Read Aramaic Peshita Numbers 1 Bible Online

Numbers 1 - Aramaic Peshita bible

Numbers 1

¹ܘܡܲܠܸܠ̣ ܡܵܪܝܵܐ ܥܲܡ ܡܘܼܫܹܐ ܒܡܲܕ݂ܒܿܪܵܐ ܕܣܝܼܢܲܝ: ܒܡܲܫܟܸܢ ܙܲܒ݂ܢܵܐ: ܒܚܲܕ݂ ܒܝܲܪܚܵܐ ܬܸܢܝܵܢܵܐ: ܒܲܫܢܲܬ݂ ܬܲܪܬܹܝܢ: ܟܲܕ݂ ܢܦܲܩ̣ܘ ܒܢܲܝ̈ ܝܼܣܪܝܹܠ ܡ̣ܢ ܐܲܪܥܵܐ ܕܡܸܨܪܹܝܢ: ܘܐܸܡܲܪ ܠܹܗ.

²ܩܲܒܸܠ ܚܘܼܫܒܵܢܵܐ ܕܡܸܢܝܵܢܵܐ ܕܪܹܫܵܐ ܕܟܠܵܗ̇ ܟܢܘܼܫܬܵܐ ܕܒܢܲܝ̈ ܝܼܣܪܝܹܠ: ܠܫܲܪ̈ܒ݂ܵܬ݂ܗܘܿܢ: ܠܒܹܝܬ݂ ܐܲܒ݂ܵܗܲܝ̈ܗܘܿܢ: ܒܡܸܢܝܵܢܵܐ ܕܲܫܡܵܗܹ̈ܐ: ܟܠ ܕܸܟ݂ܪܵܐ ܠܪܹ̈ܫܲܝܗܘܿܢ.

³ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܥܸܠ: ܟܠ ܕܢܵܦܹܩ݁ ܒܚܲܝܠܵܐ ܒܝܼܣܪܵܝܹܠ: ܬܸܡܢܸܐ ܐܸܢܘܿܢ ܒܚܲܝܠ̱ܗܘܿܢ: ܐܲܢ̄ܬܿ ܘܐܲܗܪܘܿܢ ܐܲܚܘܼܟ݂.

⁴ܘܥܲܡܟ݂ܘܿܢ ܢܸܗܘܘܿܢ ܓܲܒ݂ܪܵܐ ܓܲܒ݂ܪܵܐ ܡ̣ܢ ܫܲܒ݂ܛܵܐ: ܓܒܲܪ ܪܹܫܵܐ ܕܒܹܝܬ݂ ܐܲܒ݂ܘܼܗܝ.

⁵ܘܗܵܠܹܝܢ ܫܡܵܗܹ̈ܐ ܕܓܲܒ݂ܪܹ̈ܐ ܕܲܢܩܘܼܡܘܼܢ ܥܲܡܟ݂ܘܼܢ: ܕܪܘܼܒܹܝܠ: ܐܹܠܝܼܨܘܿܪ ܒܲܪ ܫܲܕ݂ܐܘܪ.

⁶ܕܫܸܡܥܘܿܢ: ܫܲܠܡܘܼܐܹܝܠ ܒܲܪ ܨܘܿܪܝܼܫܲܕܲܝ.

⁷ܕܲܝܗܘܼܕ݂ܐ: ܢܸܚܫܘܿܢ ܒܲܪ ܥܲܡܝܼܢܵܕ݂ܵܒ݂.

⁸ܕܐܝܼܣܵܟ݂ܵܪ: ܢܲܬ݂ܢܝܼܐܹܝܠ ܒܲܪ ܨܘܿܥܵܪ.

⁹ܕܲܙܒ݂ܘܿܠܘܿܢ: ܐܸܠܝܲܒ݂ ܒܲܪ ܚܲܠܘܿܢ.

¹⁰ܕܲܒ݂ܢܲܝ̈ ܝܲܘܣܸܦ: ܕܐܲܦܪܿܝܡ: ܐܹܠܝܼܫܡܲܥ ܒܲܪ ܥܲܡܝܼܗܘܼܕ݂: ܕܲܡܢܲܫܹܐ: ܓܲܡܠܝܼܐܹܝܠ ܒܲܪ ܦܲܪܨܘܿܪ.

¹¹ܕܒܸܢܝܵܡܹܝܢ: ܐܲܒ݂ܝܼܕ݂ܵܢ ܒܲܪ ܓܕܥܘܢܝ.

¹²ܕܕܢ: ܐܚܝܥܙܪ ܒܲܪ ܥܡܝܫܕܝ.

¹³ܕܐܫܝܪ: ܦܓܥܐܝܠ ܒܲܪ ܥܟܪܢ.

¹⁴ܕܓܕ: ܐܠܝܣܦ ܒܲܪ ܪܥܘܐܝܠ.

¹⁵ܕܢܦ̮ܬܠܝ: ܐܚܝܕܥ ܒܲܪ ܥܝܢܢ.

¹⁶ܗܠܝܢ ܩܪܝܚܐ ܕܟܢܘܫܬܐ: ܪܘܪܒܢܐ ܕܫܲܒ݂ܛܵܐ ܕܒܹܝܬ݂ ܐܲܒ݂ܵܗܲܝ̈ܗܘܿܢ: ܪܫܐ ܐܢܘܢ ܕܐܠܦܐ ܕܝܣܪܝܠ.

¹⁷ܘܕܒܪܘ ܐܢܘܢ ܡܘܫܐ ܘܐܗܪܘܢ ܠܓܒܪܐ ܗܠܝܢ ܕܐܬܦܪܫܘ ܒܫܡܗܐ.

¹⁸ܘܟܢܫܘ ܠܟܠܗ ܟܢܘܫܬܐ ܒܚܕ ܒܝܪܚܐ ܬܢܝܢܐ: ܘܐܬܡܢܝܘ ܠܫܪܒܬܗܘܢ ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ ܠܪܫܝܗܘܢ.

¹⁹ܐܝܟ݂ ܕܦܩܕ ܡܪܝܐ ܠܡܘܫܐ: ܘܡܢܐ ܐܢܘܢ ܒܡܕܒܪܐ ܕܣܝܢܝ.

²⁰ܘܗܘܘ ܒܢܘܗܝ ܕܪܘܒܝܠ ܒܘܟܪܗ ܕܝܣܪܝܠ: ܒܬܘܠܕܬܗܘܢ ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܟܠ ܕܟܪܐ ܠܪܫܝܗܘܢ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

²¹ܡܢܝܢܗܘܢ ܕܫܲܒ݂ܛܵܐ ܕܪܘܒܝܠ: ܐܪܒܥܝܢ ܘܫܬܐ ܐܠܦܝܢ ܘܚܡܫܡܐܐ.

²²ܘܒܢܝ ܫܡܥܘܢ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܟܠ ܕܟܪܐ ܠܪܫܝܗܘܢ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

²³ܡܢܝܢܗܘܢ ܕܫܲܒ݂ܛܵܐ ܕܫܡܥܘܢ: ܚܡܫܝܢ ܘܬܫܥܐ ܐܠܦܝܢ ܘܬܠܬܡܐܐ.

²⁴ܘܒܢܝ ܓܕ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܟܠ ܕܟܪܐ ܠܪܫܝܗܘܢ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

²⁵ܡܢܝܢܗܘܢ ܕܫܲܒ݂ܛܵܐ ܕܓܕ: ܐܪܒܥܝܢ ܘܚܡܫܐ ܐܠܦܝܢ: ܘܫܬܡܐܐ ܘܚܡܫܝܢ.

²⁶ܘܒܢܝ ܝܗܘܕܐ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

²⁷ܡܢܝܢܗܘܢ ܕܫܲܒ݂ܛܵܐ ܕܝܗܘܕܐ: ܫܒܥܝܢ ܘܐܪܒܥܐ ܐܠܦܝܢ ܘܫܬܡܐܐ.

²⁸ܘܒܢܝ ܐܝܣܟܪ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

²⁹ܡܢܝܢܗܘܢ ܕܫܲܒ݂ܛܵܐ ܕܐܝܣܟܪ: ܚܡܫܝܢ ܘܐܪܒܥܐ ܐܠܦܝܢ ܘܐܪܒܥܡܐܐ.

³⁰ܘܒܢܝ ܙܒܘܠܘܢ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

³¹ܡܢܝܢܗܘܢ ܕܫܲܒ݂ܛܵܐ ܕܙܒܘܠܘܢ: ܚܡܫܝܢ ܘܫܒܥܐ ܐܠܦܝܢ ܘܐܪܒܥܡܐܐ.

³²ܘܒܢܝ ܝܘܣܦ: ܒܢܝ ܐܦܪܝܡ: ܒܬܘܠܕܬܗܘܢ: ܠܫܪܒܬܗܘܢ: ܠܒܬ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

³³ܡܢܝܢܗܘܢ ܕܫܲܒ݂ܛܵܐ ܕܐܦܪܝܡ: ܐܪܒܥܝܢ ܐܠܦܝܢ ܘܚܡܫܡܐܐ.

³⁴ܘܒܢܝ ܡܢܫܐ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

³⁵ܡܢܝܢܗܘܢ ܕܫܲܒ݂ܛܵܐ ܕܡܢܫܐ: ܬܠܬܝܢ ܘܬܪܝܢ ܐܠܦܝܢ ܘܡܐܬܝܢ.

³⁶ܘܒܢܝ ܒܢܝܡܝܢ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

³⁷ܡܢܝܢܗܘܢ ܕܫܲܒ݂ܛܵܐ ܕܒܢܝܡܝܢ: ܬܠܬܝܢ ܘܚܡܫܐ ܐܠܦܝܢ ܘܐܪܒܥܡܐܐ.

³⁸ܘܒܢܝ ܕܢ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

³⁹ܡܢܝܢܗܘܢ ܕܫܲܒ݂ܛܵܐ ܕܕܢ: ܫܬܝܢ ܘܬܪܝܢ ܐܠܦܝܢ ܘܫܒܥܡܐܐ.

⁴⁰ܘܒܢܝ ܐܫܝܪ: ܒܬܘܠܕܬܗܘܢ: ܠܫܪܒܬܗܘܢ: ܠܒܹܝܬ݂ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

⁴¹ܡܢܝܢܗܘܢ ܕܫܲܒ݂ܛܵܐ ܕܐܫܝܪ: ܐܪܒܥܝܢ ܘܚܕ ܐܠܦܝܢ ܘܚܡܫܡܐܐ.

⁴²ܘܒܢܝ ܢܦ̮ܬܠܝ: ܒܬܘܠܕܬܗܘܢ: ܠܫܪܒܬܗܘܢ: ܠܒܬ ܐܒܗܝܗܘܢ: ܒܡܢܝܢܐ ܕܫܡܗܐ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

⁴³ܡܢܝܢܗܘܢ ܕܫܲܒ݂ܛܵܐ ܕܢܦ̮ܬܠܝ: ܚܡܫܝܢ ܘܬܠܬܐ ܐܠܦܝܢ ܘܐܪܒܥܡܐܐ.

⁴⁴ܗܠܝܢ ܡܢܝܢܐ ܕܡܢܐ ܡܘܫܐ ܘܐܗܪܘܢ: ܘܪܘܪܒܢܐ ܕܝܣܪܝܠ ܬܪܥܣܪ ܓܒܪܝܢ: ܚܕ ܚܕ ܓܒܪܐ ܡ̣ܢ ܒܹܝܬ݂ ܐܒܘܗܝ.

⁴⁵ܘܗܘܘ ܟܠܗܘܢ ܡܢܝܢܐ ܕܒܢܝ ܝܣܪܝܠ: ܠܒܹܝܬ݂ ܐܒܗܝܗܘܢ: ܡ̣ܢ ܒܲܪ ܥܣܪܝܢ ܫܢܝܢ ܘܠܥܠ: ܟܠ ܕܢܦܩ ܒܚܝܠܐ ܒܝܣܪܝܠ.

⁴⁶ܘܗܘܘ ܟܠܗܘܢ ܡܢܝܢܐ ܕܒܢܝ ܝܣܪܝܠ: ܫܬܡܐܐ ܘܬܠܬܐ ܐܠܦܝܢ ܘܚܡܫܡܐܐ ܘܚܡܫܝܢ.

⁴⁷ܘܠܘܝܐ ܘܫܲܒ݂ܛܵܐ ܕܐܒܗܝܗܘܢ: ܠܐ ܐܬܡܢܝܘ ܒܝܢܬܗܘܢ.

⁴⁸ܘܡܠܠ ܡܪܝܐ ܥܡ ܡܘܫܐ: ܘܐܡܪ ܠܗ.

⁴⁹ܠܫܲܒ݂ܛܵܐ ܕܠܘܝ ܠܐ ܬܡܢܐ: ܘܚܘܫܒܢܗܘܢ ܠܐ ܬܩܒܠ ܒܓܘ ܒܢܝ ܝܣܪܝܠ.

⁵⁰ܐܠܐ ܐܫܠܛ ܠܠܘܝܐ: ܥܠ ܡܫܟܢܐ ܕܣܗܕܘܬܐ: ܘܥܠ ܟܠܗܘܢ ܡܐܢܘܗܝ: ܘܥܠ ܟܠ ܡܕܡ ܕܐܝܬ ܒܗ: ܗܢܘܢ ܢܫܩܠܘܢܗ ܠܡܫܟܢܐ: ܘܠܟܠܗܘܢ ܡܐܢܘܗܝ: ܘܗܢܘܢ ܢܫܡܫܘܢܗ: ܘܚܕܪ ܡܫܟܢܐ ܢܗܘܘܢ ܫܪܝܢ.

⁵¹ܘܡܐ ܕܫܩܠ ܡܫܟܢܐ: ܢܪܟܘܢܗ ܠܘܝܐ: ܘܡܐ ܕܫܪܐ ܡܫܟܢܐ: ܢܩܝܡܘܢܗ ܠܘܝܐ: ܘܢܘܟܪܝܐ ܕܩܪܒ ܠܗ: ܢܬܩܛܠ.

⁵²ܘܢܫܪܘܢ ܒܢܝ ܝܣܪܝܠ ܓܒܲܪ ܒܡܫܪܝܬܗ: ܘܓܒܲܪ ܒܛܘܠܩܗ ܒܚܝܠܘܬܗܘܢ.

⁵³ܘܠܘܝܐ ܢܗܘܘܢ ܫܪܝܢ ܚܕܪ ܡܫܟܢܐ ܕܣܗܕܘܬܐ: ܘܠܐ ܢܗܘܐ ܪܘܓܙܐ ܥܠ ܟܢܘܫܬܐ ܕܒܢܝ ܝܣܪܝܠ: ܘܢܛܪܘܢ ܠܘܝܐ ܡܛܪܬܐ ܕܡܫܟܢܐ ܕܣܗܕܘܬܐ.

⁵⁴ܘܥܒܕܘ ܒܢܝ ܝܣܪܝܠ: ܐܝܟ݂ ܕܦܩܕ ܡܪܝܐ ܠܡܘܫܐ: ܗܟܢܐ ܥܒܕܘ.