Read Aramaic Peshita Ecclesiastes 11 Bible Online

Ecclesiastes 11 - Aramaic Peshita bible

Ecclesiastes 11

¹ܫܲܕܲܪ ܠܲܚܡܵܟ ܥܲܠ ܐܲܦܲܝ̈ ܡܲـ̈ـܝܵܐ: ܡܸܛܠ ܕܲܠܣܘܿܓܲܐܬ̣ ܝܵܘ̈ܡܵܬ̣ܵܐ ܬܸܫܟ̇ܚܝܼܘܗܝ.

²ܗܲܒ̣ ܡܢܵܬ̣ܵܐ ܠܫܲܒ̣ܥܵܐ ܐܵܦ ܠܲܬ̣ܡܵܢܝܵܐ: ܡܸܛܠ ܕܠܵܐ ܬܸܕܲܥ ܡܵܢܵܐ ܒܝܼܫܬܵܐ ܬܸܗܘܹܐ ܥܲܠ ܐܲܪܥܵܐ.

³ܐܸܢ ܢܸܡ̱ܠ̈ܝܵܢ ܥܢܵܢܲܝ̈ ܡܸܛܪܵܐ: ܥܲܠ ܐܲܪܥܵܐ ܢܹܐܫ̈ܕܵܢ. ܘܐܸܢ ܢܸܦܠ ܩܷܲܣܵܐ ܒܬܲܝܡܢܵܐ ܐܵܘ ܒܐܲܬ̣ܪܵܐ ܕܓܲܪܒ̇ܝܵܐ: ܐܲܬܲܪ ܕܢܵܦܹ̇ܠ ܩܲܝܣܵܐ: ܬܲܡܵܢ ܢܸܗܘܸܐ.

⁴ܕܢܵܛܲܪ ܠܪܘܼܚܵܐ: ܠܵܐ ܙܵܪܲܥ. ܘܲܕܼܚܵܐܲܪ ܠܲܥܢܵܢܹ̈ܐ: ܠܵܐ ܚܵܝܨܹ̇ܕܼ.

⁵ܡܸܛܠ ܕܠܵܐ ܝܵܕܲܥ ܐܲܢ̄ܬ̇ ܡܵܢܲܐ ܗ̄ܝܼ ܐܘܼܪܚܵܐ ܕܪܘܼܚܵܐ. ܐܲܝܟ ܙܢܵܐ ܓܹܝܪ ܕܒܲܛܢܬ̣ܵܐ ܕܒ̣ܵܛܢܵܐ: ܗܵܟܲܢܵܐ ܠܵܐ ܬܸܕܲܥ ܥܒ̣ܵܕܼܵܘ̈ܗܝ ܕܡܵܪܝܵܐ ܟܠ ܕܢܸܥܒܸ̇ܕܼ.

⁶ܟܠ ܨܲܦܪܵܐ ܙܪܘܿܥ ܙܲܪܥܵܟ. ܘܲܒ̣ܪܲܡܫܵܐ ܠܵܐ ܬܸܫܒ̇ܘܿܩ ܐܝܼܕܼܵܟ. ܡܸܛܠ ܝܵܕܲܥ ܐܲܢ̄ܬ̇ ܐܲܝܢܵܐ ܡܲܟ̣ܫܲܪ: ܐܵܘ ܗܵܢܵܐ ܐܵܘ ܗܵܢܵܐ: ܘܐܸܢ ܬܪ̈ܲܝܗܘܿܢ ܐܲܟ̣ܚ̄ܕܼ ܛܵܒ̣ܝܼܢ.

⁷ܚܠܸܐ ܢܘܼܗܪܵܐ: ܘܛܵܒ̣ ܠܥܲܝܢܹ̈ܐ. ܘܝܲܬ̇ܝܼܪ ܠܚܵܙ̇ܝܲܝ̈ ܫܸܡܫܵܐ.

⁸ܡܸܛܠ ܕܐܸܢ ܫܢܝܼ̈ܢ ܣܲܓ̇ܝܼ̈ܐܵܢ ܢܸܚܹܐ ܒܲܪܢܵܫܵܐ: ܒܟ̣ܠܗܹܝܢ ܢܸܚܕܹ̇ܐ. ܘܢܸܬ̇ܕ̇ܟܲܪ ܝܵܘ̈ܡܲܝ ܚܸܫܘܿܟ̣ܵܐ. ܡܸܛܠ ܕܣܲܓ̇ܝܼ̈ܐܝܼܢ ܢܸܗܘܘܿܢ. ܟܠ ܕܐܵܬܹ̇ܐ: ܗܸܒ̣ܠܵܐ.

⁹ܒܝܵܘ̈ܡܲܝ ܥܠܲܝܡܘܼܬ̣ܵܟ ܚܕܼܝܼ ܥܠܲܝܡܵܐ: ܘܢܸܛܐܲܒ̣ ܠܵܟ. ܘܗܲܠܸܟ ܒܐܘܼܪ̈ܚܵܬ̣ܵܐ ܕܠܸܒܵܟ ܘܲܒ̣ܚܸܙܘܵܐ ܕܥܲܝܢܲܝ̈ܟ. ܘܕܲܥ ܕܲܒ̣ܗܵܠܹܝܢ ܟܠܗܹܝܢ ܡܲܥܸܠ ܠܵܟ ܡܵܪܝܵܐ ܒܕܼܝܼܢܵܐ.

¹⁰ܐܲܥܒܲܪ ܪܘܼܓ̣ܙܵܐ ܡ̣ܢ ܠܸܒܵܟ. ܘܐܲܦܪܸܩ ܒܝܼܫܬܵܐ ܡ̣ܢ ܒܸܣܪܵܟ. ܡܸܛܠ ܕܛܲܠܝܘܼܬ̣ܵܐ ܘܠܵܐ ܝܼܕܲܥܬ̣ܵܐ ܗܸܒ̣ܠܵܐ.