Read Aramaic Peshita Psalms 98 Bible Online

Psalms 98 - Aramaic Peshita bible

Psalms 98

¹ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.

²ܡܸܛܠ ܕܬܸܕ݂ܡܘܼܪܬܵܐ ܥ̣ܒܲܕ݂.

³ܦܪܲܩܬܹܗ ܝܲܡܝܼܢܹܗ ܘܲܕ݂ܪܵܥܹܗ ܩܲܕ̇ܝܼܫܵܐ.

⁴ܚܲܘܝܼ ܡܵܪܝܵܐ ܦܘܼܪܩܵܢܹܗ.

⁵ܘܲܠܥܹܝܢ ܥܲܡܡܹ̈ܐ ܓܠ݂ܵܐ ܙܲܕ̇ܝܼܩܘܼܬܹܗ.

⁶ܐܸܬ̇ܕ̇ܟܲܪ ܛܲܝܒ̇ܘܼܬܹܗ ܘܗܲܝܡܵܢܘܼܬܹܗ ܠܲܕ݂ܒܹܝܬ̣ ܝܑܼܣܪܵܝܹܠ.

⁷ܘܲܚ݂ܙܵܘ ܟܠܗܘܿܢ ܥܸܒ̣ܪܹ̈ܝܗ̇ ܕܐܲܪܥܵܐ ܦܘܼܪܩܵܢܹܗ ܕܐܲܠܵܗܲܢ.

⁸ܫܲܒܲܚܘ ܠܡܵܪܝܵܐ ܟܠܵܗ̇ ܐܲܪܥܵܐ.

⁹ܐܸܬ̣ܦܲܨ݇ܚܘ ܘܙܲܡܲܪܘ ܘܫܲܒܲܚܘ.

¹⁰ܙܡܲܪܘ ܠܡܵܪܝܵܐ ܒܟܸܢܵܪܹ̈ܐ ܘܲܒ̣ܩܵܠܵܐ ܕܲܙܡܵܪܵܐ.

¹¹ܘܲܒ̣ܩܵܠܵܐ ܕܩܲܪ̈ܢܵܬ̣ܵܐ ܫܲܒܲܚܘ ܩܕ݂ܵܡ ܡܲܠܟܵܐ ܡܵܪܝܵܐ.

¹²ܢܙܘܼܥ ܝܲܡܵܐ ܒܲܡܠܹܐܹܗ.

¹³ܬܹܒܹܝܠ ܘܥܵܡܘܿܪܹ̈ܝܗ̇.

¹⁴ܢܲܗܪ̈ܵܘܵܬ̣ܵܐ ܢܸܩܫܘܼܢ ܟܲܦܵܐ ܐܲܟ̣ܚ̄ܕ݂ܵܐ.

¹⁵ܘܛܘܼܪܹ̈ܐ ܢܫܲܒ̇ܚܘܼܢ ܩܕ݂ܵܡ ܡܵܪܝܵܐ.

¹⁶ܕܐܵܬܹ̇ܐ ܠܲܡܕ݂ܵܢܵܗ̇ ܠܐܲܪܥܵܐ.

¹⁷ܕܵܐܹ̇ܢ ܬܹܒܹܝܠ ܒܩܘܼܫܬܵܐ.

¹⁸ܘܲܠܥܲܡܡܹ̈ܐ ܒܲܬ̣ܪܝܼܨܘܼܬ̣ܵܐ.