Read Aramaic Peshita Psalms 84 Bible Online

Psalms 84 - Aramaic Peshita bible

Psalms 84

¹ܡܵܐ ܚܲܒ̇ܝܼܒ̣ܝܼܢ ܡܲܫܟ̇ܢܲܝ̈ܟ ܡܵܪܝܵܐ ܚܲܝܠ̱ܬ̣ܵܢܵܐ.

²ܣܲܟ̇ܝܲܬ݀ ܢܲܦ̮ܫܝ ܘܐܸܬ̣ܪܲܓ̣ܪ̱ܓܲܬ݀ ܠܕ݂ܵܪ̈ܵܘܗܝ ܕܡܵܪܝܵܐ.

³ܠܹܒ̇ܝ ܘܒܸܣܪ̱ܝ ܫܲܒܲܚܘ ܠܐܲܠܵܗܵܐ ܚܲܝܵܐ.

⁴ܐܵܦ ܨܸܦܪܵܐ ܐܸܫܟ̇ܚܲܬ̤ ܠܵܗ̇ ܒܲܝܬܵܐ ܘܫܘܼܦܢܝܼܢܵܐ ܩܸܢܵܐ.

⁵ܪܲܒ̇ܝܼܘ ܦܲܪ̈ܘܼܓܹܐ ܥܲܠ ܓܹܢ̄ܒ̣ ܡܲܕ݂ܒܚܵܟ݂ ܡܵܪܝܵܐ ܚܲܝܠ̱ܬ̣ܵܢܵܐ.

⁶ܡܲܠܟ̇ܝ ܘܐܲܠܵܗܝ ܛܘܼܒܲܝܗܘܿܢ ܠܲܕ݂ܥܵܡ̇ܪܝܼܢ ܒܒܲܝܬܵܟ݂.

⁷ܢܫܲܒ̇ܚܘܼܢܵܟ݂ ܠܥܵܠܲܡ.

⁸ܛܘܼܒ̣ܵܘܗܝ ܠܒܲܪܢܵܫܵܐ ܕܐܲܢ̄ܬ̇ܘܼ ܡܣܲܝܥܵܢܹܗ.

⁹ܘܲܫܒ̣ܝܼܠܲܝ̈ܟ ܒܠܸܒܹ̇ܗ.

¹⁰ܥܒܲܪ݂ܘ ܒܥܘܼܡܩܵܐ ܕܲܒ̣ܟ̣ܵܬ̣ܵܐ ܘܥܲܒ̣ܕ̇ܘܼܗܝ ܒܹܝܬ̣ ܡܲܥܡܪܵܐ.

¹¹ܐܵܦ ܒܘܼܪܟ̇ܬ̣ܵܐ ܢܸܬ̣ܥܲܛܲܦ ܣܵܐܹ̇ܡ ܢܵܡܘܿܣܵܐ.

¹²ܢܹܐܙܠ̄ܘܼܢ ܡ̣ܢ ܚܲܝܠܵܐ ܠܚܲܝܠܵܐ.

¹³ܘܢܸܬ̣ܚܙܸܐ ܐܲܠܵܗ ܐܲܠܵܗܝܼ̈ܢ ܒܨܸܗܝܘܿܢ.

¹⁴ܡܵܪܝܵܐ ܐܲܠܵܗܵܐ ܚܲܝܠ̱ܬ̣ܵܢܵܐ ܫܡܲܥ ܨܠܘܿܬ̣ܝ.

¹⁵ܘܨܘܼܬ̣ ܐܲܠܵܗܹܗ ܕܝܲܥܩܘܿܒ̣.

¹⁶ܘܲܚܙܝܼ ܐܲܢ̄ܬ̇ ܐܲܠܵܗܵܐ ܡܣܲܝܥܵܢܲܢ.

¹⁷ܘܚܘܼܪ ܒܐܲܦܲܝ̈ ܡܫܝܼܚܵܟ݂.

¹⁸ܡܸܛܠ ܕܛܵܒ̣ܘܼ ܚܲܕ݂ ܝܘܿܡ ܒܕܲܝܪܵܟ݂ ܡ̣ܢ ܐܵܠܹܦ.

¹⁹ܨܒܹܝܬ̣ ܠܡܸܥܡܲܪ ܒܒܲܝܬܹ̇ܗ ܕܐܲܠܵܗܵܐ.

²⁰ܛܵܒ̣ ܡ̣ܢ ܕܲܠܡܸܥܡܲܪ ܒܡܲܫܟ̇ܢܵܐ ܕܪ̈ܲܫܝܼܥܹܐ.

²¹ܡܸܛܠ ܕܲܡܬܲܪܣܝܵܢܲܢ ܘܥܵܕ݂ܘܿܪܲܢ ܡܵܪܝܵܐ ܗ̄ܘ̣ ܐܲܠܵܗܵܐ.

²²ܪ̈ܲܚܡܹܐ ܘܐܝܼܩܵܪܵܐ ܢܸܬܸ̇ܠ ܡܵܪܝܵܐ.

²³ܘܠܵܐ ܢܸܟ̣ܠܸܐ ܛܵܒ̣ܵܬܹ̈ܗ.

²⁴ܡ̣ܢ ܐܲܝܠܹܝܢ ܕܲܡܗܲܠܟ̣ܝܼܢ ܒܬܲܡܝܼܡܘܼܬ̣ܵܐ.

²⁵ܡܵܪܝܵܐ ܐܲܠܵܗܵܐ ܚܲܝܠ̱ܬ̣ܵܢܵܐ.

²⁶ܛܘܼܒ̣ܵܘܗܝ ܠܒܲܪܢܵܫܵܐ ܕܲܡܣܲܒܲܪ ܒܵܟ݂.