Read Aramaic Peshita Isaiah 31 Bible Online

Isaiah 31 - Aramaic Peshita bible

Isaiah 31

¹ܘܵܝ ܠܲܕ݂ܢܵܚܬ̇ܝܼܢ ܠܡܸܨܪܹܝܢ ܠܡܸܬ̣ܥܲܕܵܪܘ: ܘܥܲܠ ܪ̈ܲܟ݂ܫܵܐ ܡܸܬ̇ܬܲܟ݂ܠܝܼܢ: ܘܡܸܬ̇ܬܲܟ݂ܠܝܼܢ ܥܲܠ ܡܲܪ̈ܟ̇ܒ̣ܵܬ̣ܵܐ ܣܲܓ̇ܝܼܵܐ̈ܬ̣ܵܐ: ܘܥܲܠ ܦܲܪ̈ܵܫܹܐ ܕܛܵܒ̣ ܥܲܫܝܼܢܝܼܢ. ܘܠܵܐ ܐܸܬ̇ܬ̇ܟܸܠܘ ܥܲܠ ܩܲܕ̇ܝܼܫܵܐ ܕܝܼܣܪܵܝܹܠ: ܘܲܠܡܵܪܝܵܐ ܠܵܐ ܒܥ̣ܵܘ.

²ܘܲܒ̣ܚܸܟ݂ܡ̱ܬܹܗ ܐܲܝܬ̇ܝ ܒܝܼܫܬܵܐ: ܘܡܸܠܵܘ̈ܗܝ ܠܵܐ ܐܲܥܒܲܪ. ܘܩܵܡ ܥܲܠ ܒ̣ܵܝܬܵܐ ܕܒ̣ܝܼܫܹ̈ܐ: ܘܥܲܠ ܥܘܼܕ݂ܪܵܢܵܐ ܕܥܵܒ̣ܕܲܝ̈ ܥܵܘܼܠܵܐ.

³ܘܡܸܨܪ̈ܵܝܹܐ ܐ̄ܢܵܫܵܐ ܐܸܢܘܿܢ: ܘܠܵܐ ܗܘ̤ܵܘ ܐܲܠܵܗܹ̈ܐ ܘܪ̈ܲܟ݂ܫܗܘܿܢ ܕܒܸܣܪܵܐ ܐܸܢܘܿܢ: ܘܠܵܐ ܗܘ̤ܵܘ ܕܪܘܼܚܵܐ. ܘܡܵܪܝܵܐ ܢܲܪܟܸ̇ܢ ܐܝܼܕܹܗ: ܘܢܸܣܬ̇ܚܸܦ ܡܥܲܕ̇ܪܵܢܵܐ. ܘܢܸܦܸܠ ܐܵܦ ܗܵܘܿ ܕܡܸܬ̣ܥܲܘܲܪ ܘܟ݂ܠܗܘܿܢ ܐܲܟ݂ܚ̄ܕ݂ܵܐ ܢܣܘܼܦܘܼܢ.

⁴ܡܸܛܠ ܕܗܵܟܲܢܵܐ ܐܸܡܲܪ ܠܝܼ ܡܵܪܝܵܐ: ܐܲܝܟ݂ ܕܢܵܗܹ̇ܡ ܐܲܪܝܵܐ ܘܓ̣ܘܼܪܝܵܐ ܕܐܲܪܝܵܐ ܥܲܠ ܡܸܕܸ̇ܡ ܕܬ̣ܵܒܲܪ: ܘܩܵܥܹ̇ܝܢ ܒܹܗ ܣܘܿܓ̣ܵܐܐ ܕܪ̈ܵܥܵܘܵܬ̣ܵܐ ܘܡ̣ܢ ܩܵܠܗܘܿܢ ܠܵܐ ܕܵܚܹ̇ܠ: ܘܡ̣ܢ ܣܘܿܓ̣ܵܐܗܘܿܢ ܠܵܐ ܡܸܬ̇ܬ̇ܙܝܼܥ. ܗܵܟܲܢܵܐ ܢܸܚܘܿܬ̣ ܡܵܪܝܵܐ ܚܲܝܠܬ̣ܵܢܵܐ ܠܡܸܬ̣ܚܲܝܵܠܘܼ ܥܲܠ ܛܘܼܪܵܐ ܕܨܸܗܝܘܿܢ: ܘܥܲܠ ܪ̈ܵܡܵܬ̣ܵܗ̇.

⁵ܐܲܝܟ݂ ܨܸܦܪܹ̈ܐ ܕܦܵܪ̈ܚܵܢ: ܗܵܟܲܢܵܐ ܢܲܓܸ̇ܢ ܡܵܪܝܵܐ ܚܲܝܠܬ̣ܵܢܵܐ ܥܲܠ ܐܘܿܪܸܫܠܸܡ: ܢܲܓܸ̇ܢ ܘܲܢܦܲܨܸܐ: ܘܲܢܣܲܝܲܥ ܘܲܢܥܲܕܲܪ.

⁶ܬܘܼܒ̣ܘ ܒܢܲܝ̈ ܝܼܣܪܵܝܹܠ: ܕܐܲܥ̣ܫܸܢܬ̇ܘܿܢ ܡܲܪܕ̇ܘܼܬ̣ܵܐ.

⁷ܡܸܛܠ ܕܲܒ̣ܝܵܘܡܵܐ ܗܵܘܿ: ܢܲܣܠܘܿܢ ܐ̄ܢܵܫܵܐ ܦܬܲܟ݂ܪܹ̈ܐ ܕܕܲܗܒ̣ܵܐ ܘܲܕ݂ܣܹܐܡܵܐ: ܕܲܥ̣ܒܲܕ݂ ܠܟ݂ܘܿܢ ܐܝܼܕܲܝ̈ܟ̇ܘܿܢ ܚܛܝܼܬ̣ܵܐ.

⁸ܘܢܸܦܸܠ ܐܵܬ̱̣ܘܿܪܵܝܵܐ ܒܚܲܪܒܵܐ: ܚܲܪܒܵܐ ܠܵܐ ܕܓܲܒ̣ܪܹ̈ܐ: ܘܚܲܪܒܵܐ ܠܵܐ ܕܓܲܢ̄ܒܵܪܹ̈ܐ ܬܹܐܟ݂ܠܝܼܘܗܝ ܘܢܸܥܪܘܿܩ ܠܹܗ ܡ̣ܢ ܩܕ݂ܵܡ ܚܲܪܒܵܐ: ܘܲܥܠܲܝܡܵܘ̈ܗܝ ܠܐܵܬ̤ܵܐ ܢܸܗܘܘܿܢ.

⁹ܘܒܲܫܩܝܼܦܵܐ ܕܡܲܥܡܪܹܗ ܢܸܥܡܲܪ. ܘܢܸܬ̇ܬܲܒ̣ܪܘܼܢ ܡ̣ܢ ܐܵܬ̤ܵܐ ܪܵܘ̱ܪ̈ܒ̣ܵܢܵܘܗܝ. ܐܵܡܲܪ ܡܵܪܝܵܐ ܕܢܘܼܗܪܹܗ ܒܨܸܗܝܘܿܢ: ܘܬܲܢܘܼܪܹܗ ܒܐܘܿܪܸܫܠܸܡ.