Read Aramaic Peshita Song of Solomon 6 Bible Online

Song of Solomon 6 - Aramaic Peshita bible

Song of Solomon 6

¹ܕܵܕ݂ܝ ܢܚܸܬ̣ ܠܓܲܢܬܹܗ: ܘܲܠܡܲܫ̈ܟ̇ܒ̣ܵܬ̣ܵܐ ܕܒܸܣܡܵܢܹ̈ܐ: ܕܢܸܪܥܹܐ ܒܓܲܢܬܹ̈ܐ: ܘܢܸܠܩܘܿܛ ܫܘܿܫܲܢܹ̈ܐ.

²ܐܸܢܵܐ ܠܕ݂ܵܕ݂ܝ: ܘܕ݂ܵܕ݂ܝ ܠܝܼ: ܕܪܵܥܹ̇ܐ ܒܫܘܿܫܲܢܹ̈ܐ.

³ܫܲܦܝܼܪܲܬ̇ܝ ܩܲܪܝܼܒ̣ܬ̇ܝ ܐܲܝܟ݂ ܨܸܒ̣ܝܵܢܵܐ. ܝܵܐ̇ܝܲܬ̇ܝ ܐܲܝܟ݂ ܐܘܿܪܸܫܠܸܡ. ܘܲܕ݂ܚܝܼܠܲܬ̇ܝ ܐܲܝܟ݂ ܓܒ̣ܝܼܬ̣ܵܐ.

⁴ܐܲܗܦܸܟ݂ܝ ܥܲܝܢܲܝ̈ܟ̇ܝ ܡ̣ܢ ܠܘܼܩܒܲܠܝ: ܡܸܛܠ ܕܗܸܢܹܝܢ ܐܲܦ̱ܪ̈ܕ݂ܵܢܝ. ܣܲܥܪܹܟ݂ܝ ܐܲܝܟ݂ ܓܙܵܪܵܐ ܕܥܸܙܹ̈ܐ: ܕܣܵܠܹ̇ܩ ܡ̣ܢ ܛܘܼܪܵܐ ܕܓܸܠܥܵܕ݂.

⁵ܫܸܢܲܝ̈ܟ̇ܝ ܐܲܝܟ݂ ܓܙܵܪܵܐ ܕܲܓ̣ܙܝܼ̈ܙܵܬ̣ܵܐ: ܕܣܵܠܹ̇ܩ ܡ̣ܢ ܡܲܣܚܘܼܬ̣ܵܐ. ܕܟ݂ܠܗܹܝܢ ܡܲܬ̣̱ܐܡܵـ̈ـܢ: ܘܕܲܡܓܲܙܝܵܐ ܠܲܝܬ̇ ܒܗܹܝܢ.

⁶ܘܐܲܝܟ݂ ܨܠܵܦܵܐ ܕܪܘܼܡܵܢܵܐ ܩܕ݂ܵܠܹܟ݂ܝ ܠܒܲܪ ܡ̣ܢ ܫܸܬ̣ܩܹܟ݂ܝ.

⁷ܫܬ̇ܝܼܢ ܐܸܢܹܝܢ ܡܲܠ̈ܟܵܢ: ܘܲܬ̣ܡܵܢܐܝܼܢ ܕܪ̈ܘܼܟ݂ܵܢ. ܘܲܥܠܲܝ̈ܡܵܬ̣ܵܐ ܕܠܲܝܬ̇ ܠܗܹܝܢ ܡܸܢܝܵܢ.

⁸ܚܕ݂ܵܐ ܗ̄ܝܼ ܝܵܘܢܝ ܬܲܡܝܼܡܬܵܐ: ܚܕ݂ܵܐ ܗ̄ܝܼ ܠܐܸܡܵܗ̇. ܘܓܲܒ̣ܝܵܐ ܗ̄ܝܼ ܠܝܵܠܹܕ̇ܬܵܗ̇ ܚ̈ܙܲܝܵܗ̇ ܒ̈ܢܵܬ̣ܵܐ. ܘܫܲܒ̇ـ̈ـܚܵܗ̇ ܡܲܠ̈ܟܵܬ̣ܵܐ. ܘܲܕ݂ܪ̈ܘܼܟ݂ܵܬ̣ܵܐ ܘܫܲܒ̇ـ̈ـܚܵܗ̇.

⁹ܡܲܢ ܗ̄ܝܼ ܗܵܕܹܐ ܕܲܡܕ݂ܝܼܩܵܐ ܐܲܝܟ݂ ܨܲܦܪܵܐ. ܫܲܦܝܼܪܵܐ ܐܲܝܟ݂ ܣܲܗܪܵܐ. ܕܲܟ݂ܝܵܐ ܐܲܝܟ݂ ܫܸܡܫܵܐ. ܕܚܝܼܠܵܐ ܐܲܝܟ݂ ܪܵܘ̱ܪ̈ܒ̣ܵܬ̣ܵܐ.

¹⁰ܠܓܲܢܲܬ̣ ܓܵܘ̈ܙܹܐ ܢܸܚܬܹ̇ܬ̣ ܕܐܸܚܙܹܐ ܒܐܸܒܵܐ ܕܢܲܚ̈ܠܹܐ. ܠܡܸܚܙܵܐ ܐܸܢ ܦܸܪܥܲܬ̤ ܓܦܸܬܵܐ: ܘܐܸܢ ܒܠܲܨܘ ܪ̈ܘܼܡܵܢܹܐ.

¹¹ܘܠܵܐ ܝܸܕ݂ܥܲܬ̤ ܢܲܦ̮ܫܝ ܣܵܡܬܵܢܝ ܒܡܲܪܟܲܒ̣ܬ̣ܵܐ ܕܥܲܡܵܐ ܕܲܡܛܲܝܲܒ̣.

¹²ܬܘܼܒ̣ܝ ܬܘܼܒ̣ܝ ܫܝܼܠܘܿܡܵܝܬܵܐ. ܬܘܼܒ̣ܝ ܬܘܼܒ̣ܝ: ܘܲܢܚܘܼܪ ܒܹܟ݂ܝ.