Read Aramaic Peshita Psalms 97 Bible Online

Psalms 97 - Aramaic Peshita bible

Psalms 97

¹ܡܵܪܝܵܐ ܐܲܡܠܸܟ݂ ܬܕ݂ܘܼܨ ܐܲܪܥܵܐ.

²ܘܢܸܚ̈ܕ̇ܝܵܢ ܓܵܙܪ̈ܵܬ̣ܵܐ ܣܲܓ̇ܝܼ̈ܐܵܬ̣ܵܐ.

³ܥܢܵܢܹ̈ܐ ܘܥܲܪ̈ܦܸܠܹܐ ܚܕ݂ܵܪ̈ܵܘܗܝ.

⁴ܒܙܲܕ̇ܝܼܩܘܼܬ̣ܵܐ ܘܲܒ̣ܕ݂ܝܼܢܵܐ ܡܲܬ̣ܩܲܢ ܟܘܼܪܣܝܹܗ.

⁵ܢܘܼܪܵܐ ܬܹܐܟ̣ܘܿܠ ܩܕ݂ܵܡܵܘܗܝ.

⁶ܘܬܲܘܩܸܕ݂ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ.

⁷ܐܲܢܗܲܪܘ ܒܲܪ̈ܩܵܘܗܝ ܠܬܹܒܹܝܠ.

⁸ܚܙܵܬ݀ ܘܐܸܬ̇ܕܲܠܚܲܬ݀ ܐܲܪܥܵܐ.

⁹ܘܛܘܼܪܹ̈ܐ ܐܲܝܟ݂ ܫܥܘܿܬ̣ܵܐ ܐܸܬ̣ܦܲܫܲܪܘ.

¹⁰ܡ̣ܢ ܩܕ݂ܵܡ ܡܵܪܝܵܐ ܡܵܪܵܐ ܕܟ̣ܠܵܗ̇ ܐܲܪܥܵܐ.

¹¹ܚܲܘܝܼܘ ܫܡܲܝܵܐ ܙܲܕ̇ܝܼܩܘܼܬܹܗ.

¹²ܘܲܚ݂ܙܵܘ ܟܠܗܘܿܢ ܥܲܡܡܹ̈ܐ ܐܝܼܩܵܪܹܗ.

¹³ܢܸܒ̣ܗ̱ܬ̣ܘܼܢ ܟܠ ܕܥܵܒ݂ܕ̇ܝܼܢ ܦܬܲܟ̣ܪܹ̈ܐ.

¹⁴ܘܡܸܫܬܲܒ̣ܗ̱ܪܝܼܢ ܒܲܓ̣ܠܝܼܦܹ̈ܐ.

¹⁵ܣܓ̣ܘܿܕ݂ܘ ܠܹܗ ܟܠܗܘܿܢ ܡܲܠܲܐܟ̣ܵܘ̈ܗܝ.

¹⁶ܬܸܫܡܲܥ ܘܬܸܚܕܸ̇ܐ ܨܸܗܝܘܿܢ.

¹⁷ܘܲܢܕ݂ܘܼ̈ܨܵܢ ܒܢܵـ̈ــܬ̣ ܝܼܗܘܼܕ݂ܵܐ.

¹⁸ܡܸܛܠ ܕܝܼܢܲܝ̈ܟ ܡܵܪܝܵܐ.

¹⁹ܡܸܛܠ ܕܐܲܢ̄ܬ̇ܘܼ ܡܵܪܝܵܐ ܡܪܲܝܡܵܐ ܥܲܠ ܟܠܵܗ̇ ܐܲܪܥܵܐ.

²⁰ܘܛܵܒ̣ ܐܸܬ̇ܬ̇ܪܝܼܡܬ̇ ܥܲܠ ܟܠܗܘܿܢ ܐܲܠܵܗܹ̈ܐ.

²¹ܪ̈ܵܚܡܵܘܗܝ ܕܡܵܪܝܵܐ ܣܵܢܹܝ݁ܢ ܠܒ̣ܝܼܫܬܵܐ.

²²ܘܢܵܛܲܪ ܢܲܦ̮̈ܫܵܬ̣ܵܐ ܕܙܲܕ̇ܝܼܩܵܘ̈ܗܝ.

²³ܘܡ̣ܢ ܐܝܼܕ݂ܵܐ ܕܪ̈ܲܫܝܼܥܹܐ ܢܦܲܨܸܐ ܐܸܢܘܿܢ.

²⁴ܢܘܼܗܪܵܐ ܕܲܕ݂ܢܲܚ ܠܙܲܕ̇ܝܼܩܹ̈ܐ.

²⁵ܘܠܲܬ̣ܪ̈ܝܼܨܲܝ ܠܸܒܵܐ ܚܲܕ݂ܘܼܬ̣ܵܐ.

²⁶ܚܕ݂ܵܘ ܙܲܕ̇ܝܼܩܹ̈ܐ ܒܡܵܪܝܵܐ.

²⁷ܘܐܲܘܕܵܘ ܠܕ݂ܘܼܟ̣ܪܵܢܵܐ ܕܩܘܼܕ݂ܫܹܗ.