Read Aramaic Peshita Isaiah 4 Bible Online

Isaiah 4 - Aramaic Peshita bible

Isaiah 4

¹ܘܢܹܐܚ̈ܕܵܢ ܫܒܲܥ ܢܸܫ̈ܝܼܢ ܠܓܲܒ̣ܪܵܐ ܚܲܕ݂ ܒܝܵܘܡܵܐ ܗܵܘܿ. ܘܢܹܐܡܪ̈ܵܢ ܠܹܗ: ܠܲܚܡܲܢ ܢܹܐܟ݂ܘܿܠ: ܘܢܲܚ̈ܬܲܝܢ ܢܸܬ̣ܟܲܣܸܐ. ܒܲܠܚܘܿܕ݂ ܫܡܵܟ݂ ܢܸܬ̣ܩܪܸܐ ܥܠܲܝܢ: ܘܐܲܥܒܲܪ ܚܸܣܕܲܢ.

²ܒܹܗ ܒܝܵܘܡܵܐ ܗܵܘܿ: ܢܸܗܘܹܐ ܕܸܢܚܹܗ ܕܡܵܪܝܵܐ ܠܫܘܼܒ̣ܚܵܐ: ܘܠܐܝܼܩܵܪܵܐ. ܘܦܹܐܪܹ̈ܐ ܕܐܲܪܥܵܐ ܠܓܲܐܝܘܼܬ̣ܵܐ: ܘܲܠܫܘܼܒ̣ܚܵܐ: ܠܡܸܕܸ̇ܡ ܕܐܸܫܬ̇ܚܲܪ ܡ̣ܢ ܝܼܣܪܵܝܹܠ.

³ܘܢܸܗܘܹܐ ܡܲܢ ܕܡܸܫܬܲܚܲܪ ܒܨܸܗܝܘܿܢ: ܘܡܲܢ ܕܡܸܫܬܲܚܪ ܒܐܘܿܪܸܫܠܸܡ: ܩܲܕ̇ܝܼܫܵܐ ܢܸܬ̣ܩܪܸܐ: ܟܠ ܕܲܟ݂ܬ̣ܝܼܒ̣ ܒܐܘܿܪܸܫܠܸܡ ܠܚܲܝܹ̈ܐ.

⁴ܘܲܢܫܝܼܓ̣ ܡܵܪܝܵܐ ܨܵܐܬ̣ܵܐ ܕܲܒ̣̈ܢܵܬ̣ ܨܸܗܝܘܿܢ. ܘܲܕ݂ܡܵܐ ܢܲܪܚܸܩ ܡ̣ܢ ܓܵܘܵܗ̇ ܕܐܘܿܪܸܫܠܸܡ: ܒܪܘܼܚܵܐ ܕܕ݂ܝܼܢܵܐ: ܘܲܒ̣ܪܘܼܚܵܐ ܝܲܩܝܼܕ̇ܬܵܐ.

⁵ܘܢܸܒ̣ܪܸܐ ܡܵܪܝܵܐ ܥܲܠ ܟܠܹܗ ܡܲܬ̣ܩܢܵܐ: ܠܛܘܼܪܵܐ ܕܨܸܗܝܘܿܢ ܥܲܠ ܚܕ݂ܵܪܹ̈ܝܗ̇: ܥܢܵܢܵܐ ܒܐܝܼܡܵܡܵܐ: ܘܬܸܢܵܢܵܐ ܘܙܲܗܪܵܐ ܕܫܲܠܗܹܒ̣ܝܼܬ̣ܵܐ ܕܢܘܼܪܵܐ ܒܠܸܠܝܵܐ. ܡܸܛܠ ܕܥܲܠ ܟܠ ܐܝܼܩܵܪ ܬܲܛܸܥ.

⁶ܘܣܸܬܵܪܵܐ ܢܸܗܘܹܐ ܠܛܸܠܵܠܵܐ ܕܝܵܘܡܵܐ ܡ̣ܢ ܫܵܘܒܵܐ: ܠܲܡܟܲܣܵܝܘܼ ܘܠܲܡܣܲܬܵܪܘܼ ܡ̣ܢ ܙܵܪܝܼܒ̣ܬܵܐ ܘܡ̣ܢ ܡܸܛܪܵܐ.