Read Aramaic Peshita Jonah 4 Bible Online

Jonah 4 - Aramaic Peshita bible

Jonah 4

¹ܘܟܸܪܝܲܬ̤ ܠܝܵܘܢܵܢ ܟܲܪܝܘܼܬ̣ܵܐ ܪܲܒ̇ܬ̣ܵܐ: ܘܥܵܩܲܬ̤ ܠܹܗ ܛܵܒ̣.

²ܘܨܲܠܝܼ ܩܕ݂ܵܡ ܡܵܪܝܵܐ: ܘܐܸܡܲܪ: ܐܘܿܢ ܡܵܪܝܵܐ ܠܵܐ ܗܘ̤ܵܬ̣ ܗܵܕܹܐ ܡܸܠܲܬ̣ܝ ܟܲܕ݂ ܐܸܢܵܐ ܒܐܲܪܥܝ: ܘܡܸܛܠ ܗܵܢܵܐ ܩܲܕ̇ܡܹ̇ܬ̣ ܗ̄ܘܹ̇ܝܬ̣ ܥܸܪܩܹ̇ܬ̣ ܠܝܼ ܠܬܲܪܫܝܼܫ: ܝܵܕܲܥ ܗ̄ܘܹ̇ܝܬ̣ ܓܹܝܪ ܕܐܲܠܵܗܵܐ ܐܲܢ̄ܬ̇ ܡܪܲܚܡܵܢܵܐ ܘܲܡܪܲܚܦܵܢܵܐ: ܘܢܲܓ̇ܝܼܪܵܐ ܪܘܼܚܵܟ݂: ܘܣܲܓ̇ܝܼܵܐܐ ܛܲܝܒ̇ܘܼܬ̣ܵܟ݂: ܘܡܲܗܦܸܟ݂ ܐܲܢ̄ܬ̇ ܒܝܼܫܬܵܐ.

³ܡܸܟܹ̇ܝܠ ܡܵܪܝ ܣܲܒ̣ ܢܲܦ̮ܫܝ ܡܹܢܝ: ܡܸܛܠ ܕܦܲܩܵܚ ܠܝܼ ܠܲܡܡܵܬ̣ ܛܵܒ̣ ܡ̣ܢ ܕܲܠܡܸܚܵܐ.

⁴ܘܐܸܡܲܪ ܠܹܗ ܡܵܪܝܵܐ ܛܵܒ̣ ܟܸܪܝܲܬ̤ ܠܵܟ݂.

⁵ܘܲܢ̣ܦܲܩ ܝܵܘܢܵܢ ܠܒܲܪ ܡ̣ܢ ܡܕ݂ܝܼܢ̄ܬܵܐ: ܘܝܼܬܸܒ̣ ܠܹܗ ܒܡܲܕ݂ܢܚܵܝܵܗ̇ ܕܲܡܕ݂ܝܼܢ̄ܬܵܐ: ܘܲܥ̣ܒܲܕ݂ ܠܹܗ ܡܛܲܠܬ̣ܵܐ ܬܲܡܵܢ: ܘܝܼܬܸܒ̣ ܬܚܘܿܬܹܝܗ̇ ܒܛܸܠܵܠܵܐ: ܕܢܸܚܙܹܐ ܡܵܢܵܐ ܓܵܕܹ̇ܫ ܠܵܗ̇ ܠܲܡܕ݂ܝܼܢ̄ܬܵܐ.

⁶ܘܲܦ̣ܩܲܕ݂ ܡܵܪܝܵܐ ܐܲܠܵܗܵܐ ܠܲܫܪܘܿܪܵܐ ܕܩܲܪܐܵܐ: ܘܝܼܥ̣ܵܐ ܘܲܣܠܸܩ ܠܥܸܠ ܡ̣ܢ ܝܵܘܢܵܢ: ܘܲܗܘ̤ܵܘ ܛܸܠܵܠܵܐ ܥܲܠ ܪܹܫܹܗ: ܘܐܲܪܘܲܚ ܠܹܗ ܡ̣ܢ ܒܝܼܫܬܹ̇ܗ: ܘܲܚܕ݂ܝܼ ܝܵܘܢܵܢ ܒܹܗ ܒܲܫܪܘܿܪܵܐ ܕܩܲܪܐܵܐ ܚܲܕ݂ܘܼܬ̣ܵܐ ܪܲܒ̇ܬ̣ܵܐ.

⁷ܘܲܠܝܵܘܡܵܐ ܐ̄ܚܪܹܢܵܐ: ܦ̣ܩܲܕ݂ ܡܵܪܝܵܐ ܐܲܠܵܗܵܐ ܠܬ̣ܵܘܠܥܵܐ ܒܡܲܣܵܩܲܝ̈ ܫܲܦܪܵܐ: ܘܲܡܚܵܬܹܗ ܠܲܫܪܘܿܪܵܐ ܕܩܲܪܐܵܐ ܘܲܩܛܲܡܬܹܗ.

⁸ܘܟܲܕ݂ ܕܸܢܚܲܬ̤ ܫܸܡܫܵܐ: ܦ̣ܩܲܕ݂ ܡܵܪܝܵܐ ܐܲܠܵܗܵܐ ܠܪܘܼܚܵܐ ܕܫܵܘܒܵܐ ܘܐܵܘܒܸ̇ܫܬܹܗ ܠܩܲܪܐܵܐ: ܘܨܸܚܲܬ̤ ܫܸܡܫܵܐ ܒܪܹܫܹܗ ܕܝܵܘܢܵܢ: ܘܐܸܬ̇ܛܲܪܲܦ: ܘܲܫ̣ܐܸܠ ܡܵܘܬܵܐ ܠܢܲܦ̮ܫܹܗ: ܘܐܸܡܲܪ: ܡܵܛܹ̇ܐ ܒܐܝܼܕܲܝ̈ܟ ܡܵܪܝܵܐ ܠܡܸܣܲܒ̣ ܢܲܦ̮ܫܝ ܡܹܢܝ: ܡܸܛܠ ܕܠܵܐ ܗܘܹ̇ܝܬ̣ ܛܵܒ̣ ܐ̄ܢܵܐ ܡ̣ܢ ܐܲܒ̣ܵܗܲܝ̈.

⁹ܘܐܸܡܲܪ ܡܵܪܝܵܐ ܐܲܠܵܗܵܐ ܠܝܵܘܢܵܢ ܛܵܒ̣ ܟܸܪܝܲܬ̤ ܠܵܟ݂ ܥܲܠ ܫܪܘܿܪܵܐ ܕܩܲܪܐܵܐ: ܘܐܸܡܲܪ ܝܵܘܢܵܢ ܛܵܒ̣ ܟܸܪܝܲܬ̤ ܠܝܼ ܥܕܲܡܵܐ ܠܡܵܘܬܵܐ.

¹⁰ܐܸܡ̣ܲܪ ܠܹܗ ܡܵܪܝܵܐ: ܐܲܢ̄ܬ̇ ܚܵܣ̣ܬ̇ ܥܲܠ ܫܪܘܿܪܵܐ ܕܩܲܪܐܵܐ: ܕܠܵܐ ܠܐܝܼܬ̇ ܒܹܗ ܘܠܵܐ ܪܲܒ̇ܝܼܬܵܝܗܝ: ܕܒܲܪ ܠܸܠܝܹܗ ܝܑܼܥ̣ܵܐ ܘܒܲܪ ܠܸܠܝܹܗ ܝܑܼܒܸܥ̣.

¹¹ܐܸܢܵܐ ܕܹܝܢ ܠܵܐ ܐܹܚܘܿܣ ܥܲܠ ܢܝܼܢܘܹܐ ܡܕ݂ܝܼܢ̄ܬܵܐ ܪܲܒ̇ܬ̣ܵܐ: ܕܐܝܼܬ̣ ܒܵܗ̇ ܝܲܬ̇ܝܼܪ ܡ̣ܢ ܬܲܪܬܲܥܸܣܪܹ̈ܐ ܪܸ̈ܒ̇ܘܵܢ ܒܢܲܝ̈ܢܵܫܵܐ: ܕܠܵܐ ܝܵܕ݂ܥܝܼܢ ܒܹܝܬ̣ ܝܲܡܝܼܢܗܘܿܢ ܠܣܸܡܵܠܗܘܿܢ: ܘܣܘܿܓ̣ܵܐܐ ܕܲܒ̣ܥܝܼܪܵܐ.