Read Aramaic Peshita Psalms 80 Bible Online

Psalms 80 - Aramaic Peshita bible

Psalms 80

¹ܪܵܥܝܹܗ ܕܝܼܣܪܵܝܹܠ ܨܘܼܬ̣.

²ܘܕܲܒܲܪ ܐܲܝܟ݂ ܥܵܢ̈ܵܐ ܠܝܲܘܣܸܦ.

³ܝܵܬܹܒ̣݁ ܥܲܠ ܟܪ̈ܘܿܒܹܐ ܐܸܬ̣ܓܲܠܝܝ.

⁴ܩܕ݂ܵܡ ܐܲܦܪܹܝܡ ܘܒܸܢܝܵܡܹܝܢ ܘܲܡܢܲܫܹܐ.

⁵ܚܲܘܵܐ ܓܲܢ̄ܒܵܪܘܼܬ̣ܵܟ݂ ܘܬ̣ܵܐ ܠܦܘܼܪܩܵܢܲܢ.

⁶ܐܲܠܵܗܵܐ ܚܲܝܠ̱ܬ̣ܵܢܵܐ ܐܲܦܢܵܢ.

⁷ܘܐܲܢܗܲܪ ܐܲܦܲܝ̈ܟ ܘܢܸܬ̣ܦܪܸܩ.

⁸ܡܵܪܝܵܐ ܐܲܠܵܗܵܐ ܚܲܝܠ̱ܬ̣ܵܢܵܐ.

⁹ܥܕܲܡܵܐ ܠܐܸܡܲܬ̣ܝ ܪܵܓܹܙ݁ ܐܲܢ̄ܬ̇ ܥܲܠ ܨܠܘܿܬܹܗ ܕܥܲܒ̣ܕܵܟ݂.

¹⁰ܐܲܘܟܸ̇ܠܬ̇ ܐܸܢܘܿܢ ܠܲܚܡܵܐ ܒܕܸܡܥ̱ܬ̣ܵܐ.

¹¹ܘܐܲܫܩܝܼܬ̇ ܐܸܢܘܿܢ ܒܕܸܡܥ̱ܬ̣ܵܐ.

¹²ܥܒܲܕ̇ܬܵܢ ܪܸܢܝܵܐ ܠܲܫܒ̣ܵܒܲܝ̈ܢ.

¹³ܘܲܒ̣ܥܸܠܕ̇ܒ̣ܵܒܲܝ̈ܢ ܡܲܝܸܩܘ ܒܲܢ.

¹⁴ܐܲܠܵܗܵܐ ܚܲܝܠܬ̣ܵܢܵܐ ܐܲܦܢܵܢ.

¹⁵ܘܐܲܢܗܲܪ ܐܲܦܲܝ̈ܟ ܘܢܸܬ̣ܦܪܸܩ.

¹⁶ܓܦܸܬܵܐ ܐܲܦܸܩܬ̇ ܡ̣ܢ ܡܸܨܪܹܝܢ.

¹⁷ܘܐܲܘܒܸ̇ܕ̇ܬ̇ ܥܲܡܡܹ̈ܐ ܘܲܢܨܲܒ̣ܬܵܗ̇.

¹⁸ܚܵܪܬ̇ ܒܵܗ̇ ܘܲܢܨܲܒ̣ܬ̇ ܥܸܩܵܪܵܗ̇.

¹⁹ܘܲܡܠܵܬ̤ ܐܲܪܥܵܐ ܡܸܢܵܗ̇.

²⁰ܘܐܸܬ̣ܟܲܣܝܼܘ ܛܘܼܪܹ̈ܐ ܡ̣ܢ ܛܸܠܵܠܵܗ̇.

²¹ܘܥܲܘ̈ܦܹܝܗ̇ ܥܲܠ ܐܲܪ̈ܙܵܘܗܝ ܕܐܲܠܵܗܵܐ.

²²ܫܕ݂ܵܬ̤ ܓܝܵܕܹܝ̈ܗ̇ ܥܕܲܡܵܐ ܠܝܲܡܵܐ.

²³ܘܥܲܠ ܢܲܗܪ̈ܵܘܵܬ̣ܵܐ ܥܢܵܩܹ̈ܝܗ̇.

²⁴ܠܡܵܢܵܐ ܬܪܲܥ݂ܬ̇ ܣܝܵܓ̣ܵܗ̇.

²⁵ܘܕ݂ܵܫܘܼܗ̇ ܟܠ ܥܵܒ̣ܪ̈ܲܝ ܐܘܼܪܚܵܐ.

²⁶ܘܐܲܟ̣ܠܵܗ̇ ܚܙܝܼܪܵܐ ܕܥܵܒ̣ܵܐ.

²⁷ܘܚܲܝ̈ܘܵܬ̣ܵܐ ܕܒܲܪܵܐ ܪ̈ܥܲܝܵܗ̇.

²⁸ܐܲܠܵܗܵܐ ܚܲܝܠܬ̣ܵܢܵܐ ܐܸܬ̣ܦܲܢ.

²⁹ܘܚܘܼܪ ܡ̣ܢ ܫܡܲܝܵܐ ܘܲܚܙܝܼ.

³⁰ܘܲܦܩܘܿܕܹܝܗ̇ ܠܲܓ̣ܦܸܬܵܐ ܗܵܕܹܐ.

³¹ܘܲܠܣܲܬܵܐ ܕܢܸܨܒܲܬ݀ ܝܲܡܝܼܢܵܟ݂.

³²ܘܲܠܒܲܪܢܵܫܵܐ ܕܚܲܝܸܠܬ̇ ܠܵܟ݂.

³³ܐܲܘܩܸܕ݂ ܒܢܘܼܪܵܐ ܫܲܒ̇ܘܼܩܹ̈ܝܗ̇.

³⁴ܡ̣ܢ ܟܐܵܬ̣ܵܐ ܕܐܲܦܲܝ̈ܟ ܢܹܐܒ̣ܕ̇ܘܼܢ.

³⁵ܬܸܗܘܸܐ ܐܝܼܕ݂ܵܟ݂ ܕܝܲܡܝܼܢܵܐ ܥܲܠ ܓܲܒ̣ܪܵܐ.

³⁶ܘܥܲܠ ܒܲܪܢܵܫܵܐ ܕܚܲܝܸܠܬ̇ ܠܵܟ݂.

³⁷ܘܠܵܐ ܢܸܗܦܘܿܟ݂ ܡܸܢܵܟ݂.

³⁸ܐܸܠܵܐ ܐܲܚܵܢ ܘܒܲܫܡܵܟ݂ ܢܸܩܪܸܐ.

³⁹ܡܵܪܝܵܐ ܐܲܠܵܗܵܐ ܚܲܝܠ̱ܬ̣ܵܢܵܐ ܐܲܦܢܵܢ.

⁴⁰ܘܐܲܢܗܲܪ ܐܲܦܲܝ̈ܟ ܘܢܸܬ̣ܦܪܸܩ.