Read Aramaic Peshita Psalms 91 Bible Online

Psalms 91 - Aramaic Peshita bible

Psalms 91

¹ܝܵܬܹܒ̣ ܒܣܸܬܵܪܹܗ ܕܲܡܪܲܝܡܵܐ.

²ܘܲܒ̣ܛܸܠܵܠܹܗ ܕܐܲܠܵܗܵܐ ܡܸܫܬܲܒܲܚ.

³ܐܸܡܲܪ ܠܡܵܪܝܵܐ ܬܘܼܟ̣ܠܵܢܝ.

⁴ܒܹܝܬ̣ ܓܲܘܣܝ ܐܲܠܵܗܵܐ ܕܲܬ̣ܟ̣ܝܼܠ ܐ̄ܢܵܐ ܥܠܵܘܗܝ.

⁵ܕܗܘ݀ ܢܦܲܨܹܝܟ݂ ܡ̣ܢ ܦܲܚܵܐ ܕܬ̣ܘܼܩܠ̱ܬ̣ܵܐ.

⁶ܘܡ̣ܢ ܡܲܡܠ̱ܠܵܐ ܕܲܣܪܝܼܩܘܼܬ̣ܵܐ.

⁷ܒܐܸܒ̣ܪ̈ܵܘܗܝ ܢܦܲܨܹܝܟ݂ ܘܲܬ̣ܚܘܿܬ̣ ܟܸܢܦܵܘ̈ܗܝ ܬܸܣܬܲܬܲܪ.

⁸ܙܲܝܢܵܐ ܢܸܚܕ̇ܪܵܟ݂ ܩܘܼܫܬܹܗ.

⁹ܠܵܐ ܬܸܕ݂ܚܲܠ ܡ̣ܢ ܕܸܚܠ̱ܬܹܗ ܕܠܸܠܝܵܐ.

¹⁰ܘܡ̣ܢ ܓܹܐܪܵܐ ܕܦܵܪܲܚ ܒܐܝܼܡܵܡܵܐ.

¹¹ܘܡ̣ܢ ܡܸܠܬ̣ܵܐ ܕܲܡܗܲܠܟ̣ܵܐ ܒܚܸܫܘܿܟ̣ܵܐ.

¹²ܘܡ̣ܢ ܪܘܼܚܵܐ ܕܫܵܝ݁ܕܵܐ ܒܛܲܗܪܵܐ.

¹³ܢܸܦܠܘܼܢ ܡ̣ܢ ܣܸܛܪܵܟ݂ ܐܲܠܦܹ̈ܐ.

¹⁴ܘܪܸ̈ܒ̇ܘܵܬ̣ܵܐ ܡ̣ܢ ܝܲܡܝܼܢܵܟ݂.

¹⁵ܘܲܠܘܵܬ̣ܵܟ݂ ܠܵܐ ܢܸܬ̣ܩܲܪܒ̣ܘܼܢ.

¹⁶ܐܸܠܵܐ ܒܥܲܝܢܲܝ̈ܟ ܒܲܠܚܘܿܕ݂ ܬܸܚܙܸܐ.

¹⁷ܒܦܘܼܪܥܵܢܗܘܿܢ ܕܪ̈ܲܫܝܼܥܹܐ ܬܸܚܙܸܐ.

¹⁸ܡܸܛܠ ܕܐܲܢ̄ܬ̇ܘܼ ܡܵܪܝܵܐ ܬܘܼܟ̣ܠܵܢܝ.

¹⁹ܕܒܲܡܪܲܘܡܵܐ ܣܵܡ̣ܬ̇ ܡܲܥܡ̱ܪܵܟ݂.

²⁰ܠܵܐ ܬܸܩܪܘܿܒ̣ ܠܵܟ݂ ܒܝܼܫܬܵܐ.

²¹ܘܲܡܚܘܿܬ̣ܵܐ ܠܵܐ ܬܸܬ̣ܩܲܪܲܒ̣ ܠܡܲܫܟ̇ܢܵܟ݂.

²²ܡܸܛܠ ܕܲܠܡܲܠܲܐܟ̣ܵܘ̈ܗܝ ܢܦܲܩܸܕ݂ ܥܠܲܝܟ.

²³ܕܲܢܢܲܛܪܘܼܢܵܟ݂ ܒܟ̣ܠܗܹܝܢ ܐܘܼܪ̈ܚܵܬ̣ܵܟ݂.

²⁴ܘܥܲܠ ܕܪ̈ܵܥܲܝܗܘܿܢ ܢܸܫܩܠܘܼܢܵܟ݂.

²⁵ܕܠܵܐ ܬܸܬ̇ܩܸܠ ܒܪܸܓ̣ܠܵܟ݂.

²⁶ܥܲܠ ܓܵܪܣܵܐ ܘܥܲܠ ܚܲܪܡܵܢܵܐ ܬܸܕ݂ܪܘܿܟ݂.

²⁷ܘܲܬ̇ܕ݂ܘܼܫ ܐܲܪܝܵܐ ܘܬܲܢܝܼܢܵܐ.

²⁸ܡܸܛܠ ܕܠܝܼ ܒܥ݂ܵܐ ܐܹܦܲܨܹܝܘܗܝ ܘܐܹܥܲܫܢܝܼܘܗܝ.

²⁹ܡܸܛܠ ܕܝܼܕܲܥ ܫܹܡܝ ܢܸܩܪܹܝܢܝ ܘܐܸܥܢܹܝܘܗܝ.

³⁰ܥܲܡܹܗ ܐ̄ܢܵܐ ܒܐܘܼܠܨܵܢܵܐ.

³¹ܐܹܥܲܫܢܝܼܘܗܝ ܘܐܹܝܲܩܪܝܼܘܗܝ.

³²ܢܘܼܓ̣ܪܵܐ ܕܝܲܘ̈ܡܵܬ̣ܵܐ ܐܹܣܲܒ̇ܥܝܼܘܗܝ ܘܐܹܚܵܘܹܝܘܗܝ ܦܘܼܪܩܵܢܝ.