Read Aramaic Peshita Psalms 95 Bible Online

Psalms 95 - Aramaic Peshita bible

Psalms 95

¹ܬܵܘ ܢܫܲܒܲܚ ܠܡܵܪܝܵܐ.

²ܘܢܸܙܡܲܪ ܠܐܲܠܵܗܲܢ ܦܵܪܘܿܩܵܐ.

³ܢܩܲܕܸ̇ܡ ܐܲܦܵܘ̈ܗܝ ܒܬܲܘܕ̇ܝܼܬ̣ܵܐ.

⁴ܘܒܲܙܡܝܼܪ̈ܵܬ̣ܵܐ ܢܫܲܒ̇ܚܝܼܘܗܝ.

⁵ܡܸܛܠ ܕܐܲܠܵܗܵܐ ܗ̄ܘ̣ ܪܲܒܵܐ ܡܵܪܝܵܐ.

⁶ܡܲܠܟܵܐ ܕܪܲܒ̇ ܥܲܠ ܟܠܗܘܿܢ ܐܲܠܵܗܹ̈ܐ.

⁷ܕܒ̣ܐܝܼܕ݂ܵܘ̈ܗܝ ܐܸܢܹܝܢ ܫܲܬ̣ܐܸܣܹܝ̈ܗ̇ ܕܐܲܪܥܵܐ ܘܪܲܘܡܵܐ ܕܛܘܼܪܹ̈ܐ.

⁸ܕܝܼܠܹܗ ܗܘ݀ ܝܲܡܵܐ ܘܗܘ݀ ܥܲܒ̣ܕܹ̇ܗ.

⁹ܘܝܲܒ̇ܝܼܫܬܵܐ ܐܝܼܕ݂ܵܘ̈ܗܝ ܓܒܲܠ̣.

¹⁰ܬܵܘ ܢܸܒ̣ܪܘܿܟ݂ ܘܢܸܣܓ̇ܘܿܕ݂ ܠܹܗ.

¹¹ܘܲܢܒܲܪܟ̣ܝܼܘܗܝ ܠܡܵܪܝܵܐ ܕܥܲܒ̣ܕܲܢ.

¹²ܡܸܛܠ ܕܗܘ݀ܝܘܼ ܐܲܠܵܗܲܢ.

¹³ܘܲܚܢܲܢ ܥܲܡܵܐ ܕܝܼܠܹܗ ܘܥܵܢ̈ܵܐ ܕܡܲܪܥܝܼܬܹܗ.

¹⁴ܝܲܘܡܵܢܵܐ ܐܸܢ ܒܩܵܠܹܗ ܬܸܫܡ̱ܥܘܼܢ.

¹⁵ܠܵܐ ܬܩܲܫܘܿܢ ܠܸܒܵܘ̈ܵܬ̣ܟ̣ܘܿܢ ܠܡܲܪܓܵܙܘܼܬܹܗ.

¹⁶ܐܲܝܟ݂ ܡܡܲܪܡ̱ܪ̈ܵܢܹܐ ܘܐܲܝܟ݂ ܝܲܘܡܵܐ ܕܢܸܣܝܘܿܢܵܐ ܕܲܒ̣ܡܲܕ݂ܒ̇ܪܵܐ.

¹⁷ܕܢܲܣܝܘܼܢܝ ܐܲܒ̣ܵܗܲܝ̈ܟ̇ܘܿܢ.

¹⁸ܘܲܒ̣ܩܵܘ݂ ܘܲܚܙ݂ܵܘ ܥܒ̣ܵܕܲܝ̈ ܐܲܪܒ̇ܥܝܼܢ ܫܢܝܼ̈ܢ.

¹⁹ܡܸܐܢܲܬ݀ ܠܝܼ ܒܕ݂ܵܪܵܐ ܗܵܘ̇.

²⁰ܘܐܸܡ݁ܪܹܬ̣ ܕܥܲܡܵܐ ܗ̄ܘ̣ ܕܛܵܥܹ̇ܐ ܠܸܒ̇ܗܘܿܢ.

²¹ܘܗܸܢ݂ܘܿܢ ܠܵܐ ܝܑܼܕܲܥܘ ܐܘܼܪ̈ܚܵܬ̣ܝ.

²²ܐܲܝܟ݂ ܕܝܼܡ̇ܝܼܬ̣ ܒܪܘܼܓ̣ܙܝ ܕܠܵܐ ܢܸܥܠܘܼܢ ܠܲܢܝܵܚܬ̇ܝ.