Read Aramaic Peshita Psalms 82 Bible Online

Psalms 82 - Aramaic Peshita bible

Psalms 82

¹ܐܲܠܵܗܵܐ ܩܵܡ݂ ܒܟܸܢܫܵܐ ܕܡܲܠܲܐܟܹ̈ܐ.

²ܘܲܒ̣ܓ̣ܵܘ ܡܲܠܲܐܟܹ̈ܐ ܢܕ݂ܘܼܢ.

³ܥܕܲܡܵܐ ܠܐܸܡܲܬ̣ܝ ܕܵܝ̇ܢܝܼܢ ܐܢ̄ܬ̇ܘܿܢ ܥܲܘܠܵܐ.

⁴ܘܒܲܐܦܹ̈ܐ ܕܪ̈ܲܫܝܼܥܹܐ ܢܵܣܒ̇ܝܼܢ ܐܢ̄ܬ̇ܘܿܢ.

⁵ܕܘܼܢܘ ܠܝܲܬ̣ܡܹ̈ܐ ܘܲܠܒ̣ܵܝܫܹ̈ܐ.

⁶ܘܲܠܡܸܣܟܹ̇ܢܹ̈ܐ ܘܲܠܡܲܟ̇ܝܼܟܹ̈ܐ ܙܲܟܵܘ.

⁷ܦܲܨܵܘ ܠܡܸܣܟܹ̇ܢܹ̈ܐ ܘܲܠܒ̣ܵܝܫܹ̈ܐ ܡ̣ܢ ܐܝܼܕ݂ܵܐ ܕܪ̈ܲܫܝܼܥܹܐ.

⁸ܘܠܵܐ ܝܑܼܕܲܥܘ ܘܠܵܐ ܐܸܣܬܲܟܲܠܘ.

⁹ܕܲܒ̣ܚܸܫܘܿܟ̣ܵܐ ܡܗܲܠܟ̣ܝܼܢ ܗ̄ܘ̣ܵܘ.

¹⁰ܙܵܥ݂ ܟܠܗܹܝܢ ܫܲܬ̣ܐܸܣܹ̈ܝܗ̇ ܕܐܲܪܥܵܐ.

¹¹ܐܸܢܵܐ ܐܸܡ̇ܪܹܬ̣ ܕܐܲܠܵܗܝܼܢ ܐܲܢ̄ܬ̇ܘܿܢ.

¹²ܘܲܒ̣ܢܵܘ̈ܗܝ ܕܲܡܪܲܝܡܵܐ ܟܠܟ̣ܘܿܢ.

¹³ܡܸܟܹ̇ܝܠ ܐܲܝܟ݂ ܒܢܲܝ̈ܢܵܫܵܐ ܬܡܘܼܬ̣ܘܼܢ.

¹⁴ܘܐܲܝܟ݂ ܚܲܕ݂ ܡ̣ܢ ܪܲܘ̱ܪ̈ܒ̣ܵܢܹܐ ܬܸܦܠܘܼܢ.

¹⁵ܩܘܼܡ ܐܲܠܵܗܵܐ ܘܕ݂ܘܼܢܹܝܗ̇ ܠܐܲܪܥܵܐ.

¹⁶ܡܸܛܠ ܕܐܲܢ̄ܬ̇ ܬܹܐܪܲܬ̣ ܠܟ̣ܠܗܘܿܢ ܥܲܡܡܹ̈ܐ.