Read Aramaic Peshita Numbers 33 Bible Online

Numbers 33 - Aramaic Peshita bible

Numbers 33

¹ܘܗܵܠܹܝܢ ܡܲܫܩܵܠܵܢܹܐ ܕܲܒ̣̈ܢܲܝ ܝܼܣܪܵܝܹܠ ܕܲܢܦܲܩܘ ܡ̣ܢ ܐܲܪܥܵܐ ܕܡܸܨܪܹܝܢ ܠܚܲܝܠܵܘܵܬ̣ܗܘܿܢ: ܒܐܝܼܕܵܐ ܕܡܘܼܫܹܐ ܘܕܲܐܗܪܘܿܢ.

²ܘܲܟ݂ܬܲܒ̣ ܡܘܼܫܹܐ ܡܲܦܩܵܢܲܝ̈ܗܘܿܢ: ܘܡܲܫ̈ܩܠܵܢܲܝܗܘܿܢ: ܒܡܸܠܲܬ̣ ܦܘܼܡܹܗ ܕܡܵܪܝܵܐ: ܘܗܵܠܹܝܢ ܡܲܦܩܵܢܲܝ̈ܗܘܿܢ: ܘܡܲܫ̈ܩܠܵܢܲܝܗܘܿܢ.

³ܘܲܫܩܲܠܘ ܡ̣ܢ ܪܲܥܡܣܝܼܣ: ܒܚܲܡܫܵܥܸܣܪܵܐ ܒܝܲܪܚܵܐ ܩܲܕ݂ܡܵܝܵܐ ܡ̣ܢ ܒܵܬܲܪ ܦܸܨܚܵܐ: ܘܲܢܦܲܩܘ ܒ̈ܢܲܝ ܝܼܣܪܵܝܹܠ ܒܐܝܼܕ݂ܵܐ ܪܵܡܬ̣ܵܐ ܠܥܹܝܢ ܟܠܗܘܿܢ ܡܸܨܪ̈ܵܝܹܐ.

⁴ܘܡܸܨܪ̈ܵܝܹܐ ܩܵܒ̣ܪܝܼܢ ܗ̄ܘ̣ܵܘ ܠܒ̣ܘܼܟ݂ܪܹ̈ܐ ܕܩܲܛܸܠ ܒܗܘܿܢ ܡܵܪܝܵܐ: ܘܒܲܐܠܵܗܲܝ̈ܗܘܿܢ ܥܒܲܕ݂ ܡܵܪܝܵܐ ܕܝܼܢܵܐ.

⁵ܘܲܫܩܲܠܘ ܒ̈ܢܲܝ ܝܼܣܪܵܝܹܠ ܡ̣ܢ ܪܲܥܡܣܝܼܣ: ܘܲܫܪܵܘ ܒܣܵܟ݂ܘܿܬ̣.

⁶ܘܲܫܩܲܠܘ ܡ̣ܢ ܣܵܟ݂ܘܿܬ̣: ܘܲܫܪܵܘ ܒܐܵܬ̣ܵܡ ܕܲܒ̣ܣܵܘ̈ܦܲܝ ܡܲܕ݂ܒ̇ܪܵܐ.

⁷ܘܲܫܩܲܠܘ ܡ̣ܢ ܐܵܬ̣ܵܡ: ܘܲܫܪܵܘ ܥܲܠ ܦܘܼܡ ܚܹܐܪܝܼܬ̣ܵܐ ܕܲܩܕ݂ܵܡ ܒܥܸܠܨܦܘܿܢ: ܘܲܫܪܵܘ ܩܕ݂ܵܡ ܡܲܓ̣ܕ̇ܘܿܠ.

⁸ܘܲܫܩܲܠܘ ܡ̣ܢ ܦܘܼܡ ܚܹܐܪܝܼܬ̣ܵܐ: ܘܐܸܙܲܠܘ ܒܓ̣ܵܘ ܝܲܡܵܐ ܠܡܲܕ݂ܒ̇ܪܵܐ: ܘܐܸܙܲܠܘ ܡܲܪܕܹ̇ܐ ܬܠܵܬ̣ܵܐ ܝܵܘ̈ܡܝܼܢ ܒܡܲܕ݂ܒ̇ܪܵܐ ܕܐܲܬ̣ܵܡ: ܘܲܫܪܵܘ ܒܡܘܼܪܲܬ̣.

⁹ܘܲܫܩܲܠܘ ܡ̣ܢ ܡܘܼܪܲܬ̣: ܘܐܸܬ̣ܵܘ ܠܐܵܠܝܼܡ: ܘܒ̣ܵܠܝܼܡ ܐܝܼܬ̣ ܗ̄ܘܲܝ̈ ܬܲܪܬܲܥܸܣܪܹ̈ܐ ܥܲܝ̈ܢܵܬ̣ܵܐ ܕܡܲـ̈ـܝܵܐ: ܘܫܲܒ̣ܥܝܼܢ ܕܸܩ̈ܠܝܼܢ: ܘܲܫܪܵܘ ܬܲܡܵܢ.

¹⁰ܘܲܫܩܲܠܘ ܡ̣ܢ ܐܵܠܝܼܡ: ܘܲܫܪܵܘ ܥܲܠ ܝܲܕ݂ ܝܲܡܵܐ ܕܣܘܿܦ.

¹¹ܘܲܫܩܸ̇ܠܘ ܡ̣ܢ ܝܲܕ݂ ܝܲܡܵܐ ܕܣܘܿܦ: ܘܲܫܪܵܘ ܒܡܲܕ݂ܒ̇ܪܵܐ ܕܣܝܼܢ.

¹²ܘܲܫܩܲܠܘ ܡ̣ܢ ܡܲܕ݂ܒ̇ܪܵܐ ܕܣܝܼܢ: ܘܲܫܪܵܘ ܒܪܲܦ̮ܩܵܐ.

¹³ܘܲܫܩܲܠܘ ܡ̣ܢ ܪܲܦ̮ܩܵܐ: ܘܲܫܪܵܘ ܒܐܵܠܘܿܫ.

¹⁴ܘܲܫܩܲܠܘ ܡ̣ܢ ܐܵܠܘܿܫ: ܘܲܫܪܵܘ ܒܲܪܦܝܼܕ݂ܝܼܢ: ܘܠܲܝܬ̇ ܗ̄ܘ̣ܵܘ ܬܲܡܵܢ ܡܲـ̈ـܝܵܐ ܠܥܲܡܵܐ ܕܢܸܫܬ̇ܘܿܢ.

¹⁵ܘܲܫܩܲܠܘ ܡ̣ܢ ܪܦܝܼܕ݂ܝܼܢ: ܘܲܫܪܵܘ ܒܡܲܕ݂ܒ̇ܪܵܐ ܕܣܝܼܢܲܝ.

¹⁶ܘܲܫܩܲܠܘ ܡ̣ܢ ܡܲܕ݂ܒ̇ܪܵܐ ܕܣܝܼܢܲܝ: ܘܲܫܪܵܘ ܒܩܲܒ̣ܪܹ̈ܐ ܕܪ̈ܵܓܲܝ ܪܸܓ̇ܬ̣ܵܐ.

¹⁷ܘܲܫܩܲܠܘ ܡ̣ܢ ܩܲܒ̣ܪܹ̈ܐ ܕܪ̈ܵܓܲܝ ܪܸܓ̇ܬ̣ܵܐ: ܘܲܫܪܵܘ ܒܚܸܨܪܘܿܬ̣.

¹⁸ܘܲܫܩܲܠܘ ܡ̣ܢ ܚܸܨܪܘܿܬ̣: ܘܲܫܪܵܘ ܒܪܸܬ̣ܡܵܐ.

¹⁹ܘܲܫܩܲܠܘ ܡ̣ܢ ܪܸܬ̣ܡܵܐ: ܘܲܫܪܵܘ ܒܪܲܡܘܿܢ ܦܲܪܨ.

²⁰ܘܲܫܩܲܠܘ ܡ̣ܢ ܪܲܡܘܿܢ ܦܲܪܨ: ܘܲܫܪܵܘ ܒܠܸܒ̣ܢܵܐ.

²¹ܘܲܫܩܲܠܘ ܡ̣ܢ ܠܸܒ̣ܢܵܐ: ܘܲܫܪܵܘ ܒܪܵܣܵܐ.

²²ܘܲܫܩܲܠܘ ܡ̣ܢ ܪܵܣܵܐ: ܘܲܫܪܵܘ ܒܩܲܗܠܲܬ̣.

²³ܘܲܫܩܲܠܘ ܡ̣ܢ ܩܲܗܠܲܬ̣: ܘܲܫܪܵܘ ܒܛܘܼܪܵܐ ܕܫܵܦܵܪ.

²⁴ܘܫܩܲܠܘ ܡ̣ܢ ܛܘܼܪܵܐ ܕܫܵܦܵܪ. ܘܲܫܪܵܘ ܒܚܸܪܕܵܐ.

²⁵ܘܲܫܩܲܠܘ ܡ̣ܢ ܚܸܪܕܵܐ: ܘܲܫܪܵܘ ܒܡܲܩܗ̱ܠܘܼܬ̣.

²⁶ܘܲܫܩܲܠܘ ܡ̣ܢ ܡܲܩܗ̱ܠܘܼܬ̣: ܘܲܫܪܵܘ ܒܬ̣ܵܚܵܬ̣.

²⁷ܘܲܫܩܲܠܘ ܡ̣ܢ ܬܵܚܵܬ̣: ܘܲܫܪܵܘ ܒܬܲܪܚ.

²⁸ܘܲܫܩܲܠܘ ܡܟ̤!!!!! ܬܲܪܚ: ܘܲܫܪܵܘ ܒܡܸܬ̣ܩܵܐ.

²⁹ܘܲܫܩܲܠܘ ܡ̣ܢ ܡܸܬ̣ܩܵܐ: ܘܲܫܪܵܘ ܒܚܸܫܡܘܿܢܵܐ.

³⁰ܘܲܫܩܲܠܘ ܡ̣ܢ ܚܸܫܡܘܿܢܵܐ: ܘܲܫܪܵܘ ܒܡܸܣܪܘܿܬ̣.

³¹ܘܲܫܩܲܠܘ ܡ̣ܢ ܡܸܣܪܘܿܬ̣: ܘܲܫܪܵܘ ܒܲܒ̣̈ܢܲܝ ܝܲܥܩܵܢ.

³²ܘܲܫܩܲܠܘ ܡ̣ܢ ܒ̈ܢܲܝ ܝܲܥܩܵܢ: ܘܲܫܪܵܘ ܒܚܵܪ ܓܲܕ݂ܓܲܕ݂.

³³ܘܲܫܩܲܠܘ ܡ̣ܢ ܚܵܪ ܓܲܕ݂ܓܲܕ݂ ܘܲܫܪܵܘ ܒܛܲܒܲܬ̣.

³⁴ܘܲܫܩܲܠܘ ܡ̣ܢ ܝܲܛܒܲܬ̣: ܘܲܫܪܵܘ ܒܥܲܟ݂ܪܘܿܢܵܐ:

³⁵ܘܲܫܩܲܠܘ ܡ̣ܢ ܥܲܟ݂ܪܘܿܢܵܐ: ܘܲܫܪܵܘ ܒܥܹܨܝܼܢܘܿ ܓܒܲܪ.

³⁶ܘܲܫܩܲܠܘ ܡ̣ܢ ܥܹܨܝܼܢܘܿ ܓܒܲܪ: ܘܲܫܪܵܘ ܒܡܲܕ݂ܒ̇ܪܵܐ ܕܨܝܼܢ ܕܗ̤ܝ ܗ̄ܝ̣ ܩܕܸܫ.

³⁷ܘܲܫܩܲܠܘ ܡ̣ܢ ܩܕܸܫ: ܘܲܫܪܵܘ ܒܗܘܿܪ ܛܘܼܪܵܐ ܕܲܒ̣ܣܵܘ̈ܦܲܝ ܐܲܪܥܵܐ ܕܐܲܕ݂ܘܿܡ.

³⁸ܘܲܣܠܸܩ ܐܲܗܪܘܿܢ ܟܵܗܢܵܐ ܒܡܸܠܲܬ̣ ܦܘܼܡܹܗ ܕܡܵܪܝܵܐ ܠܗܘܿܪ ܛܘܼܪܵܐ ܘܡܝܼܬ̣ ܬܲܡܵܢ: ܒܲܫܢܲܬ̣ ܐܲܪܒ̇ܥܝܼܢ ܕܲܢܦܲܩܘ ܒ̈ܢܲܝ ܝܼܣܪܵܝܹܠ ܡ̣ܢ ܐܲܪܥܵܐ ܕܡܸܨܪܹܝܢ: ܒܝܲܪܚܵܐ ܩܲܕ݂ܡܵܝܵܐ ܒܚܲܕ݂ ܒܝܲܪܚܵܐ.

³⁹ܘܐܲܗܪܘܿܢ ܒܲܪ ܡܵܐܐ ܗ̄ܘ̣ܵܐ ܘܥܸܣܪܝܼܢ ܘܲܬ̣ܠܵܬ̣ ܫܢ̈ܝܼܢ: ܟܲܕ݂ ܡܝܼܬ̣ ܒܗܘܿܪ ܛܘܼܪܵܐ.

⁴⁰ܘܲܫܡܲܥ ܟܢܲܥܢܵܝܵܐ ܡܲܠܟܵܐ ܕܓܲܕ݂ܵܪ ܕܥܵܡܲܪ ܒܬܲܝ̱ܡܢܵܐ ܒܐܲܪܥܵܐ ܕܲܟ݂ܢܲܥܢ: ܟܲܕ݂ ܐܸܬ̣ܵܘ ܒ̈ܢܲܝ ܝܼܣܪܵܝܹܠ.

⁴¹ܘܲܫܩܲܠܘ ܡ̣ܢ ܗܘܿܪ ܛܘܼܪܵܐ: ܘܲܫܪܵܘ ܒܨܲܠܡܘܿܢܵܐ.

⁴²ܘܲܫܩܲܠܘ ܡ̣ܢ ܨܲܠܡܘܿܢܵܐ: ܘܲܫܪܵܘ ܒܦܝܼܢܘܿܢ.

⁴³ܘܲܫܩܲܠܘ ܡ̣ܢ ܦܝܼܢܘܿܢ: ܘܲܫܪܵܘ ܒܐܵܒ̣ܘܿܬ̣.

⁴⁴ܘܲܫܩܲܠܘ ܡ̣ܢ ܐܵܒ̣ܘܿܬ̣: ܘܲܫܪܵܘ ܒܥܲܝܢܵܐ ܕܥܸܒ̣ܪܵܝܹܐ: ܒܲܬ̣ܚܘܼܡܵܐ ܕܡܘܼܐܵܒ̣.

⁴⁵ܘܲܫܩܲܠܘ ܡ̣ܢ ܥܲܝܢܵܐ ܕܥܸܒ̣ܪܵܝܹܐ: ܘܲܫܪܵܘ ܒܪܝܼܒ̣ܘܿܢ ܓܲܕ݂.

⁴⁶ܘܲܫܩܲܠܘ ܡ̣ܢ ܪܝܼܒ̣ܘܿܢ ܓܲܕ݂: ܘܲܫܪܵܘ ܒܲܒ̣ܥܸܠܡܘܿܢ ܕܲܒ̣ܠܵܬ̣ܝܼܡ.

⁴⁷ܘܲܫܩܲܠܘ ܡ̣ܢ ܒܥܸܠܡܘܿܢ ܕܲܒ̣ܠܬ̣ܝܼܡ ܘܲܫܪܵܘ ܒܛܘܼܪܵܐ ܕܥܸܒ̣ܪ̈ܵܝܹܐ ܕܲܩܕ݂ܵܡ ܢܵܒ̣ܘܿ.

⁴⁸ܘܲܫܩܲܠܘ ܡ̣ܢ ܛܘܼܪܵܐ ܕܥܸܒ̣ܪ̈ܵܝܹܐ: ܘܲܫܪܵܘ ܒܥܲܪܒ̣ܘܿܬ̣ ܡܘܼܐܵܒ̣ ܕܥܲܠ ܝܘܿܪܕ̇ܢܵܢ ܕܐܝܼܪܝܼܚܘܿ.

⁴⁹ܘܲܫܪܵܘ ܥܲܠ ܝܘܿܪܕ̇ܢܵܢ ܡ̣ܢ ܒܹܝܬ̣ ܐܲܫܝܼܡܘܿܢ: ܘܲܥܕܲܡܵܐ ܠܐܵܒ̣ܵܠ ܣܵܛܝܼܡ ܕܲܒ̣ܥܲܪܒ̣ܘܿܬ̣ ܡܘܼܐܵܒ̣.

⁵⁰ܘܐܸܡܲܪ ܡܵܪܝܵܐ ܠܡܘܼܫܹܐ ܒܥܲܪܒ̣ܘܿܬ̣ ܡܘܼܐܵܒ̣ ܕܥܲܠ ܝܘܿܪܕ̇ܢܵܢ ܕܐܝܼܪܝܼܚܘܿ.

⁵¹ܡܲܠܸܠ ܥܲܡ ܒ̈ܢܲܝ ܝܼܣܪܵܝܹܠ: ܘܐܸܡܲܪ ܠܗܘܿܢ: ܐܲܢ̄ܬ̇ܘܿܢ ܥܵܒ̣ܪܝܼܢ ܐܲܢ̄ܬ̇ܘܿܢ ܝܘܿܪܕ̇ܢܲܢ ܠܐܲܪܥܵܐ ܕܲܟ݂ܢܲܥܢ.

⁵²ܘܬ̣ܵܘܒ̇ܕ݂ܘܼܢ ܟܠܗܘܿܢ ܥܵܡܘܿܪܹ̈ܝܗ̇ ܕܐܲܪܥܵܐ ܡ̣ܢ ܩܕ݂ܵܡܲܝܟ̇ܘܿܢ: ܘܬ̣ܵܘܒ̇ܕ݂ܘܼܢ ܟܠܗܹܝܢ ܣܸܓ̣̈ܕܵܬ̣ܗܘܿܢ: ܘܟ݂ܠܗܘܿܢ ܨܲܠܡܹ̈ܐ ܕܢܸܣܟܲܬ̣ܗܘܿܢ ܬܵܘܒ̇ܕ݂ܘܼܢ: ܘܟ݂ܠܗܹܝܢ ܥܠܵܘܵܬ̣̈ܗܘܿܢ ܬܥܲܩܪܘܼܢ.

⁵³ܘܬܹܐܪܬ̇ܘܼܢܵܗ̇ ܠܐܲܪܥܵܐ ܘܬܸܬ̇ܒ̣ܘܼܢ ܒܵܗ̇: ܡܸܛܠ ܕܲܠܟ݂ܘܿܢ ܝܲܗ̄ܒ̣ܬܵܗ̇ ܠܐܲܪܥܵܐ ܠܡܹܐܪܬܵܗ̇.

⁵⁴ܘܝܼܪܲܬ̣ܘ ܐܲܪܥܵܐ ܒܦܸܨܹ̈ܐ ܕܫܲܪ̈ܒ̣ܵܬ̣ܟ݂ܘܿܢ: ܠܣܲܓ̇ܝܼ̈ܐܹܐ ܬܲܣܓ̇ܘܿܢ ܝܵܪܬ̇ܘܼܬ̣ܵܐ: ܘܠܲܙܥܘܿܪܹ̈ܐ ܬܲܙܥ̱ܪܘܼܢ ܝܵܪܬ̇ܘܼܬ̣ܵܐ: ܡ̇ܢ ܕܣܵܠܩܵܐ ܠܹܗ ܦܸܨܬܵܐ ܠܫܲܒ̣̈ܛܹܐ ܕܐܲܒ̣ܵܗܲܝ̈ܟ̇ܘܿܢ ܢܹܐܪܬܘܼܢ.

⁵⁵ܘܐܸܢ ܠܵܐ ܬܵܘܒ̇ܕ݂ܘܼܢ ܠܥܵܡܘܿܪܹ̈ܐ ܕܐܲܪܥܵܐ ܡ̣ܢ ܩܕ݂ܵܡܲܝܟ̇ܘܿܢ: ܗܵܢܘܿܢ ܕܡܸܫܬܲܚܪܝܼܢ ܡܸܢܗܘܿܢ: ܢܸܗܘܘܿܢ ܣܸܟܹ̈ܐ ܒܥܲܝܢܲܝ̈ܟ̇ܘܿܢ: ܘܠܘܿܠ̈ܝܵܬ̣ܵܐ ܒܨܸܕ݂ܥܲܝ̈ܟ̇ܘܿܢ: ܘܲܢܥܝܼܩܘܼܢ ܠܟ݂ܘܿܢ ܒܐܲܪܥܵܐ ܕܥܵܡܪܝܼܢ ܐ̄ܢܬ̇ܘܿܢ ܒܵܗ̇.

⁵⁶ܘܐܲܝܟ݂ ܕܐܸܬ̣ܚܲܫܒܹܬ̣ ܕܐܸܥܒܸ̇ܕ݂ ܠܗܘܿܢ: ܐܸܥܒܸ̇ܕ݂ ܠܟ݂ܘܿܢ.