Read Aramaic Peshita Psalms 85 Bible Online

Psalms 85 - Aramaic Peshita bible

Psalms 85

¹ܨܒ݂ܲܝܬ̇ ܡܵܪܝܵܐ ܒܐܲܪܥܵܟ݂.

²ܘܐܲܦܢܝܼܬ̇ ܫܒ̣ܝܼܬܹܗ ܕܝܲܥܩܘܿܒ̣.

³ܫܒ݂ܲܩܬ̇ ܥܲܘܠܹܗ ܕܥܲܡܵܟ݂.

⁴ܘܟܲܣܝܼܬ̇ ܟܠܗܘܿܢ ܚܛܵܗܲܝ̈ܗܘܿܢ.

⁵ܐܲܥܒܲܪܬ̇ ܟܠܵܗ̇ ܚܸܡܬ̣ܵܟ݂.

⁶ܐܲܦܢܵܢ ܐܲܠܵܗܵܐ ܦܵܪܘܿܩܲܢ.

⁷ܘܒܲܛܸܠ ܪܘܼܓ̣ܙܵܟ݂ ܡܸܢܲܢ.

⁸ܘܠܵܐ ܠܥܵܠܲܡ ܬܸܪܓܲܙ ܥܠܲܝܢ.

⁹ܘܠܵܐ ܬܸܛܲܪ ܪܘܼܓ̣ܙܵܟ݂ ܠܕ݂ܵܪܕܵܪ̈ܝܼܢ.

¹⁰ܐܸܠܵܐ ܐܲܢ̄ܬ̇ ܐܲܦܢܵܢ ܘܐܲܚܵܢ ܘܥܲܡܵܟ݂ ܢܸܚܕ̇ܘܿܢ ܒܵܟ݂.

¹¹ܚܲܘܵܢ ܡܵܪܝܵܐ ܛܲܝܒ̇ܘܼܬ̣ܵܟ݂ ܘܦܘܼܪܩܵܢܵܟ݂ ܗܲܒ̣ܠܲܢ.

¹²ܕܢܸܫܡܲܥ ܡܵܢܵܐ ܡܡܲܠܸܠ ܡܵܪܝܵܐ ܐܲܠܵܗܲܢ.

¹³ܕܲܡܡܲܠܸܠ ܫܠܵܡܵܐ ܥܲܠ ܥܲܡܹܗ ܘܥܲܡ ܙܲܕ̇ܝܼ̈ܩܵܘܗܝ.

¹⁴ܕܠܵܐ ܢܸܗܦܟ̣ܘܼܢ ܠܒܸܣܬܲܪܗܘܿܢ.

¹⁵ܩܲܪܝܼܒ̣ܘܼ ܦܘܼܪܩܵܢܹܗ ܠܕ݂ܵܚܠܵܘ̈ܗܝ.

¹⁶ܢܸܫܪܸܐ ܐܝܼܩܵܪܹܗ ܒܐܲܪܥܲܢ.

¹⁷ܛܲܝܒ̇ܘܼܬ̣ܵܐ ܘܩܘܼܫܬܵܐ ܐܲܪܥܘܼܢ.

¹⁸ܙܲܕ̇ܝܼܩܘܼܬ̣ܵܐ ܘܲܫܠܵܡܵܐ ܢܢܲܫܩܘܼܢ.

¹⁹ܗܲܝܡܵܢܘܼܬ̣ܵܐ ܬܹܐܥܸܐ ܡ̣ܢ ܐܲܪܥܵܐ.

²⁰ܘܙܲܕ̇ܝܼܩܘܼܬ̣ܵܐ ܐܲܕ݂ܝܼܩܲܬ݀ ܡ̣ܢ ܫܡܲܝܵܐ.

²¹ܘܐܵܦ ܡܵܪܝܵܐ ܢܸܬܸ̇ܠ ܛܵܒ̣ܵܬܹ̈ܗ.

²²ܘܐܲܪܥܵܐ ܬܸܬܸ̇ܠ ܥܲܠ̈ܠܵܬ̣ܵܗ̇.

²³ܙܲܕ̇ܝܼܩܵܐ ܩܕ݂ܵܡܵܘܗܝ ܢܗܲܠܸܟ݂.

²⁴ܘܲܢܣܝܼܡ ܒܐܲܪܥܵܐ ܗܲܠ̈ܟ̣ܵܬܹܗ.