Read Aramaic Peshita Deuteronomy 32 Bible Online

Deuteronomy 32 - Aramaic Peshita bible

Deuteronomy 32

¹ܨܘܼܬ̣ܝ ܫܡܲܝܵܐ ܘܐܹܡܲܠܸܠ: ܬܸܫܡܲܥ ܐܲܪܥܵܐ ܡܹܐܡܪܹܗ ܕܦܘܼܡܝ.

²ܢܸܪܣܲܡ ܐܲܝܟ݂ ܡܸܛܪܵܐ ܝܘܼܠܦܵܢܝ: ܘܢܸܚܘܿܬ̣ ܐܲܝܟ݂ ܛܲܠܵܐ ܡܹܐܡܲܪܝ: ܐܲܝܟ݂ ܪ̈ܘܼܚܹܐ ܕܥܲܠ ܬܸܕ݂ܐܵܐ: ܘܐܲܝܟ݂ ܪ̈ܣܝܼܣܹܐ ܕܥܲܠ ܥܸܣܒܵܐ.

³ܡܸܛܠ ܕܒܲܫܡܹܗ ܕܡܵܪܝܵܐ ܐܸܩܪܸܐ: ܗܲܒ̣ܘ ܪܲܒ̇ܘܼܬ̣ܵܐ ܠܐܲܠܵܗܲܢ ܬܲܩܝܼܦܵܐ.

⁴ܕܲܕ݂ܠܵܐ ܡܘܼܡ ܥܒ̣ܵܕ݂ܵܘ̈ܗܝ: ܘܟ݂ܠܗܹܝܢ ܐܘܼܪ̈ܚܵܬܹܗ ܕܝܼܢܵܐ: ܐܲܠܵܗܵܐ ܗ̄ܘ̣ ܡܗܲܝܡܢܵܐ ܘܠܵܐ ܗ̄ܘ̣ܵܐ ܥܵܘܵܠܵܐ: ܙܲܕ̇ܝܼܩܵܐ ܘܲܬ̣ܪܝܼܨܵܐ.

⁵ܚܲܒܸ̇ܠܘ ܘܠܵܐ ܠܹܗ ܒ̈ܢܲܝܵܐ ܕܡܘܼܡܵܐ: ܕܵܪܵܐ ܡܥܲܩܡܵܐ ܘܲܡܦܲܬ̇ܠܵܐ.

⁶ܗܵܠܹܝܢ ܠܡܵܪܝܵܐ ܦܵܪܥܝܼܢ ܐܲܢ̄ܬ̇ܘܿܢ: ܥܲܡܵܐ ܣܲܟ݂ܠܵܐ ܘܠܵܐ ܗ̄ܘ̣ܵܐ ܚܲܟ̇ܝܼܡܵܐ: ܕܲܠܡܵܐ ܠܵܐ ܗ̄ܘ̣ܵܐ ܐܲܒ̣ܘܼܟ݂ ܕܲܩܢܵܟ݂: ܘܗܘ̤ܝܘܼ ܥܲܒ̣ܕܵܟ݂ ܘܐܲܬ̣ܩܢܵܟ݂.

⁷ܐܸܬ̇ܕܲܟ݂ܪ ܝܵܘ̈ܡܵܬ̣ܵܐ ܕܡ̣ܢ ܥܵܠܲܡ: ܘܐܸܣܬܲܟܲܠ ܒܲܫܢܲـ̈ܝܵܐ ܕܕ݂ܵܪܕܵܪ̈ܝܼܢ. ܫܲܐܸܠ ܠܐܲܒ̣ܘܼܟ݂: ܘܲܢܚܵܘܹܝܟ݂. ܘܲܠܣܵܒܲܝ̈ܟ: ܘܢܹܐܡܪܘܼܢ ܠܵܟ݂.

⁸ܟܲܕ݂ ܡܦܲܠܸܓ̣ ܡܪܲܝܡܵܐ ܥܲܡܡܹ̈ܐ: ܘܟܲܕ݂ ܡܦܲܪܸܫ ܒܥܲܝ̈ܢܵܫܵܐ: ܐܲܩܝܼܡ ܬܚܘܼܡܵܐ ܕܥܲܡܡܹ̈ܐ ܠܡܸܢܝܵܢܵܐ ܕܲܒ̣̈ܢܲܝ ܝܼܣܪܵܝܹܠ.

⁹ܡܸܛܠ ܕܦܵܠܓ̇ܘܼܬܹܗ ܕܡܵܪܝܵܐ ܥܲܡܹܗ: ܘܝܲܥܩܘܿܒ̣ ܚܲܒ̣ܠܵܐ ܕܝܵܪܬ̇ܘܼܬܹܗ.

¹⁰ܐܸܫܟܲܚܹܗ ܒܐܲܪܥܵܐ ܕܡܲܕ݂ܒ̇ܪܵܐ: ܘܲܒ̣ܚܘܼܪܒܵܐ ܕܐܲܫܝܼܡܘܿܢ: ܐܲܩܦܹܗ ܘܚܲܒ̇ܒܹܗ ܘܢܲܛܪܹܗ ܐܲܝܟ݂ ܒܵܒ̣ܬ̣ܵܐ ܕܥܲܝܢܵܐ.

¹¹ܘܐܲܝܟ݂ ܢܸܫܪܵܐ ܕܛܵܐܹ̇ܣ ܥܲܠ ܩܸܢܹܗ: ܘܥܲܠ ܦܲܪ̈ܘܼܓ̣ܵܘܗܝ ܡܪܲܚܸܦ: ܦܵܪܹܣ ܓܸܦܘ̈ܗܝ ܘܲܡܩܲܒܸ̇ܠ ܠܗܘܿܢ: ܘܫܵܩܹ̇ܠ ܠܗܘܿܢ ܥܲܠ ܥܘܼܫܢܵܐ ܕܐܸܒ̣ܪ̈ܵܘܗܝ.

¹²ܡܵܪܝܵܐ ܒܲܠܚܘܿܕ݂ܵܘܗܝ ܕܲܒ̇ܪܹܗ: ܘܠܲܝܬ̇ ܗ̄ܘ̣ܵܐ ܥܲܡܹܗ ܐܲܠܵܗ ܢܘܼܟ݂ܪܵܝ.

¹³ܐܵܘܬ̇ܒܹܗ ܥܲܠ ܥܘܼܫܢܵܐ ܕܐܲܪܥܵܐ: ܘܐܵܘܟ̇ܠܹܗ ܥܲܠ̈ܠܵܬ̣ܵܐ ܕܚܲܩܠܵܐ: ܐܲܝܢܩܹܗ ܕܸܒ̣ܫܵܐ ܡ̣ܢ ܟܹܐܦܵܐ: ܘܡܸܫܚܵܐ ܡ̣ܢ ܟܹܐܦܵܐ ܕܛܲܪܵܢܵܐ.

¹⁴ܚܹܐܘܬ̣ܵܐ ܕܬ̣ܵܘܪܹ̈ܐ ܘܚܲܠܒ̣ܵܐ ܕܥܵـ̈ܢܵܐ: ܥܲܡ ܬܲܪܒܵܐ ܕܲܡܦܲܛܡܹ̈ܐ: ܕܸܟ݂ܪܹ̈ܐ ܒ̈ܢܲܝ ܕܲܝ̈ܨܹܐ ܘܲܓ̣ܕܲܝܵـܐ ܥܲܡ ܬܲܪܒܵܐ ܘܫܘܼܡܢܵܐ ܕܚܸܛܹ̈ܐ: ܙܲܕ݂ܡܵܐ ܕܥܸܢ̈ܒܹܐ ܐܲܫܩܝܹܗ ܚܲܡܪܵܐ.

¹⁵ܘܲܫܡܸܢ ܝܼܣܪܵܝܹܠ ܘܲܒ̣ܥܲܝܛ: ܫܡܸܢ ܘܲܬ̣ܩܸܦ ܘܲܩܢܵܐ ܢܸܟ݂ܣܹ̈ܐ: ܘܲܛܥܵܜܐ ܠܐܲܠܵܗܵܐ ܕܲܥܲܒ̣ܕܹ̇ܗ: ܘܨܲܚܝܼ ܠܬܲܩܝܼܦܵܐ ܕܦܲܪܩܹܗ.

¹⁶ܐܲܛܢܹܗ ܒܢܘܼܟ݂ܪ̈ܵܝܹܐ: ܘܲܒ̣ܕܸܚ̈ܠܵܬ̣ܵܐ ܐܲܪܓ̇ܙܹܗ.

¹⁷ܕܲܒܲܚܘ ܠܫܹ̈ܐܕܹܐ ܕܠܵܐ ܗ̄ܘ̣ܵܘ ܐܲܠܵܗܹ̈ܐ: ܐܲܠܵܗܹ̈ܐ ܕܠܵܐ ܝܼܕܲܥܘ ܐܸܢܘܿܢ: ܚܲܕ̇ܬܹ̈ܐ ܐܸܢܘܿܢ ܕܗܵܟܹܝܠ ܐܸܬ̣ܥܒܸܕ݂ܘ: ܘܠܵܐ ܕܚܸܠܘ ܠܗܘܿܢ ܐܲܒ̣ܵܗܲܝ̈ܟ̇ܘܿܢ.

¹⁸ܠܬܲܩܝܼܦܵܐ ܕܝܲܠܕܵܟ݂ ܛܥܲܝܬ̇: ܘܐܸܬ̣ܢܫܝܼܬ̇ ܠܐܲܠܵܗܵܐ ܕܫܲܒ̇ܚܵܟ݂.

¹⁹ܘܲܓܙܵܐ ܡܵܪܝܵܐ ܘܲܪܓܸܙ: ܥܲܠ ܕܐܲܪܓ̇ܙܘܼܗܝ ܒܢܵܘ̈ܗܝ ܘܲܒ̣̈ܢܵܬܹܗ.

²⁰ܘܐܸܡܲܪ ܐܲܦܢܸܐ ܐܲܦܲܝ̈ ܡܸܢܗܘܿܢ: ܘܐܸܚܙܸܐ ܡܵܢܵܐ ܗܵܘ̇ܝܵܐ ܚܲܪܬ̣ܗܘܿܢ: ܡܸܛܠ ܕܕ݂ܵܪܵܐ ܐܸܢܘܿܢ ܗܦܝܼܟ݂ܵܐ: ܒ̈ܢܲܝܵܐ ܕܠܲܝܬ̇ ܒܗܘܿܢ ܗܲܝܡܵܢܘܼܬ̣ܵܐ.

²¹ܗܸܢܘܿܢ ܐܲܛܢܘܼܢܝ ܒܠܵܐ ܐܲܠܵܗ: ܘܐܲܪܓܙܘܼܢܝ ܒܕܸܚ̈ܠܵܬ̣ܗܘܿܢ: ܘܐܵܦ ܐܸܢܵܐ ܐܲܛܸܢ ܐܸܢܘܿܢ ܒܠܵܐ ܥܲܡ: ܘܲܒ̣ܥܲܡܵܐ ܣܲܟ݂ܠܵܐ ܐܲܪܓܸ̇ܙ ܐܸܢܘܿܢ.

²²ܡܸܛܠ ܕܢܘܼܪܵܐ ܩܵܕ݂ܚܵܐ ܒܪܙܼܓ̣ܙܝ: ܘܡܵܘܩܕ݂ܵܐ ܥܕܲܡܵܐ ܠܲܫܝܘܿܠ ܬܲܚܬܵܝܬܵܐ. ܬܹܐܟ݂ܘܿܠ ܐܲܪܥܵܐ ܘܥܲܠ̈ܠܵܬ̣ܵܗ̇: ܘܬ̣ܵܘܩܸܕ݂ ܫܲܬ̣ܐܸܣܹ̈ܐ: ܘܓܹܐܪ̈ܲܝ ܐܵܘܟܹ̇ܠ ܒܗܘܿܢ.

²³ܐܹܟܲܢܸܫ ܥܠܲܝܗܘܿܢ ܒܝܼ̈ܫܵܬ̣ܵܐ: ܘܓܹܐܪ̈ܲܝ ܐܵܘܟܸ̇ܠ ܒܗܘܿܢ.

²⁴ܢܸܬ̇ܛܲܪܦܘܼܢ ܒܟܲܦܢܵܐ ܘܢܸܫ̈ܬܲܠܡܵܢ ܠܗܘܿܢ ܪ̈ܘܼܚܹܐ ܒܝܼ̈ܫܵܬ̣ܵܐ: ܘܲܠܛܲܝܪܵܐ ܐܲܫܠܸܡ ܐܸܢܘܿܢ: ܘܚܲܝܘܼܬ̣ܝ ܫܸܢܵܐ ܐܲܓܲܪܸܐ ܒܗܘܿܢ: ܥܲܡ ܚܸܡܬ̣ܵܐ ܕܲܚ̈ܘܵܘܵܬ̣ܵܐ ܕܚܵܠܕ̇ܝܼܢ ܒܥܲܦܪܵܐ.

²⁵ܡ̣ܢ ܠܒܲܪ ܬܓܲܝܸܙ ܚܲܪܒܵܐ: ܘܡ̣ܢ ܬܵܘܵܢܹ̈ܐ ܕܸܚܠܬ̣ܵܐ: ܐܵܦ ܓܲܕ݂ܵܘܼ̈ܕܹܐ ܘܲܒ̣ܬ̣ܘܼ̈ܠܵܬ̣ܵܐ: ܘܲܛܠܵܝܹ̈ܐ ܥܲܡ ܓܲܒ̣ܪܹ̈ܐ ܣܵܒܹ̈ܐ.

²⁶ܐܸܡܪܹܬ̣ ܐܲܝܟܵܐ ܐܸܢܘܿܢ: ܐܹܒܲܛܸܠ ܡ̣ܢ ܒܢܲܝ̈ܢܵܫܵܐ ܕܘܼܟ݂ܪܵܢܗܘܿܢ.

²⁷ܐܸܠܘܼܠܵܐ ܪܘܼܓ̣ܙܵܐ ܕܲܒ̣ܥܸܠܕ̇ܒ̣ܵܒ̣ܵܐ ܕܲܥܫܸܢ: ܕܠܵܐ ܢܸܬ̇ܬ̇ܪܝܼܡܘܼܢ ܐܵܠܘܿܨܲܝ̈ܗܘܿܢ: ܘܢܹܐܡܪܘܼܢ ܕܐܝܼܕܲܢ ܗ̄ܘ̇ ܐܸܬ̇ܬ̇ܪܝܼܡܲܬ̤: ܘܠܵܐ ܗ̄ܘ̣ܵܐ ܡܵܪܝܵܐ ܥܒܲܕ݂ ܗܵܠܹܝܢ.

²⁸ܡܸܛܠ ܕܥܲܡܵܐ ܗ̄ܘ̣ ܕܐܲܒ̇ܝܼܕ݂ܵܐ ܬܲܪܥܝܼܬܹܗ: ܘܠܲܝܬ̇ ܒܗܘܿܢ ܣܘܼܟܵܠܵܐ.

²⁹ܐܸܠܘܼ ܚܟܲܡܘ ܘܐܸܣܬܲܟܲܠܘ ܒܗܵܕܹܐ: ܘܐܸܬ̣ܒܲܝܲܢܘ ܒܚܲܪܬ̣ܗܘܿܢ.

³⁰ܪܵܕܹܦ ܗ̄ܘ̣ܵܐ ܚܲܕ݂ ܠܐܲܠܦܵܐ: ܘܲܬ̣ܪܹܝܢ ܡܲܥܪܩܝܼܢ ܗ̄ܘ̣ܵܘ ܪܸܒ̇ܘܿܬ̣ܵܐ: ܐܸܠܵܐ ܬܲܩܝܼܦܗܘܿܢ ܐܲܫܠܸܡ ܐܸܢܘܿܢ: ܘܡܵܪܝܵܐ ܚܒܲܫ ܐܸܢܘܿܢ.

³¹ܡܸܛܠ ܕܡ̣ܢ ܓܦܸܬܵܐ ܕܲܣܕ݂ܘܿܡ ܓܦܸܬ̃ܗܘܿܢ: ܘܡ̣ܢ ܫܬܸܠܬ̣ܵܐ ܕܥܵܡܘܿܪܵܐ. ܥܸܢܒܲܝ̈ܗܘܿܢ ܥܸܢܒ̣̈ܝܼܢ ܡܲܪܝܼܪ̈ܵܢ: ܘܲܣܓ̣̈ܘܼܠܲܝܗܘܿܢ ܡܪܵܪܹ̈ܐ ܠܗܘܿܢ.

³²

³³ܚܸܡܬ̣ܵܐ ܕܬܲܢܝܼܢܹ̈ܐ ܚܸܡܬ̣ܗܘܿܢ: ܘܪܹܫܵܐ ܕܦܲܬ̣ܢܵܐ ܒܝܼܫܵܐ.

³⁴ܗܵܐ ܓܢܝܼܙ ܥܲܡܝ ܘܲܚܬ݂ܝܼܡ ܒܐܵܘܨܪܹ̈ܐ.

³⁵ܘܕ݂ܝܼܠܝ ܗ̄ܘ̣ ܦܘܼܪܥܵܢܵܐ ܕܐܸܦܪܘܿܥ ܐܸܢܘܿܢ: ܒܙܲܒ̣ܢܵܐ ܕܲܬ̣ܡܘܼܛ ܪܸܓ̣ܠܗܘܿܢ: ܡܸܛܠ ܕܩܲܪܝܼܒ̣ ܗ̄ܘ̣ ܝܵܘܡܵܐ ܕܲܬ̣ܒ̣ܵܪܗܘܿܢ: ܘܲܡܣܲܪܗܲܒ̣ ܡܸܕܸ̇ܡ ܕܲܥܬ̣ܝܼܕ݂ ܠܗܘܿܢ.

³⁶ܡܸܛܠ ܕܕ݂ܵܐܹܢ ܡܵܪܝܵܐ ܠܥܲܡܹܗ: ܘܲܒ̣ܥܲܒ̣ܕ݂ܵܘ̈ܗܝ ܡܸܬ̣ܒܲܝܲܐ: ܡܸܛܠ ܕܲܚܙܵܐ ܕܫܸܠܛܲܬ̤ ܐܝܼܕ݂ܵܐ: ܘܠܲܝܬ̇ ܕܥܵܕܲܪ ܘܲܕ݂ܣܵܡܹܟ݂.

³⁷ܘܢܹܐܡܲܪ ܐܲܝܟܵܐ ܐܸܢܘܿܢ ܐܲܠܵܗܲܝ̈ܗܘܿܢ ܬܲܩܝܼܦܹ̈ܐ: ܗܵܢܘܿܢ ܕܲܬ̣ܟ݂ܝܼܠܝܼܢ ܗ̄ܘ̣ܵܘ ܥܠܲܝܗܘܿܢ.

³⁸ܕܬܲܪܒܵܐ ܕܕܸܒ̣ܚܲܝ̈ܗܘܿܢ ܐܵܟ݂ܠܝܼܢ ܗ̄ܘ̣ܵܘ: ܘܫܵܬܹ̇ܝܢ ܗ̄ܘ̣ܵܘ ܚܲܡܪܵܐ ܕܢܘܼܩܵܝܗܘܿܢ. ܢܩܘܼܡܘܼܢ ܗܵܫܵܐ ܘܲܢܥܲܕ̇ܪܘܼܢܵܟ݂ܘܿܢ: ܘܢܸܗܘܘܿܢ ܥܠܲܝܟ̇ܘܿܢ ܡܣܲܬ̇ܪ̈ܵܢܹܐ.

³⁹ܚܙܵܘ ܗܵܟܹܝܠ ܕܐܸܢܵܐ ܐ̄ܢܵܐ: ܘܠܲܝܬ̇ ܐܲܠܵܗ ܠܒܲܪ ܡܹܢܝ: ܐܸܢܵܐ ܡܡܝܼܬ̣ ܐ̄ܢܵܐ ܘܐܸܢܵܐ ܡܵܚܹܐ ܐ̄ܢܵܐ: ܐܸܢܵܐ ܡܵܚܹܐ ܐ̄ܢܵܐ ܘܐܸܢܵܐ ܡܲܐܣܸܐ ܐ̄ܢܵܐ: ܘܠܲܝܬ̇ ܕܦܵܠܹܛ ܡ̣ܢ ܐܝܼܕܲܝ̈.

⁴⁰ܡܸܛܠ ܕܐܲܪܝܼܡܹܬ̣ ܥܲܠ ܫܡܲܝܵܐ: : ܐܝܼܕܲܝ: ܘܐܸܡܪܹܬ̣ ܕܚܲܝ ܐ̄ܢܵܐ ܠܥܵܠܲܡ.

⁴¹ܐܸܠܛܘܿܫ ܫܢܵܢܹܗ ܕܣܲܝܦܝ ܐܲܝܟ݂ ܒܲܪܩܵܐ: ܘܬܹܐܚܘܿܕ݂ ܒܕ݂ܝܼܢܵܐ ܐܝܼܕܲܝ: ܘܐܲܗܦܸܟ݂ ܦܘܼܪܥܵܢܵܐ ܠܣܵܢܐܲܝ̈: ܘܠܲܒ̣ܥܸܠܕ̇ܒ̣ܵܒܲܝ̈ ܐܲܫܠܸܡ.

⁴²ܐܲܪܘܸܐ ܓܹܐܪ̈ܲܝ ܡ̣ܢ ܕܡܵܐ: ܘܣܲܝܦܝ ܢܹܐܟ݂ܘܿܠ ܒܸܣܪܵܐ: ܡ̣ܢ ܕܡܵܐ ܕܲܩܛ̈ܝܼܠܹܐ ܘܕܲܫ̈ܒܲܝܵܐ: ܘܡ̣ܢ ܪܹܫ ܬܵܓ̣ܵܐ ܕܲܒ̣ܥܸܠܕ̇ܒ̣ܵܒ̣ܵܐ.

⁴³ܡܸܟܹ̇ܝܠ ܫܲܒܲܚܘ ܥܲܡܡܹ̈ܐ ܥܲܡܹܗ: ܡܸܛܠ ܕܲܕ݂ܡܵܐ ܕܥܲܒ̣ܕܵܘ̈ܗܝ ܡܸܬ̣ܦܪܲܥ: ܘܦܘܼܪܥܵܢܵܐ ܡܲܗܦܸܟ݂ ܠܣܵܢܐܵܘ̈ܗܝ: ܘܲܡܚܲܣܸܐ ܥܲܠ ܐܲܪܥܹܗ ܘܥܲܠ ܥܲܡܹܗ.

⁴⁴ܘܐܸܬ̣ܵܐ ܡܘܼܫܹܐ: ܘܐܸܡܲܪ ܟܠܗܘܿܢ ܦܸܬ̣ܓܟܵܡܹ̈ܐ ܕܬܸܫܒ̇ܘܿܚܬܵܐ ܗܵܕܹܐ ܩܕ݂ܵܡ ܟܠܹܗ ܥܲܡܵܐ: ܗܘ̤ ܘܝܼܫܘܿܥ ܒܲܪܢܘܿܢ.

⁴⁵ܘܟܲܕ݂ ܫܲܠܸܡ ܡܘܼܫܹܐ ܠܡܹܐܡܲܪ ܦܸܬ̣ܓ̣ܵܡܹ̈ܐ ܗܵܠܹܝܢ ܠܟ݂ܠܹܗ ܝܼܣܪܵܝܹܠ.

⁴⁶ܐܸܡܲܪ ܠܗܘܿܢ: ܣܝܼܡܘ ܠܸܒ̇ܟ݂ܘܿܢ ܒܟ݂ܠܗܘܿܢ ܦܸܬ̣ܓ̣ܵܡܹ̈ܐ ܗܵܠܹܝܢ: ܕܲܡܣܲܗܸܕ݂ ܒܟ݂ܘܿܢ ܝܵܘܡܵܢܵܐ: ܕܲܬ̣ܦܲܩܕ̇ܘܼܢ ܠܲܒ̣ܢܲܝ̈ܟ̇ܘܿܢ: ܕܢܸܛܪܘܼܢ ܘܢܸܥܒ̇ܕ݂ܘܼܢ ܟܠܗܘܿܢ ܦܸܬ̣ܓ̣ܵܡܵܘ̈ܗܝ ܕܢܵܡܘܿܣܵܐ ܗܵܢܵܐ.

⁴⁷ܡܸܛܠ ܕܠܵܐ ܗ̄ܘ̣ܵܐ ܓܹܝܪ ܦܸܬ̣ܓ̣ܵܡܵܐ ܣܪܝܼܩܵܐ ܠܟ݂ܘܿܢ: ܡܸܛܠ ܕܗܘ̤ܝܘܼ ܚܲܝܲܝ̈ܟ̇ܘܿܢ: ܘܲܒ̣ܦܸܬ̣ܓ̣ܵܡܵܐ ܗܵܢܵܐ ܬܲܣܓ̇ܘܿܢ ܝܵܘ̈ܡܵܬ̣ܵܐ: ܒܐܲܪܥܵܐ ܕܥܵܒ̣ܪܝܼܢ ܐܲܢ̄ܬ̇ܘܿܢ ܝܘܿܪܕܢܲܢ ܠܬܲܡܵܢ ܠܡܹܐܪܬܵܗ̇.

⁴⁸. ܡܲܠܸܠ ܡܵܪܝܵܐ ܥܲܡ ܡܘܼܫܹܐ ܒܹܗ ܒܝܵܘܡܵܐ ܗܵܘ̇: ܘܐܸܡܲܪ ܠܹܗ.

⁴⁹ܣܲܩ ܠܛܘܼܪܵܐ ܗܵܢܵܐ ܕܥܸܒ̣ܪ̈ܵܝܹܐ: ܠܛܘܼܪܵܐ ܕܢܵܒ̣ܘܼ: ܕܒܲܐܪܥܵܐ ܕܡܘܼܐܵܒ̣ ܩܕ݂ܵܡ ܐܝܼܪܝܼܚܘܿ: ܘܲܚܙܝܼܗ̇ ܠܐܲܪܥܵܐ ܕܲܟ݂ܢܲܥܢ ܕܝܵܗܹ̇ܒ̣ ܐ̄ܢܵܐ ܠܲܒ̣̈ܢܲܝ ܝܼܣܪܵܝܹܠ ܝܘܼܪܬܵܢܵܐ.

⁵⁰ܘܡܘܼܬ̣ ܒܛܘܼܪܵܐ ܕܣܵܠܹܩ ܐܲܢ̄ܬ̇ ܠܹܗ. ܘܐܸܬ̣ܟܲܢܲܫ ܠܘܵܬ̣ ܥܲܡܵܟ݂: ܐܲܝܟܲܢܵܐ ܕܡܝܼܬ̣ ܐܲܗܪܘܿܢ ܐܲܚܘܼܟ݂ ܒܗܘܿܪ ܛܘܼܪܵܐ: ܘܐܸܬ̣ܟܲܢܸܫ ܠܘܵܬ̣ ܥܲܡܹܗ.

⁵¹ܥܲܠ ܕܐܲܥܠܝܼܬ̇ܘܿܢ ܒܝܼ ܒܓ̣ܵܘ ܒ̈ܢܲܝ ܝܼܣܪܵܝܹܠ ܒܡܲـ̈ܝܵܐ ܕܡܲܨܘܼܬ̣ܵܐ: ܒܲܪܩܸܡ ܒܡܲܕ݂ܒ̇ܪܵܐ ܕܨܝܼܢ: ܥܲܠ ܕܠܵܐ ܩܲܕܸ̇ܫܬ̇ܘܿܢܵܢܝ ܒܓ̣ܵܘ ܒ̈ܢܲܝ ܝܼܣܪܵܝܹܠ.

⁵²ܡ̣ܢ ܩܒ̣ܘܿܠ ܓܙܝܼܗ̇ ܠܐܲܪܥܵܐ: ܕܝܵܗܹ̇ܒ̣ ܐ̄ܢܸܵܐ ܝܼܣܪܵܝܹܠ: ܘܲܠܬܲܡܵܢ ܠܵܐ ܬܸܥܘܿܠ.