Read Aramaic Peshita Psalms 96 Bible Online

Psalms 96 - Aramaic Peshita bible

Psalms 96

¹ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.

²ܫܲܒܲܚܘ ܠܡܵܪܝܵܐ ܟܠܵܗ̇ ܐܲܪܥܵܐ.

³ܫܲܒܲܚܘ ܠܡܵܪܝܵܐ ܘܒܲܪܸܟ̣ܘ ܠܲܫܡܹܗ.

⁴ܣܲܒܲܪܘ ܡ̣ܢ ܝܘܿܡ ܠܝܘܿܡ ܦܘܼܪܩܵܢܹܗ.

⁵ܐܸܫܬܲܥܵܘ ܒܥܲܡܡܹ̈ܐ ܐܝܼܩܵܪܹܗ.

⁶ܘܲܒ̣ܟ̣ܠܗܘܿܢ ܥܲܡܡܹ̈ܐ ܥܒ̣ܵܕ݂ܵܘ̈ܗܝ.

⁷ܡܸܛܠ ܕܪܲܒܘܼ ܡܵܪܝܵܐ ܘܲܡܫܲܒܲܚ ܛܵܒ̣.

⁸ܘܲܕ݂ܚܝܼܠ ܥܲܠ ܟܠܗܘܿܢ ܐܲܠܵܗܹ̈ܐ.

⁹ܡܸܛܠ ܕܟ̣ܠܗܘܿܢ ܐܲܠܵܗܹ̈ܐ ܕܥܲܡܡܹ̈ܐ ܣܪܝܼܩܝܼܢ ܐܸܢܘܿܢ.

¹⁰ܡܵܪܝܵܐ ܫܡܲܝܵܐ ܥܒ݂ܲܕ݂.

¹¹ܙܝܼܘܵܐ ܘܫܘܼܒ̣ܚܵܐ ܩܕ݂ܵܡܵܘܗܝ.

¹²ܥܘܼܫܢܵܐ ܘܬܸܫܒ̇ܘܿܚܬܵܐ ܒܡܲܩܕ̇ܫܹܗ.

¹³ܗܲܒ̣ܘ ܠܡܵܪܝܵܐ ܫܲܪ̈ܒ̣ܵܬ̣ܵܐ ܕܥܲܡܡܹ̈ܐ.

¹⁴ܗܲܒ̣ܘ ܠܡܵܪܝܵܐ ܬܸܫܒ̇ܘܿܚܬܵܐ ܘܐܝܼܩܵܪܵܐ.

¹⁵ܗܲܒ̣ܘ ܠܡܵܪܝܵܐ ܐܝܼܩܵܪܵܐ ܠܲܫܡܹܗ.

¹⁶ܫܩܘܿܠܘ ܩܘܼܪ̈ܒܵܢܹܐ ܘܥܘܿܠܘ ܠܕ݂ܵܪ̈ܵܘܗܝ.

¹⁷ܣܓ̣ܘܿܕ݂ܘ ܠܡܵܪܝܵܐ ܒܕ݂ܵܪܬܵܐ ܕܩܘܼܕ݂ܫܹܗ.

¹⁸ܬܙܘܼܥ ܡ̣ܢ ܩܕ݂ܵܡܵܘܗܝ ܟܠܵܗ̇ ܐܲܪܥܵܐ.

¹⁹ܐܸܡܲܪܘ ܒܹܝܬ̣ ܥܲܡܡܹ̈ܐ ܕܡܵܪܝܵܐ ܐܲܡܠܸܟ݂.

²⁰ܘܐܲܬ̣ܩܢܵܗ̇ ܠܬܹܒܹܝܠ ܕܠܵܐ ܬܙܘܼܥ.

²¹ܢܕ݂ܘܼܢ ܠܥܲܡܡܹ̈ܐ ܒܲܬ̣ܪܝܼܨܘܼܬ̣ܵܐ.

²²ܢܸܚܕ̇ܘܿܢ ܫܡܲܝܵܐ ܘܲܬ̇ܕ݂ܘܼܨ ܐܲܪܥܵܐ.

²³ܢܸܪܘܲܙ ܝܲܡܵܐ ܒܲܡܠܹܐܹܗ.

²⁴ܢܸܬ̣ܥܲܫ̈ܢܵܢ ܚܲܩܠ̈ܬ̣ܵܐ ܘܟ̣ܠ ܕܐܝܼܬ̣ ܒܗܹܝܢ.

²⁵ܘܗܵܝܕܹ̇ܝܢ ܢܫܲܒ̇ܚܘܼܢ ܟܠܗܘܿܢ ܐܝܼܠܵܢܹ̈ܐ ܕܥܵܒ̣ܵܐ.

²⁶ܩܕ݂ܵܡ ܡܵܪܝܵܐ ܕܐܵܬܹܐ ܠܲܡܕ݂ܵܢܵܗ̇ ܠܐܲܪܥܵܐ.

²⁷ܕܵܐܹ̇ܢ ܬܹܒܹܝܠ ܒܙܲܕ̇ܝܼܩܘܼܬ̣ܵܐ.

²⁸ܘܲܠܥܲܡܡܹ̈ܐ ܒܗܲܝܡܵܢܘܼܬ̣ܵܐ.