.

⁵ܡܸܛܠ ܒܥܸܠܕ̇ܒ̣ܵܒܲܝ̈ܟ.

⁶ܕܢܸܬ̣ܒܲܛܲܠ ܒܥܸܠܕ̇ܒ̣ܵܒ̣ܵܐ ܕܡܸܬ̣ܢܲܩܲܡ.

⁷ܡܸܛܠ ܕܲܚܙܵܘ ܫܡܲܝ̈ܟ ܥܒ̣ܵܕ݂ܵܐ ܕܨܸܒ̣̈ܥܵܬ̣ܵܟ݂.

⁸ܣܲܗܪܵܐ ܘܟܲܘܟ̇ܒܹ̈ܐ ܬܲܩܸܢܬ̇.

⁹ܡܲܢ̣ܘ ܓܲܒ̣ܪܵܐ ܕܐܸܬ̇ܕ̇ܟܲܪܬܵܝܗܝ.

¹⁰ܘܒܲܪܢܵܫܵܐ ܕܲܦܩܲܕ̇ܬܵܝܗܝ.

¹¹ܒܲܨܲܪܬܵܝܗܝ ܩܲܠܝܼܠ ܡ̣ܢ ܡܲܠܲܐܟܹ̈ܐ.

¹²ܒܐܝܼܩܵܪܵܐ ܘܲܒ̣ܫܘܼܒ̣ܚܵܐ ܐܲܥܛܸܦܬܵܝܗܝ.

¹³ܘܐܲܫܠܸܛܬܵܝܗܝ ܒܲܥܒ̣ܵܕ݂ܵܐ ܕܐܝܼ̈ܕܲܝܟ.

¹⁴ܘܟ̣ܠ ܣܵܡ̣ܬ̇ ܬܚܘܿܬ̣ ܖܸ̈ܓ̣ܠܵܘܗܝ.

¹⁵ܥܵـ̈ـܢܵܐ ܘܒܲܩܖܹ̈ܐ ܟܠܗܹܝܢ.

¹⁶ܐܵܦ ܚܲܝܘ̱ܬ̣ܵܐ ܕܕܲܒ̣ܪܵܐ ܘܨܸܦܖܹ̈ܐ ܕܒܲܫܡܲܝܵܐ.

¹⁷ܘܢܘܼܢܹ̈ܐ ܕܝܲܡܵܐ ܕܥܵܒ̣ܪܝܼܢ ܒܲܫܒ̣ܝܼܠܵܐ ܕܝܲܡܡܹ̈ܐ.

¹⁸ܡܵܪܝܵܐ ܡܵܪܲܢ ܡܵܐ ܡܫܲܒܲܚ ܫܡܵܟ݂ ܒܟ̣ܠܵܗ̇ ܐܲܪܥܵܐ܀