Read Aramaic Peshita Deuteronomy 16 Bible Online

Deuteronomy 16 - Aramaic Peshita bible

Deuteronomy 16

¹ܛܲܪ ܝܲܪܚܵܐ ܕܗܲܒܵܒܹ̈ܐ ܘܲܥܒܸܕ݂ ܦܸܨܚܵܐ ܠܡܵܪܝܵܐ ܐܠܵܗܵܟ݂: ܡܸܛܠ ܕܲܒ̣ܝܲܪܚܵܐ ܕܗܲܒܵܒܹ̈ܐ ܐܲܦܩܵܟ݂ ܡܵܪܝܵܐ ܐܲܠܵܗܵܟ݂ ܡ̣ܢ ܡܸܨܪܹܝܢ ܒܠܸܠܝܵܐ.

²ܘܟ݂ܘܿܣ ܦܸܨܚܵܐ ܠܡܵܪܝܵܐ ܐܲܠܵܗܵܟ݂ ܡ̣ܢ ܥܵـ̈ܢܵܐ ܘܡ̣ܢ ܬܵܘܪܹ̈ܐ: ܒܐܲܬ̣ܪܵܐ ܕܓ̣ܵܒܹܐ ܡܵܪܝܵܐ ܐܲܠܵܗܵܟ݂ ܠܡܲܫܪܵܝܘܼ ܫܡܹܗ ܬܲܡܵܢ.

³ܠܵܐ ܬܹܐܟ݂ܘܿܠ ܥܠܵܘܗܝ ܚܲܡܝܼܥܵܐ: ܐܸܠܵܐ ܫܲܒ̣ܥܵܐ ܝܵܘ̈ܡܝܼܢ ܐܲܟ݂ܘܿܠ ܥܠܵܘܗܝ ܦܲܛܝܼܪܵܐ: ܠܲܚܡܵܐ ܡܡܲܟ̇ܟ݂ܵܐ: ܡܸܛܠ ܕܲܒ̣ܣܘܼܪܗܵܒ̣ܵܐ ܢܦܲܩܬ̇ܘܿܢ ܡ̣ܢ ܡܸܨܪܹܝܢ: ܕܬܸܗܘܸܐ ܡܸܬ̇ܕ̇ܟܲܪ ܝܵܘܡܵܐ ܕܲܢܦܲܩܬ̇ ܒܹܗ ܡ̣ܢ ܡܸܨܪܹܝܢ ܟܠܗܘܿܢ ܝܵܘ̈ܡܲܝ ܚܲܝܲܝ̈ܟ.

⁴ܘܠܵܐ ܢܸܬ̣ܚܙܸܐ ܚܲܡܝܼܥܵܐ ܒܟ݂ܠܹܗ ܬܚܘܼܡܵܟ݂ ܫܲܒ̣ܥܵܐ ܝܵܘ̈ܡܝܼܢ: ܘܠܵܐ ܢܒ̣ܘܼܬ̣ ܡ̣ܢ ܒܸܣܪܵܐ ܕܢܵܟܹܣ. ܐܲܢ̄ܬ̇ ܒܪܲܡܫܵܐ ܒܝܵܘܡܵܐ ܩܲܕ݂ܡܵܝܵܐ ܠܨܲܦܪܵܐ.

⁷ܘܒܲܫܸܠ ܘܐܲܟ݂ܘܿܠ ܒܐܲܬ̣ܪܵܐ ܕܓ̣ܵܒܹܐ ܠܹܗ ܡܵܪܝܵܐ ܐܲܠܵܗܵܟ݂: ܘܲܗܦܘܿܟ݂ ܒܨܲܦܪܵܐ ܘܙܸܠ ܠܡܲܫܟܢܵܟ݂.

⁸ܫܬܵܐ ܝܵܘ̈ܡܝܼܢ ܬܹܐܟ݂ܘܿܠ ܦܲܛܝܼܪܵܐ: ܘܝܵܘܡܵܐ ܕܫܲܒ̣ܥܵܐ ܟܢܘܼܫܝܵܐ ܗ̄ܘ̣ ܠܡܵܪܝܵܐ ܐܲܠܵܗܟ݂ܘܿܢ: ܠܵܐ ܬܸܥܒ̇ܕ݂ܘܼܢ ܒܹܗ ܟܠ ܥܒ̣ܵܕ݂ܵܐ.

⁹ܫܲܒ̣ܥܵܐ ܫܵܒ̣ܘܿܥ̈ܝܼܢ ܬܸܡܢܸܐ ܠܵܟ݂. ܡܵܐ ܕܲܡܫܲܪܸܐ ܐܲܢ̄ܬ̇ ܡܲܓܠܵܐ ܒܩܵܝܑܹܡܬ̣ܵܐ: ܫܲܪܵܐ ܠܡܸܡܢܵܐ ܫܲܒ̣ܥܵܐ ܫܲܒ̣ܘܿܥܝܼ̈ܢ.

¹⁰ܘܲܥܒܸܕ݂ ܥܲܕ݂ܥܹܕ݂ܵܐ ܕܫܵܒ̣ܘܿܥܹ̈ܐ ܠܡܵܪܝܵܐ ܐܲܠܵܗܵܟ݂: ܡܸܣܲܬ̣ ܦܘܼܪܫܵܢܵܐ ܕܐܝܼܕܲܝ̈ܟ ܕܦܵܪܹܫ ܐܲܢ̄ܬ̇: ܐܲܝܟܲܢܵܐ ܕܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂.

¹¹ܘܲܚܕ݂ܝܼ ܩܕ݂ܵܡ ܡܵܪܝܵܐ ܐܲܠܵܗܵܟ݂: ܐܲܢ̄ܬ̇ ܘܲܒ̣ܪܵܟ݂: ܘܒܲܪܬ̣ܵܟ݂: ܘܥܲܒ̣ܕܵܟ݂: ܘܐܲܡܬ̣ܵܟ݂: ܘܠܹܘܝܵܐ ܕܲܒ̣ܩܘܼܪ̈ܝܵܟ݂: ܘܥܵܡܘܿܪܵܐ: ܘܝܲܬ̣ܡܵܐ: ܘܐܲܪܡܲܠܬ̣ܵܐ ܕܲܒ̣ܓ̣ܵܘܵܟ݂: ܒܐܲܬ̣ܪܵܐ ܕܓ̣ܵܝܹܐ ܡܵܪܝܵܐ ܐܲܠܵܗܵܟ݂ ܠܡܲܫܪܵܝܘܼ ܫܡܹܗ ܬܲܡܵܢ.

¹²ܘܐܸܬ̇ܕܲܟܲܪ ܕܥܲܒ̣ܕܵܐ ܗ̤ܘܲܝܬ̇ ܒܡܸܨܪܹܝܢ: ܛܲܪ ܘܲܥܒܸܕ݂ ܗܵܠܹܝܢ ܟܠܗܘܿܢ ܢܵܡܘܿܣܹ̈ܐ.

¹³ܥܲܕ݂ܥܹܕ݂ܵܐ ܕܲܡ̈ܛܲܠܠܹܐ ܥܒܸܕ݂ ܠܵܟ݂ ܫܲܒ̣ܥܵܐ ܝܵܘ̈ܡܝܼܢ ܡܵܐ ܕܚܵܡܹܠ ܐܲܢ̄ܬ̇ ܡ̣ܢ ܐܸܕܪܵܐ ܘܡ̣ܢ ܡܲܥܨܲܪܬܵܐ.

¹⁴ܘܲܚܕ݂ܝܼ ܒܥܲܕ݂ܥܹܕ݂ܵܟ݂ ܐܲܢ̄ܬ̇: ܘܲܒ̣ܪܵܟ݂: ܘܒܲܪܬ̣ܵܟ݂: ܘܥܲܒ̣ܕ݂ܵܟ݂: ܘܐܲܡܬ̣ܵܟ݂: ܘܠܹܘܵܝܵܐ: ܘܥܵܡܘܿܪܵܐ: ܘܝܲܬ̣ܡܵܐ: ܘܐܲܪܡܲܠܬܵܐ ܕܲܒ̣ܩܘܼܪ̈ܝܵܟ݂.

¹⁵ܫܲܒ̣ܥܵܐ ܝܵܘ̈ܡܝܼܢ ܥܒܸܕ݂ ܥܲܕ݂ܥܹܕ݂ܵܐ ܠܡܵܪܝܵܐ ܐܲܠܵܗܵܟ݂ ܒܐܲܬ̣ܪܵܐ ܕܓ̣ܵܒܹܐ ܡܵܪܝܵܐ: ܕܲܡܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂ ܒܟ݂ܠܵܗ̇ ܥܠܲܠܬ̣ܵܟ݂: ܘܲܒ̣ܟ݂ܠܹܗ ܥܒ̣ܵܕ݂ܵܐ ܕܐܝܼܕܲܝ̈ܟ: ܘܬܸܗܘܸܐ ܚܵܕܹܐ.

¹⁶ܬܠܵܬ̣ ܙܲܒ̣ܢ̈ܝܼܢ ܒܫܲܢ̄ܬܵܐ ܢܸܬ̣ܚܙܘܼܢ ܕܘܼܟ݂ܪ̈ܵܢܲܝܟ ܩܕ݂ܵܡ ܡܵܪܝܵܐ ܐܲܠܵܗܵܟ݂ ܒܐܲܬ̣ܪܵܐ ܕܓ̣ܵܒܹܐ: ܒܥܲܕ݂ܥܹܕܪܵܐ ܕܦܲܛܝܼܪܹ̈ܐ: ܘܲܒ̣ܥܲܕ݂ܥܹܕ݂ܵܐ ܕܫܵܒ̣ܘܿܥܹ̈ܐ: ܘܲܒ̣ܥܲܕ݂ܥܹܕ݂ܵܐ ܕܲܡ̈ܛܲܠܠܹܐ. ܘܠܵܐ ܬܸܬ̣ܚܙܸܐ ܩܕ݂ܵܡ ܡܵܪܝܵܐ ܐܲܠܵܗܵܟ݂ ܣܪܝܼܩܵܐܝܼܬ̣.

¹⁷ܐܸܠܵܐ ܐ̄ܢܵܫ ܐܲܝܟ݂ ܡܵܘܗܲܒ̣ܬ̣ܵܐ ܕܐܝܼܕܹܗ: ܐܲܝܟ݂ ܒܘܼܪܟܬ̣ܵܐ ܕܝܵܗܹ̇ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂.

¹⁸ܕܲܝܵܢܹ̈ܐ ܘܣܵܦܪܹ̈ܐ ܥܒܸܕ݂ ܠܵܟ݂ ܒܟ݂ܠܗܹܝܢ ܩܘܼܪ̈ܝܹܐ ܕܝܵܗܹ̇ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂: ܠܫܲܒ̣ܛܲܝ̈ܟ: ܘܲܢܕ݂ܘܼܢܘܼܢ ܠܥܲܡܵܐ ܕܝܼܢܹ̈ܐ ܕܙܲܕ̇ܝܼܩܘܼܬ̣ܵܐ.

¹⁹ܠܵܐ ܬܸܨܠܸܐ ܕܝܼܢܵܐ: ܘܠܵܐ ܬܸܣܲܒ̣ ܒܐܲܦܹ̈ܐ: ܘܠܵܐ ܬܩܲܒܸ̇ܠ ܫܘܼܚܕ݂ܵܐ: ܡܸܛܠ ܕܫܘܼܚܕܵܐ ܡܥܵܘܲܪ ܥܲܝܢܲܝ̈ܗܘܿܢ ܕܚܲܟܝܼܡܹ̈ܐ ܒܕ݂ܝܼܢܵܐ: ܘܡܲܗܦܸܟ݂ ܡܸܠܲܝ̈ܗܘܿܢ ܕܙܲܟܵܝܹ̈ܐ.

²⁰ܐܸܠܵܐ ܒܙܲܕ̇ܝܼܩܘܼܬ̣ܵܐ ܕܘܼܢ ܚܲܒ̣ܪܵܟ݂: ܕܬܸܚܸܐ: ܘܬܸܥܘܿܠ ܘܬܹܐܪܲܬ̣ ܐܲܪܥܵܐ ܕܝܵܗܹ̇ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂.

²¹ܠܵܐ ܬܸܨܘܿܒ̣ ܠܵܟ݂ ܫܸܬ̣ܠܵܬ̣ܵܐ ܕܟ݂ܠ ܐܝܼܠܵܢ ܥܲܠ ܓܹܢ̄ܒ ܡܲܕ݂ܒ̇ܚܵܐ ܕܡܵܪܝܵܐ ܐܲܠܵܗܵܟ݂ ܕܬܸܥܒܸ̇ܕ݂ ܠܵܟ݂.

²²ܘܠܵܐ ܬܩܝܼܡ ܠܵܟ݂ ܩܵܝܑܹܡܬ̣ܵܐ ܡܸܕܸ̇ܡ ܕܣܵܢܹ̇ܐ ܡܵܪܝܵܐ ܐܲܠܵܗܵܟ݂.