Read Aramaic Peshita Jeremiah 45 Bible Online

Jeremiah 45 - Aramaic Peshita bible

Jeremiah 45

¹ܦܸܬ̣ܓ̣ܵܡܵܐ ܕܐܸܡܲܪ ܐܹܪܲܡܝܵܐ ܠܒ̣ܵܪܘܿܟ݂ ܒܲܪ ܢܹܪܝܼܵܐ: ܟܲܕ݂ ܟܬܲܒ̣ ܦܸܬ̣ܓ̣ܵܡܹ̈ܐ ܗܵܠܹܝܢ ܥܲܠ ܣܸܦܪܵܐ ܡ̣ܢ ܦܘܼܡܹܗ ܕܐܹܪܲܡܝܵܐ: ܒܫܲܢ̄ܬܵܐ ܪܒ̣ܝܼܥܵܝܬܵܐ ܕܝܘܿܝܵܩܝܼܡ ܒܲܪ ܝܘܿܫܝܼܵܐ ܡܲܠܟܵܐ ܕܲܝܗܘܼܕ݂ܵܐ ܠܡܹܐܡܲܪ.

²ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܥܠܲܝܟ ܒܵܪܘܿܟ݂.

³ܐܸܡܲܪܬ̇ ܘܵܝ ܕܐܵܘܣܸܦ ܡܵܪܝܵܐ ܕܵܘܘܿܢܵܐ ܥܲܠ ܟܹܐܒ̣ܝ: ܠܐܝܼܬ̣ ܒܬܸܢ̈ܚܵܬ̣ܝ ܘܲܢܝܵܚܵܐ ܠܵܐ ܐܸܫܟܹ̇ܝܬ̣.

⁴ܗܵܟܲܢܵܐ ܐܸܡܲܪ ܠܹܗ: ܗܵܟܲܢܵܐ ܐܵܡܲܪ ܡܵܪܝܵܐ: ܗܵܐ ܡܸܕܸ̇ܡ ܕܲܒ̣ܢܲܝܬܚ: ܐܸܢܵܐ ܣܵܚܹ̇ܦ ܘܡܸܕܸ̇ܡ ܕܲܢܨܲܒ̣ܬ̇: ܐܸܢܵܐ ܥܵܩܲܪ. ܘܲܠܟ݂ܠܵܗ̇ ܐܲܪܥܵܐ ܡܲܚܪܸܒ̣ ܐ̄ܢܵܐ.

⁵ܘܐܲܢ̄ܬ̇ ܕܹܝܢ ܕܲܒ̣ܥܲܝܬ̇ ܠܵܟ݂ ܪܵܘܪ̈ܒ̣ܵܬ̣ܵܐ: ܠܵܐ ܬܸܒ̣ܥܸܐ ܕܲܡܝܲܬ̇ܪ̈ܵܢ ܡܸܢܵܟ݂: ܡܸܛܠ ܕܗܵܐ ܡܲܝܬܹ̇ܐ ܐ̄ܢܵܐ ܒܝܼܫܬܵܐ ܥܲܠ ܟܠ ܒܣܲܪ ܐܵܡܲܪ ܡܵܪܝܵܐ: ܘܐܸܬܸ̇ܠ ܠܵܟ݂ ܕܲܬ̣ܫܵܘܙܒ̣ ܢܲܦ̮ܫܵܟ݂: ܒܟ݂ܠܗܘܿܢ ܐܲܬ̣ܪ̈ܵܘܵܬ̣ܵܐ ܕܬܹܐܙܲܠ ܠܬܲܡܵܢ.