Read Aramaic Peshita Numbers 26 Bible Online

Numbers 26 - Aramaic Peshita bible

Numbers 26

¹ܘܲܗܘ̤ܵܐ ܡ̣ܢ ܒܵܬܲܪ ܡܵܘܬܵܢܵܐ ܕܡ̣ܢ ܫܸܠܝܵܐ: ܐܸܡܲܪ ܡܵܪܝܵܐ ܠܡܘܼܫܹܐ ܘܠܹܐܠܝܼܥܵܙܲܪ ܒܲܪ ܐܲܗܪܘܿܢ ܟܵܗܢܵܐ.

²ܩܲܒܸ̇ܠ ܚܘܼܫܒܵܢܵܐ ܕܟ݂ܠܵܗ̇ ܟܢܘܼܫܬܵܐ ܕܲܒ̣̈ܢܲܝ ܝܼܣܪܵܝܹܠ: ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܥܸܠ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܟܠ ܕܢܵܦܹ̇ܩ ܒܚܲܝܠܵܐ ܒܝܼܣܪܵܝܹܠ.

³ܘܡܲܠܸܠܘ ܡܘܼܫܹܐ ܘܐܹܠܝܼܥܵܙܲܪ ܟܵܗܢܵܐ ܥܲܡܗܘܿܢ: ܒܥܲܪܒ̣̰ܘܼܬ̣ ܡܘܼܐܵܒ̣ ܕܥܲܠ ܝܘܿܪܕ̇ܢܵܢ ܕܐܝܼܪܝܼܚܘܿ.

⁴ܘܲܡܢܵܐ ܐܸܢܘܿܢ ܡܘܼܫܹܐ ܡ̣ܢ ܒܲܪ ܥܸܣܪܝܼܢ ܫܢ̈ܝܼܢ ܘܲܠܥܸܠ: ܕܦܲܩܸܕ݂ ܡܵܪܝܵܐ ܠܡܘܼܫܹܐ: ܘܲܒ̣̈ܢܲܝ ܝܼܣܪܵܝܹܠ ܕܲܢܦܲܩܘ ܡ̣ܢ ܐܲܪܥܵܐ ܕܡܸܨܪܹܝܢ.

⁵ܪܘܼܒܹܝܠ ܒܘܼܟ݂ܪܹܗ ܕܝܼܣܪܵܝܹܠ: ܒ̈ܢܲܝ ܪܘܼܒܹܝܠ: ܚܢܘܿܟ݂: ܫܲܪܒ̇ܬ̣ܵܐ ܕܲܚܢܘܿܟ݂ ܦܲܠܘܿ: ܫܲܪܒ̇ܬ̣ܵܐ ܕܦܲܠܘܿ.

⁶ܚܹܨܪܘܿܢ: ܫܲܪܒ̇ܬ̣ܵܐ ܕܚܸܨܪܘܿܢ. ܟܲܪܡܝܼ. ܫܲܪܒ̇ܬ̣ܵܐ ܕܟܲܪܡܝܼ.

⁷ܗܵܠܹܝܢ ܫܲܪ̈ܒ̣ܵܬ̣ܵܐ ܕܪܘܼܒܹܝܠ. ܘܲܗܘ̤ܵܐ ܡܸܢܝܵܢܗܘܿܢ: ܐܲܪܒ̇ܥܝܼܢ ܘܲܬ̣ܠܵܬ̣ܵܐ ܐܲܠܦ̈ܝܼܢ ܘܲܫܒܲܥ ܡܵܐܐ ܘܲܬ̣ܠܵܬ̣ܝܼܢ.

⁸ܘܲܒ̣̈ܢܲܝ ܦܲܠܘܿ: ܐܹܠܝܲܒ̣.

⁹ܘܲܒ̣̈ܢܲܝ ܐܸܠܝܲܒ̣: ܢܒ̣ܘܼܐܹܝܠ: ܘܕ݂ܵܬ̣ܵܢ: ܘܐܲܒ̣ܝܼܪܵܢ ܩܪ̈ܝܼܚܹܐ ܕܲܟ݂ܢܘܼܫܬܵܐ: ܕܐܸܬ̣ܦܠܸܓ̣ܘ ܥܲܠ ܡܘܼܫܹܐ ܘܥܲܠ ܐܲܗܪܘܿܢ ܒܲܟ݂ܢܘܼܫܬܹ̇ܗ ܕܩܘܿܪܚ ܘܐܸܬ̣ܦܠܸܓ̣ܘ ܥܲܠ ܡܵܪܝܵܐ.

¹⁰ܘܦܸܬ̣ܚܲܬ̤ ܐܲܪܥܵܐ ܦܘܼܡܵܗ̇: ܘܒܸܠܥܲܬ̤ ܐܸܢܘܿܢ: ܘܲܠܩܘܿܪܚ ܒܡܵܘܬܵܢܵܐ ܕܲܟ݂ܢܘܼܫܬܵܐ: ܟܲܕ݂ ܐܸܟ݂ܠܲܬ̤ ܢܘܼܪܵܐ ܠܡܲܐܬܹ̇ܝܢ ܘܚܲܡܫܝܼܢ ܓܲܒ̣ܪ̈ܝܼܢ ܘܲܗܘ̤ܵܘ ܠܐܵܬ̤ܵܐ.

¹¹ܘܲܒ̣̈ܢܲܝ ܩܘܿܪܚ ܠܵܐ ܡܝܼܬ̣ܘ.

¹²ܘܲܒ̣̈ܢܲܝ ܫܸܡܥܘܿܢ ܠܫܲܪ̈ܒ̣ܵܬ̣ܗܘܿܢ: ܝܲܡܘܼܐܹܝܠ: ܫܲܪܒ̇ܬ̣ܵܐ ܕܝܲܡܘܼܐܹܝܠ: ܝܲܡܢܝܼ: ܫܲܪܒ̇ܬ̣ܵܐ ܕܝܲܡܢܝܼ. ܝܵܟ݂ܝܼܢ: ܫܲܪܒ̇ܬ̣ܵܐ ܕܝܵܟ݂ܝܼܢ.

¹³ܙܲܪܚ: ܫܲܪܒ̇ܬ̣ܵܐ ܕܙܲܪܚ ܫܵܐܘܿܠ: ܫܲܪܒ̇ܬ̣ܵܐ ܕܫܵܐܘܿܠ.

¹⁴ܗܵܠܹܝܢ ܫܲܪ̈ܒ̣ܵܬ̣ܵܐ ܕܫܸܡܥܘܿܢ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܡܲܐܬܹ̇ܝܢ.

¹⁵ܘܲܒ̣̈ܢܲܝ ܓܵܕ݂ ܠܫܲܪ̈ܒ̣ܵܬ̣ܗܘܿܢ: ܨܸܦܝܘܿܢ: ܫܲܪܒ̇ܬ̣ܵܐ ܕܨܦܝܘܿܢ: ܚܲܓܝܼ: ܫܲܪܒ̇ܬ̣ܵܐ ܕܚܲܓ̇ܝܼ. ܫܘܿܢܝܼ: ܫܲܪܒ̇ܬ̣ܵܐ ܕܫܘܿܢܝܼ.

¹⁶ܐܵܙܢܝܼ: ܫܲܪܒ̇ܬ̣ܵܐ ܥܲܕ̇ܝܼ: ܫܲܪܒ̇ܬ̣ܵܐ ܕܥܲܕ̇ܝܼ.

¹⁷ܐܲܪܘܿܕ݂ܝܼ: ܫܲܪܒ̇ܬ̣ܵܐ ܕܐܵܪܘܿܕ݂ܝܼ ܐܲܕ݂ܝܼܠ: ܫܲܪܒ̇ܬ̣ܵܐ ܕܐܲܕ݂ܝܼܠ.

¹⁸ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܒ̣̈ܢܲܝ ܓܵܕ݂ ܠܡܸܢܝܵܢܗܘܿܢ: ܐܲܪܒ̇ܥܝܼܢ ܐܲܠܦ̈ܝܼܢ ܘܚܲܡܸܫ ܡܵܐܐ.

¹⁹ܘܲܒ̣̈ܢܲܝ ܝܼܗܘܼܕ݂ܵܐ: ܥܝܼܪ ܘܐܘܿܢܵܢ. ܘܡܝܼܬ̣ܘ ܥܝܼܪ ܘܐܘܿܢܵܢ ܒܐܲܪܥܵܐ ܕܲܟ݂ܢܲܥܢ.

²⁰ܘܲܗܘ̤ܵܘ ܒ̈ܢܲܝ ܝܼܗܘܼܕ݂ܵܐ ܠܫܲܪ̈ܒ̣ܵܬ̣ܗܘܿܢ: ܫܹܠܵܐ: ܫܲܪܒ̇ܬ̣ܵܐ ܕܫܹܠܵܐ. ܦܲܪܨ: ܫܲܪܒ̇ܬ̣ܵܐ ܕܦܲܪܨ. ܙܲܪܚ: ܫܲܪܒ̇ܬ̣ܵܐ ܕܙܲܪܚ.

²¹ܘܲܗܘ̤ܵܘ ܒ̈ܢܲܝ ܦܲܪܨ: ܚܸܨܪܘܿܢ: ܫܲܪܒ̇ܬ̣ܵܐ ܕܚܸܨܪܘܿܢ ܚܵܡܘܿܠ: ܫܲܪܒ̇ܬ̣ܵܐ ܕܚܵܡܘܿܠ.

²²ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܒ̣̈ܢܲܝ ܝܼܗܘܼܕ݂ܵܐ ܠܡܸܢܝܵܢܗܘܿܢ: ܫܲܒ̣ܥܝܼܢ ܘܸܫܬܵܐ ܐܲܠܦ̈ܝܼܢ ܘܚܲܡܸܫ ܡܵܐܐ.

²³ܘܲܒ̣̈ܢܲܝ ܐܝܼܣܵܟ݂ܵܪ ܠܫܲܪ̈ܒ̣ܵܬ̣ܗܘܿܢ: ܬܘܿܠܵܥ: ܫܲܪܒ̇ܬ̣ܵܐ ܕܬܸܘܿܠܵܥ. ܦܘܿܐܵܐ: ܫܲܪܒ̇ܬ̣ܵܐ ܕܦܘܿܐܵܐ.

²⁴ܝܵܫܘܿܒ̣: ܫܲܪܒ̇ܬ̣ܵܐ ܕܝܵܫܘܿܒ̣ ܫܸܡܪܘܿܢ: ܫܲܪܒ̇ܬ̣ܵܐ ܕܫܸܡܪܘܿܢ.

²⁵ܗܵܠܹܝܢ ܫܲܪ̈ܒ̣ܵܬ̣ܵܐ ܕܐܝܼܣܵܟ݂ܵܪ ܠܡܸܢܝܵܢܗܘܿܢ: ܫܬ̇ܝܼܢ ܘܐܲܪܒ̇ܥܵܐ ܐܲܠܦ̈ܝܼܢ ܘܲܬ̣ܠܵܬ̣ ܡܵܐܐ.

²⁶ܘܲܒ̣̈ܢܲܝ ܙܒ̣ܘܿܠܘܿܢ ܠܫܲܪ̈ܒ̣ܵܬ̣ܗܘܿܢ: ܣܵܕ݂ܵܪ: ܫܲܪܒ̇ܬ̣ܵܐ ܕܣܵܕ݂ܵܪ. ܐܲܠܘܿܢ: ܫܲܪܒ̇ܬ̣ܵܐ ܕܐܲܠܘܿܢ. ܢܲܚܠܵܐܹܝܠ: ܫܲܪܒ̇ܬ̣ܵܐ ܕܢܲܚܠܵܐܹܝܠ.

²⁷ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܙܒ̣ܘܿܠܘܿܢ ܠܡܸܢܝܵܢܗܘܿܢ: ܫܬ̇ܝܼܢ ܐܲܠܦ̈ܝܼܢ ܘܚܲܡܸܫܡܵܐܐ.

²⁸ܘܲܒ̣̈ܢܲܝ ܝܵܘܣܸܦ ܠܫܲܪ̈ܒ̣ܵܬ̣ܗܘܿܢ: ܡܢܲܫܹܐ ܘܐܲܦܪܹܝܡ.

²⁹ܘܲܒ̣̈ܢܲܝ ܡܢܲܫܹܐ: ܡܵܟ݂ܝܼܪ: ܫܲܪܒ̇ܬ̣ܵܐ ܕܡܵܟ݂ܝܼܪ. ܘܡܵܟ݂ܝܼܪ ܐܵܘܠܸܕ݂ ܠܓܸܠܥܵܕ݂: ܓܸܠܥܵܕ݂: ܫܲܪܒ̇ܬ̣ܵܐ ܕܓܸܠܥܵܕ݂.

³⁰ܘܗܵܠܹܝܢ ܒ̈ܢܲܝ ܓܸܠܥܵܕ݂: ܫܲܪܒ̇ܬ̣ܵܐ ܕܝܲܥܙܝܼܪ. ܚܵܠܵܩ: ܫܲܪܒ̇ܬ̣ܵܐ ܕܚܵܠܵܩ.

³¹ܐܲܫܕ݂ܵܐܹܝܠ: ܫܲܪܒ̇ܬ̣ܵܐ ܕܐܲܫܕ݂ܵܐܹܝܠ: ܫܟܹܝܡ: ܫܲܪܒ̇ܬ̣ܵܐ ܕܲܫܟ݂ܝܼܡ.

³²ܫܡܝܼܕܲܥ: ܫܲܪ̈ܒ̇ܬ̣ܵܐ ܕܲܫܡܝܼܕܲܥ ܚܵܦܵܪ: ܫܲܪܒ̇ܬ̣ܵܐ ܕܚܵܦܵܪ.

³³ܘܠܲܨܠܹܦܚܲܕ݂ ܒܲܪ ܚܵܦܵܪ: ܠܵܐ ܗܘ̤ܵܘ ܠܹܗ ܒܢܲـ̈ـܝܵܐ: ܐܸܠܵܐ ܒ̈ܢܵܬ̣ܵܐ. ܘܲܫܡܵܗܹ̈ܐ ܕܲܒ̣̈ܢܵܬܹܗ ܕܲܨܠܸܦܚܲܕ݂: ܡܲܚܠܵܐ: ܘܝܲܥܵܐ: ܘܚܲܓ̣ܠܵܐ: ܘܡܸܠܟܵܐ: ܘܬܲܪܨܵܐ.

³⁴ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܡܢܲܫܹܐ: ܘܡܸܢܝܵܢܗܘܿܢ ܚܲܡܫܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܲܫܒܲܥܡܵܐܐ.

³⁵ܘܲܒ̣̈ܢܲܝ ܐܲܦܪܹܝܡ ܠܫܲܪ̈ܒ̣ܵܬ̣ܗܘܿܢ: ܫܘܼܬ̣ܠܲܚ: ܫܲܪܒ̇ܬ̣ܵܐ ܕܫܘܼܬ̣ܠܲܚ. ܒܵܟ݂ܵܪ: ܫܲܪܒ̇ܬ̣ܵܐ ܕܒ̣ܵܟ݂ܵܪ. ܬܵܚܵܢ: ܫܲܪܒ̇ܬ̣ܵܐ ܕܬ̣ܵܚܵܢ.

³⁶ܘܗܵܠܹܝܢ ܒܢܵܘ̈ܗܝ ܕܫܘܼܬ̣ܠܲܚ: ܥܲܕܵܢ: ܫܲܪܒ̇ܬ̣ܵܐ ܕܥܲܕܵܢ.

³⁷ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܒ̣̈ܢܲܝ ܐܲܦܪܹܝܡ ܠܡܸܢܝܵܢܗܘܿܢ: ܬܠܵܬ̣ܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܚܲܡܸܫܡܵܐܐ. ܗܵܠܹܝܢ ܒ̈ܢܲܝ ܝܵܘܣܸܦ ܠܫܲܪ̈ܒ̣ܵܬ̣ܗܘܿܢ.

³⁸ܘܲܒ̣̈ܢܲܝ ܒܸܢܝܵܡܹܝܢ ܠܫܲܪ̈ܒ̣ܵܬ̣ܗܘܿܢ: ܒܵܠܵܥ: ܫܲܪܒ̇ܬ̣ܵܐ ܕܒ̣ܵܠܵܥ. ܐܲܫܒܹ̇ܠ: ܫܲܪܒ̇ܬ̣ܵܐ ܕܐܲܫܒܹ̇ܠ. ܐܲܚܝܼܪܲܡ. ܫܲܪܒ̇ܬ̣ܵܐ ܕܐܲܚܝܼܪܲܡ.

³⁹ܫܘܿܦܵܡ: ܫܲܪܒ̇ܬ̣ܵܐ ܕܫܘܿܦܵܡ. ܚܘܿܦܝܼܡ: ܫܲܪܒ̇ܬ̣ܵܐ ܕܚܘܿܦܝܼܡ.

⁴⁰ܘܲܗܘ̤ܵܐ ܒܢܵܘ̈ܗܝ ܕܒ̣ܵܠܵܥ: ܐܵܪܘܿܕ݂ ܘܢܲܥܡܵܢ: ܫܲܪܒ̇ܬ̣ܵܐ ܕܐܵܪܘܿܕ݂. ܢܲܥܡܵܢ: ܫܲܪܒ̇ܬ̣ܵܐ ܕܢܲܥܡܵܢ.

⁴¹ܗܵܠܹܝܢ ܒ̈ܢܲܝ ܒܸܢܝܵܡܹܝܢ ܒܡܸܢܝܵܗܘܿܢ: ܐܲܪܒ̇ܥܝܼܢ ܘܚܲܡܫܵܐ ܐܲܠܦ̈ܝܼܢ ܘܫܸܬ̣ܡܵܐܐ.

⁴²ܘܲܒ̣̈ܢܲܝ ܕܵܢ ܠܫܲܪ̈ܒ̣ܵܬ̣ܗܘܿܢ: ܫܘܿܚܵܡ ܫܲܪܒ̇ܬ̣ܵܐ ܕܫܘܿܚܵܡ. ܗܵܠܹܝܢ ܫܲܪ̈ܒ̣ܵܬ̣ܵܐ ܕܕܵܢ ܠܫܲܪ̈ܒ̣ܵܬ̣ܗܘܿܢ.

⁴³ܟܠܗܹܝܢ ܫܲܪ̈ܒ̣ܵܬ̣ܵܐ ܕܫܘܿܚܵܡ ܠܡܸܢܝܵܢܗܘܿܢ: ܫܬ̇ܝܼܢ ܘܐܲܪܒ̇ܥܵܐ ܐܲܠܦ̈ܝܼܢ ܘܐܲܪܒܲܥܡܵܐܐ.

⁴⁴ܘܲܒ̣̈ܢܲܝ ܐܵܫܹܝܪ ܠܫܲܪ̈ܒ̣ܵܬ̣ܗܘܿܢ: ܝܲܡܢܵܐ: ܫܲܪܒ̇ܬ̣ܵܐ ܕܝܲܡܢܵܐ. ܝܲܫܘܵܐ: ܫܲܪܒ̇ܬ̣ܵܐ ܕܝܲܫܘܵܐ. ܝܲܫܘܝܼ: ܫܲܪܒ̇ܬ̣ܵܐ ܕܝܲܫܘܝܼ ܒܪܝܼܥܵܐ: ܫܲܪܒ̇ܬ̣ܵܐ ܕܲܒ̣ܪܝܼܥܵܐ.

⁴⁵ܘܲܒ̣̈ܢܲܝ ܒܪܝܼܥܵܐ: ܚܵܒ̣ܵܪ: ܫܲܪܒ̇ܬ̣ܵܐ ܕܚܵܒ̣ܵܪ ܡܲܠܟ̇ܝܼܠ: ܫܲܪܒ̇ܬ̣ܵܐ ܕܡܲܠܟ̇ܝܼܠ.

⁴⁶ܘܫܹܡ ܒܵܪܬ̣ ܐܵܫܹܝܪ ܣܵܪܲܚ.

⁴⁷ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܒ̣̈ܢܲܝ ܐܵܫܹܝܪ ܠܡܸܢܝܵܢܗܘܿܢ: ܚܵܡܫܝܼܢ ܘܲܬ̣ܠܵܬ̣ܵܐ ܐܲܠܦ̈ܝܼܢ ܘܐܲܪܒܲܥ ܡܵܐܐ.

⁴⁸ܘܲܒ̣̈ܢܲܝ ܢܲܦ̮ܬܵܠܝܼ ܠܫܲܪ̈ܒ̣ܵܬ̣ܗܘܿܢ: ܢܲܚܨܵܐܹܝܠ: ܫܲܪܒ̇ܬ̣ܵܐ ܕܢܲܚܨܵܐܹܝܠ. ܓܘܼܢܝܼ: ܫܲܪܒ̇ܬ̣ܵܐ ܕܓ̣ܘܿܢܝܼ.

⁴⁹ܝܵܨܵܪ: ܫܲܪܒ̇ܬ̣ܵܐ ܕܝܵܨܵܪ. ܫܵܠܝܼܡ: ܫܲܪܒ̇ܬ̣ܵܐ ܕܫܵܠܝܼܡ.

⁵⁰ܗܵܠܹܝܢ ܫܲܪ̈ܒ̣ܵܬ̣ܵܐ ܕܲܒ̣̈ܢܲܝ ܢܲܦ̮ܬܵܠܝܼ ܠܫܲܪ̈ܒ̣ܵܬ̣ܗܘܿܢ: ܘܡܸܢܝܵܢܗܘܿܢ ܐܲܪܒ̇ܥܝܼܢ ܘܚܲܡܫܵܐ ܐܲܠܦ̈ܝܼܢ ܘܐܲܪܒܲܥܡܵܐܐ.

⁵¹ܟܠܗܘܿܢ ܡܸܢܝܵܢܹ̈ܐ ܕܲܒ̣̈ܢܲܝ ܝܼܣܪܵܝܹܠ: ܫܸܬ̣ܡܵܐܐ ܐܲܠܦ̈ܝܼܢ ܘܐܵܠܹܦ ܘܲܫܒܲܥܡܵܐܐ. ܘܲܬ̣ܠܵܬ̣ܝܼܢ.

⁵²ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ: ܘܐܸܡܲܪ ܠܹܗ.

⁵³ܠܗܵܠܹܝܢ ܬܸܬ̣ܦܲܠܲܓ̣ ܐܲܪܥܵܐ ܒܝܵܪܬ̇ܘܼܬ̣ܵܐ ܠܡܸܢܝܢܵܐ ܕܲܫܡܵܗܹ̈ܐ.

⁵⁴ܠܣܲܓ̇ܝܼ̈ܐܹܐ ܬܸܣܓܹ̇ܐ ܝܵܪܬ̇ܘܼܬ̣ܗܘܿܢ: ܘܠܲܙܥܘܿܪܹ̈ܐ ܬܸܙܥܲܪ ܝܵܪܬ̇ܘܼܬ̣ܗܘܿܢ: ܐ̄ܢܵܫ ܠܦܘܼܬ̣ ܡܸܢܝܵܢܹܗ ܢܩܲܒܸ̇ܠ ܝܵܪܬ̇ܘܼܬܹܗ.

⁵⁵ܒܪܲܡ ܕܹܝܢ ܒܦܸܨܹ̈ܐ ܬܸܬ̣ܦܲܠܲܓ̣ ܐܲܪܥܵܐ: ܠܲܫܡܵܗܹ̈ܐ ܕܫܲܒ̣̈ܛܹܐ ܕܐܲܒ̣ܵܗܲܝ̈ܗܘܿܢ ܢܹܐܪܬ̇ܘܿܢ.

⁵⁶ܡ̣ܢ ܦܘܼܡ ܦܸܨܹ̈ܐ ܬܸܬ̣ܦܲܠܲܓ̣ ܝܵܪܬ̇ܘܼܬ̣ܵܐ: ܒܹܝܬ̣ ܣܲܓ̇ܝܼ̈ܐܹܐ ܠܲܙܥܘܿܪܹ̈ܐ.

⁵⁷ܘܗܵܠܹܝܢ ܡܸܢܝܵܢܹ̈ܐ ܕܠܹܘܵܝܹ̈ܐ ܠܫܲܪܒ̣ܵܬ̣ܗܘܿܢ: ܓܸܪܫܘܿܢ: ܫܲܪܒ̇ܬ̣ܵܐ ܕܓܸܪܫܘܿܢ. ܩܵܗܵܬ̣: ܫܲܪܒ̇ܬ̣ܵܐ ܕܩܵܗܵܬ̣ ܡܪܵܪܝܼ: ܫܲܪܒ̇ܬ̣ܵܐ ܕܲܡܪܵܪܝܼ.

⁵⁸ܗܵܠܹܝܢ ܫܲܪ̈ܒ̣ܵܬ̣ܵܐ ܕܠܹܘܵܝܹ̈ܐ: ܫܲܪܒ̇ܬ̣ܵܐ ܕܠܸܒ̣ܢܝܼ: ܫܲܪܒ̇ܬ̣ܵܐ ܕܚܸܒ̣ܪܘܿܢܝ: ܫܲܪܒ̇ܬ̣ܵܐ ܕܡܲܚܠܝܼ: ܫܲܪܒ̇ܬ̣ܵܐ ܕܡܘܼܫܝܼ: ܫܲܪܒ̇ܬ̣ܵܐ ܕܩܘܿܪܚ. ܘܩܵܗܵܬ̣ ܐܵܘܠܸܕ݂ ܠܥܲܡܪܲܡ.

⁵⁹ܘܫܸܡ ܐܲܢ̄ܬ̇ܬܹܗ ܕܥܲܡܪܲܡ ܝܘܿܟ݂ܵܒܵܪ ܒܲܪܬ̣. ܠܹܘܝܼ ܕܐܸܬ̣ܝܲܠܕܲܬ̣ ܠܠܹܘܝܼ ܒܡܸܨܪܹܝܢ: ܘܝܸܠܕܲܬ̤ ܠܥܲܡܪܲܡ: ܠܐܲܗܪܘܿܢ: ܘܲܠܡܘܼܫܹܐ: ܘܲܠܡܲܪܝܲܡ ܚܵܬ̣ܗܘܿܢ.

⁶⁰ܘܐܸܬ̣ܝܼܠܸܕ݂ܘ ܠܐܲܗܪܘܿܢ: ܢܵܕ݂ܵܒ̣: ܘܐܲܒ̣ܝܼܗܘܿ: ܘܐܹܠܝܼܥܵܙܲܪ: ܘܐܝܼܬ̣ܵܡܲܪ.

⁶¹ܘܡܝܼܬ̣ܘ ܢܵܕ݂ܵܒ̣ ܘܐܲܒ̣ܝܼܗܘܿ ܟܲܕ݂ ܩܲܪܸܒ̣ܘ ܢܘܼܪܵܐ ܢܘܼܟ݂ܪܵܝܬܵܐ ܩܕ݂ܵܡ ܡܵܪܝܵܐ.

⁶²ܘܲܗܘ̤ܵܐ ܡܸܢܝܵܢܗܘܿܢ: ܥܸܣܪܝܼܢ ܘܲܬ̣ܠܵܬܵܐ ܐܲܠܦ̈ܝܼܢ: ܟܠ ܕܸܟ݂ܪܵܐ ܡ̣ܢ ܒܲܪ ܝܲܪܚܵܐ ܘܲܠܥܸܠ: ܡܸܛܠ ܕܠܵܐ ܐܸܬ̣ܡ̱ܢܝܼܘ ܒܓ̣ܵܘ ܒ̈ܢܲܝ ܝܼܣܪܵܝܹܠ: ܡܸܛܠ ܕܠܵܐ ܐܸܬ̣ܝܲܗ̄ܒܲܬ̤ ܠܗܘܿܢ ܝܵܪܬ̇ܘܼܬ̣ܵܐ ܒܲܝܢܵܬ̣ ܒ̈ܢܲܝ ܝܼܣܪܵܝܹܠ.

⁶³ܗܵܠܹܝܢ ܡܸܢܝܵܢܹ̈ܐ ܕܡܘܼܫܹܐ ܘܕܸܐܠܝܼܥܵܙܲܪ ܟܵܗܢܵܐ: ܕܲܡܢܵܘ ܠܲܒ̣̈ܢܲܝ ܝܼܣܪܵܝܹܠ ܒܥܲܪܒ̣ܘܼܬ̣ ܡܘܼܐܵܒ̣: ܕܥܲܠ ܝܘܿܪܕ̇ܢܵܢ ܕܐܝܼܪܝܼܚܘܿ.

⁶⁴ܘܲܒ̣ܗܵܠܹܝܢ ܠܵܐ ܗ̄ܘ̣ܵܐ ܓܲܒ̣ܪܵܐ ܡ̣ܢ ܡܸܢܝܵܢܵܐ ܕܡܘܼܫܹܐ ܘܕܲܐܗܪܘܿܢ ܟܵܗܢܵܐ: ܕܲܡܢܵܘ ܠܲܒ̣̈ܢܲܝ ܝܼܣܪܵܝܹܠ ܒܡܲܕ݂ܒ̇ܪܵܐ ܕܣܝܼܢܲܝ.

⁶⁵ܡܸܛܠ ܕܐܸܡܲܪ ܠܗܘܿܢ ܡܵܪܝܵܐ: ܡܸܬ̣ܩܛܵܠܘܼ ܢܸܬ̣ܩܲܛܠܘܼܢ ܒܡܲܕ݂ܒ̇ܪܵܐ: ܘܠܵܐ ܢܸܫܬܲܚܲܪ ܡܸܢܗܘܿܢ ܓܒܲܪ: ܐܸܠܵܐ ܐܸܢ ܟܵܠܵܒ̣ ܒܲܪ ܝܘܿܦܲܢܵܐ ܘܝܼܫܘܿܥ ܒܲܪܢܘܿܢ.