Read Aramaic Peshita Jonah 2 Bible Online

Jonah 2 - Aramaic Peshita bible

Jonah 2

¹ܘܨܲܠܝܼ ܝܵܘܢܵܢ ܩܕ݂ܵܡ ܡܵܪܝܵܐ ܐܲܠܵܗܹܗ: ܡ̣ܢ ܡܥܵܘ̈ܗܝ ܕܢܘܼܢܵܐ: ܘܐܸܡ̣ܲܪ.

²ܩܪܹܝܬ̣ ܠܡܵܪܝܵܐ ܒܥܵܩܲܬ̣ܝ ܘܲܥܢܵܢܝ: ܡ̣ܢ ܟܲܪܣܵܗ̇ ܕܲܫܝܘܿܠ ܓܥܹ̇ܝܬ̣: ܘܲܫ̣ܡܲܥܬ̇ ܒܩܵܠܝ.

³ܘܐܲܪܡ̣ܝܼܬܵܢܝ ܒܥܘܼܡܩܵܐ ܒܠܸܒܹ̇ܗ ܕܝܲܡܵܐ: ܘܢܲܗܪܵܐ ܚܲܕ݂ܪܲܢܝ: ܟܠܗܘܿܢ ܡܲܚܫܘܼܠܲܝ̈ܟ ܘܓܲܠܠܲܝ̈ܟ ܥܠܲܝ ܥ̣ܒܲܪܘ.

⁴ܐܸܢܵܐ ܕܹܝܢ ܐܸܡ̇ܪܹܬ̣ ܕܐܸܬ̣ܪܲܚܩܹ̇ܬ̣ ܡ̣ܢ ܩܕ݂ܵܡ ܥܲܝܢܲܝ̈ܟ: ܡܸܟܹ̇ܝܠ ܡܵܘܣܸܦ ܐ̄ܢܵܐ ܠܡܸܚܙܵܐ ܗܲܝܟ̇ܠܵܟ݂ ܩܲܕ̇ܝܼܫܵܐ.

⁵ܚܲܕ݂ܪܘܼܢܝ ܡܲـ̈ـܝܵܐ ܥܕܲܡܵܐ ܠܢܲܦ̮ܫܵܐ. ܘܲܬ̣ܗܘܿܡܵܐ ܟܲܪܟܲܢܝ: ܘܒܸܐܫܬܹ̇ܗ ܕܝܲܡܵܐ ܐܸܬ̣ܚ̄ܒܸܫ ܪܹܫܝ.

⁶ܘܠܸܐܫܬ̇ܗܘܿܢ ܕܛܘܼܪܹ̈ܐ ܢܸܚ̇ܬܹܬ̣: ܘܐܲܪܥܵܐ ܐܸܚܕܲܬ̤ ܣܘܼܟ̇ܪܹ̈ܝܗ̇ ܒܐܲܦܲܝ̈ ܠܥܵܠܲܡ. ܘܐܲܣܩ̣ܬ̇ ܚܲܝܲܝ̈ ܡ̣ܢ ܚܒ̣ܵܠܵܐ ܡܵܪܝܵܐ ܐܲܠܵܗܝ.

⁷ܟܲܕ݂ ܐܸܬ̇ܛܲܪܦܲܬ̤ ܢܲܦ̮ܫܝ ܠܡܵܪܝܵܐ ܐܸܬ̇ܕܲܟ݂ܪܹܬ̣: ܘܥܸܠܲܬ̤ ܩܕ݂ܵܡܲܝܟ ܨܠܘܿܬ̣ܝ ܠܗܲܝܟ̇ܠܵܟ݂ ܩܲܕ̇ܝܼܫܵܐ.

⁸ܟܠ ܕܢܵܛ̇ܪܝܼܢ ܕܸܚ̈ܠܵܬ̣ܵܐ ܣܪ̈ܝܼܩܵܬ̣ܵܐ ܡܪܲܚܡܵܢܘܼܬ̣ܵܟ݂ ܫܵܒ̣̇ܩܝܼܢ.

⁹ܐܸܢܵܐ ܕܹܝܢ ܒܩܵܠܵܐ ܕܬ̣ܵܘܕܲܝܬ̣ܵܐ ܐܸܕܲܒܲܚ ܠܵܟ݂: ܘܡܸܕܹ̇ܡ ܕܢܸ̇ܕܪܹܬ̣ ܐܹܫܲܠܸܡ ܦܘܼܪܥܵܢܵܐ ܠܡܵܪܝܵܐ.

¹⁰ܘܲܦܩܲܕ݂ ܡܵܪܝܵܐ ܠܢܘܼܢܵܐ: ܘܦܲܠܛܹܗ ܠܝܵܘܢܵܢ ܠܝܲܒ̣ܫܵܐ.