Read Aramaic Peshita Psalms 92 Bible Online

Psalms 92 - Aramaic Peshita bible

Psalms 92

¹ܛܵܒ̣ ܠܡܲܘܕܵܝܘܼ ܠܡܵܪܝܵܐ.

²ܘܲܠܡܸܙܡܲܪ ܠܲܫܡܵܟ݂ ܡܪܲܝܡܵܐ.

³ܠܲܡܚܲܘܵܝܘܼ ܒܨܲܦܪܵܐ ܛܲܝܒ̇ܘܼܬ̣ܵܟ݂.

⁴ܘܗܲܝܡܵܢܘܼܬ̣ܵܟ݂ ܒܠܲܝ̈ܠܵܘܵܬ̣ܵܐ.

⁵ܐܸܢܵܐ ܐܸܩܘܿܫ ܒܟܸܢܵܪܵܐ ܕܲܥܣܲܪ.

⁶ܘܐܸܩܘܿܫ ܒܩܝܼܬ̣ܵܪܵܐ.

⁷ܡܸܛܠ ܕܚܲܕ̇ܝܼܬܵܢܝ ܡܵܪܝܵܐ ܒܲܥܒ̣ܵܕܲܝ̈ܟ.

⁸ܘܒܲܥܒ̣ܵܕ݂ ܐܝܼܕܲܝ̈ܟ ܐܸܫܬܲܒܲܚ.

⁹ܡܵܐ ܪܲܘ̱ܪܒ̣ܝܼܢ ܥܒ̣ܵܕܲܝ̈ܟ ܡܵܪܝܵܐ.

¹⁰ܘܛܵܒ̣ ܥܲܡܝܼ̈ܩܵܢ ܡܲܚܫ̈ܒ̣ܵܬ̣ܵܟ݂.

¹¹ܘܓܲܒ̣ܪܵܐ ܫܵܛܝܵܐ ܠܵܐ ܝܵܕܲܥ̇.

¹²ܘܣܲܟ̣ܠܵܐ ܠܵܐ ܡܸܣܬܲܟܲܠ ܒܗܵܕܹܐ.

¹³ܡܵܐ ܕܦܵܪܥܝܼ݁ܢ ܪ̈ܲܫܝܼܥܹܐ ܐܲܝܟ݂ ܥܸܣܒܵܐ.

¹⁴ܘܫܵܘ݁ܚܝܼܢ ܟܠ ܥܵܒ̣ܕܲܝ̈ ܥܲܘܠܵܐ.

¹⁵ܕܢܹܐܒ̣ܕ̇ܘܼܢ ܠܥܵܠܲܡ ܥܵܠܡܝܼܢ.

¹⁶ܘܐܲܢ̄ܬ̇ ܡܵܪܝܵܐ ܡܪܲܝܡܵܐ ܠܥܵܠܲܡ.

¹⁷ܡܸܛܠ ܕܗܵܐ ܒܥܸܠܕ̇ܒ̣ܵܒܲܝ̈ܟ ܡܵܪܝܵܐ.

¹⁸ܡܸܛܠ ܕܗܵܐ ܒܥܸܠܕ̇ܒ̣ܵܒܲܝ̈ܟ ܢܹܐܒ̣ܕ̇ܘܼܢ.

¹⁹ܘܢܸܬ̣ܒܲܕ̇ܪܘܼܢ ܟܠ ܥܵܒ݂̈ܕܲܝ ܥܲܘܠܵܐ.

²⁰ܘܐܲܪܝܼܡܬ̇ ܩܲܪ̈ܢܵܬ̣ܝ ܐܲܝܟ݂ ܕܪܲܝܡܵܐ.

²¹ܘܨܲܒܲܥܬܵܢܝ ܒܡܸܫܚܵܐ ܡܒܲܣܡܵܐ.

²²ܘܲܚ݂ܙܲܝ̈ ܥܲܝܢܲܝ̈ ܒܲܒ̣ܥܸܠܕ̇ܒ̣ܵܒܲܝ̈.

²³ܘܲܒ̣ܒ̣ܝܼܫܹ̈ܐ ܕܩܵܝܡ݁ܝܼܢ ܥܠܲܝ ܢܸܫ̈ܡ̱ܥܵܢ ܐܸܕ݂ܢܲܝ̈.

²⁴ܙܲܕ̇ܝܼܩܵܐ ܐܲܝܟ݂ ܕܸܩܠܵܐ ܢܲܦܪܲܥ.

²⁵ܘܐܲܝܟ݂ ܐܲܪ̈ܙܹܐ ܕܠܸܒ̣ܢܵܢ ܢܸܫܘܲܚ.

²⁶ܕܲܢܨܝܼܒ̣ܝܼܢ ܒܒܲܝܬܹܗ ܕܡܵܪܝܵܐ.

²⁷ܘܲܒ̣ܕ݂ܵܪ̈ܵܘܗܝ ܕܐܲܠܵܗܲܢ.

²⁸ܢܸܦܪ̱ܥܘܼܢ ܬܘܼܒ̣ ܘܢܸܬ̣ܪܲܒ̇ܘܼܢ ܒܣܲܝܒ̇ܘܼܬ̣ܵܐ.

²⁹ܫܲܡܝܼܢܹ̈ܐ ܘܒܲܣܝܼܡܹ̈ܐ ܢܸܗܘܘܿܢ.

³⁰ܘܲܢܚܲܘܘܿܢ ܕܲܬ̣ܪܝܼܨ ܗ̄ܘ̣ ܡܵܪܝܵܐ.

³¹ܥܲܫܝܼܢܵܐ ܘܠܲܝܬ̇ ܒܹܗ ܥܲܘܠܵܐ.