Read Aramaic Peshita Deuteronomy 33 Bible Online

Deuteronomy 33 - Aramaic Peshita bible

Deuteronomy 33

¹ܘܗܵܕܹܐ ܒܘܼܪܟ̇ܬ̣ܵܐ ܕܒܲܪܸܟ݂ ܟܘܼܫܹܐ ܥܲܒ̣ܕܹ̇ܗ ܕܐܲܠܵܗܵܐ ܠܲܒ̣̈ܢܲܝ ܝܼܣܪܵܝܹܠ: ܩܕ݂ܵܡ ܕܢܡܘܼܬ̣.

²ܘܐܸܡܲܪ: ܡܵܪܝܵܐ ܡ̣ܢ ܣܝܼܢܲܝ ܐܸܬ̣ܵܐ: ܘܲܕ݂ܢܲܚ ܠܲܢ ܡ̣ܢ ܣܵܥܝܼܪ: ܘܐܸܬ̣ܓܠܝܼ ܡ̣ܢ ܛܘܼܪܵܐ ܕܦܵܪܵܢ: ܘܥܲܡܹܗ ܡ̣ܢ ܪܸ̈ܒ̇ܘܵܬ̣ܵܐ ܕܩܲܕ̇ܝܼܫܹ̈ܐ ܡ̣ܢ ܝܲܡܝܼܢܹܗ.

³ܝܲܗ̄ܒ̣ ܠܗܘܿܢ ܘܐܵܦ ܐܲܪܚܸܡ ܐܸܢܘܿܢ ܠܥܲܡܡܹ̈ܐ: ܘܟ݂ܠܗܘܿܢ ܩܲܕ̇ܝܼܫܵܘ̈ܗܝ ܒܲܪܸܟ݂: ܘܗܸܢܘܿܢ ܡܲܕܪܟ݂ܝܼܢ ܠܪܸܓ̣ܠܵܟ݂: ܘܲܡܩܲܒ̇ܠܝܼܢ ܡ̣ܢ ܡܸܠܬ̣ܵܟ݂.

⁴ܢܵܡܘܿܣܵܐ ܐܲܫܠܸܡ ܠܲܢ ܡܘܼܫܹܐ: ܘܝܲܗ̄ܒܹ̇ܬ̣ ܝܘܼܪܬܵܢܵܐ ܠܲܟ݂ܢ،ܼܫܬܹ̇ܗ ܕܝܲܥܩܘܿܒ̣.

⁵ܘܢܸܗܘܸܐ ܒܝܼܣܪܵܝܹܠ ܡܲܠܟܵܐ: ܡܵܐ ܕܐܸܬ̣ܟܲܢܲܫܘ ܪܹ̈ܫܹܐ ܕܥܲܡܵܐ ܐܲܟ݂ܚܕ݂ܵܐ ܘܫܲܒ̣̈ܛܹܐ ܕܝܼܣܪܵܝܹܠ.

⁶ܘܢܸܚܸܐ ܪܘܼܒܹܝܠ ܘܠܵܐ ܢܡܘܼܬ̣: ܘܢܸܗܘܸܐ ܒܡܸܢܝܵܢܵܐ.

⁷ܘܗܵܕܹܐ ܐܸܡܲܪ ܠܲܝܗܘܼܕ݂ܵܐ: ܫܡܲܥ ܡܵܪܝܵܐ ܒܩܵܠܹܗ ܕܲܝܗܘܼܕ݂ܵܐ: ܘܲܠܥܲܡܹܗ ܐܲܝܬܵܝܬ̇ܝ. ܐܝܼܕ݂ܵܘ̈ܗܝ ܢـ̈ܕ݂ܘܼܢܵܢ ܠܹܗ. ܘܥܵܕܘܿܪܵܐ ܡ̣ܢ ܐܵܠܘܿܨܵܘ̈ܗܝ ܗܘ̤ܝ ܠܹܗ.

⁸ܘܲܠܠܹܘܝܼ ܐܸܡܲܪ. ܫܘܼܡܠܵܝܵܟ݂ ܘܢܘܼܗܪܵܟ݂ ܠܓܲܒ̣ܪܵܐ ܚܲܣܝܵܐ: ܕܢܲܣܝܼܬܹܗ ܒܢܸܣܝܘܿܢܹ̈ܐ: ܘܒ̣ܚܲܪܬܹ̇ܗ ܒܡܲـ̈ܝܵܐ ܕܡܲܨܘܼܬ̣ܵܐ.

⁹ܕܐܸܡܲܪ ܥܲܠ ܐܲܒ̣ܘܼܗܝ. ܘܥܲܠ ܐܸܡܹܗ ܠܵܐ ܚܙܹܝܬܹ̇ܗ: ܘܠܲܐܚܵܘ̈ܗܝ ܠܵܐ ܐܸܫܬܵܘܕܲܥ: ܘܠܲܒ̣ܢܵܘ̈ܗܝ ܠܵܐ ܝܼܕܲܥ: ܕܲܢܛܲܪܘ ܡܹܐܡܪܵܟ݂ ܘܲܩܝܵܡܵܟ݂ ܢܛܲܪܘ.

¹⁰ܢܲܠܦܘܼܢ ܕܝܼܢܲܝ̈ܟ ܠܝܲܥܩܘܿܒ̣: ܘܢܵܡܘܿܣܲܝ̈ܟ ܠܝܼܣܪܵܝܹܠ. ܢܣܝܼܡܘܼܢ ܥܸܛܪܵܐ ܒܪܘܼܓ̣ܙܵܟ݂: ܘܫܘܼܡܠܵܝܵܐ ܥܲܠ ܡܲܕ݂ܒ̇ܚܵܟ݂.

¹¹ܒܲܪܸܟ݂ ܡܵܪܝܵܐ ܚܲܝܠܹܗ: ܘܐܸܨܛܒ̣ܝܼ ܒܲܥܒ̣ܵܕ݂ܵܐ ܕܐܝܼܕ݂ܵܘ̈ܗܝ. ܬܒܲܪ ܚܲܨܵܐ ܕܣܵܢܐܵܘ̈ܗܝ ܘܲܒ̣ܥܸܠܕ̇ܒ̣ܵܒ̣ܵܘ̈ܗܝ ܠܵܐ ܢܩܘܼܡܘܼܢ.

¹²ܘܲܠܒܸܢܝܵܡܹܝܢ ܐܸܡܲܪ: ܚܲܒ̇ܝܼܒܹܗ ܕܡܵܪܝܵܐ ܢܸܫܪܸܐ ܒܫܸܠܝܵܐ: ܘܲܥܠܵܘܗܝ ܢܪܲܚܸܦ ܟܠܹܗ ܝܵܘܡܵܐ: ܘܒܹܝܬ̣ ܟܲܬ̣ܦܵܬܹ̈ܗ ܢܸܫܪܸܐ.

¹³ܘܲܠܝܵܘܣܸܦ ܐܸܡܲܪ: ܡܒܲܪܟ݂ܬܵܐ ܗ̄ܝܼ ܕܡܵܪܝܵܐ ܐܲܪܥܹܗ ܒܠܸܒܵܐ: ܡ̣ܢ ܛܲܠܵܐ ܕܲܫܡܲܝܵܐ ܡ̣ܢ ܠܥܸܠ: ܘܡ̣ܢ ܬܗܘܿܡܵܐ ܕܲܪܒ̣ܝܼܥܵܐ ܡ̣ܢ ܠܬܲܚܬ̇.

¹⁴ܘܡ̣ܢ ܐܸܒܵܐ ܕܥܲܠ̈ܠܵܬ̣ܵܐ ܕܫܸܡܫܵܐ: ܘܡ̣ܢ ܐܸܒܵܐ ܕܡܵܘܥܸܐ ܣܲܗܪܵܐ.

¹⁵ܘܡ̣ܢ ܪܹܫ ܛܘܼܪ̈ܲܝ ܡܲܕ݂ܢܚܵܐ: ܘܡ̣ܢ ܐܸܒܵܐ ܕܪ̈ܵܡܵܬ̣ܵܐ ܕܥܵܠܲܡ.

¹⁶ܘܡ̣ܢ ܐܸܒܵܐ ܕܐܲܪܥܵܐ ܒܲܡܠܹܐܵܗ̇: ܘܨܸܒ̣ܝܵܢܹܗ ܕܡ̇ܢ ܕܲܫܪܵܐ ܒܣܲܢܝܵܐ. ܢܹܐ̈ܬ̣ܝܵܢ ܥܲܠ ܪܹܫܹܗ ܕܝܵܘܣܸܦ ܘܥܲܠ ܪܹܫ ܟܠܝܼܠܵܐ ܕܐܲܚܵܘ̈ܗܝ.

¹⁷ܒܘܼܟ݂ܪܵܐ ܕܬ̣ܵܘܪܹ̈ܐ ܗܸܕ݂ܪܵܐ ܠܹܗ: ܘܩܲܪ̈ܢܵܬ̣ܵܐ ܕܪܲܝܡܵܐ ܩܲܪ̈ܢܵܬܹܗ: ܒܗܹܝܢ ܢܕܲܩܲܪ ܥܲܡܡܹ̈ܐ ܐܲܟ݂ܚܕ݂ܵܐ ܥܕܲܡܵܐ ܠܥܸܒ̣ܪܹ̈ܝܗ̇ ܕܐܲܪܥܵܐ. ܗܵܠܹܝܢ ܪܸ̈ܒ̇ܘܵܬ̣ܵܐ ܕܐܲܦܪܹܝܡ: ܘܗܵܠܹܝܢ ܐܲܠܦܹ̈ܐ ܕܲܡܢܲܫܹܐ.

¹⁸ܘܠܲܙܒ̣ܘܿܠܘܿܢ ܐܸܡܲܪ: ܚܕ݂ܝܼ ܙܒ̣ܘܿܠܘܿܢ ܒܡܲܦܩܵܟ݂: ܘܐܝܼܣܵܟ݂ܵܪ ܒܡܲܫ̈ܟ̇ܚܵܟ݂.

¹⁹ܥܲܡܡܹ̈ܐ ܠܛܘܼܪܵܐ ܢܸܩܪܘܿܢ: ܘܬܲܡܵܢ ܢܕܲܒ̇ܚܘܼܢ ܕܸܒ̣ܚܹ̈ܐ ܕܙܲܕ̇ܝܼܩܘܼܬ̣ܵܐ: ܡܸܛܠ ܕܫܸܦܥܵܐ ܕܝܲܡܡܹ̈ܐ ܢܹܐܢܩܘܼܢ: ܘܐܸܠܦܹ̈ܐ ܕܲܛܡܝܼܪ̈ܵܢ ܒܚܵܠܵܐ.

²⁰ܘܲܠܓ̣ܵܕ݂ ܐܸܡܲܪ: ܒܪܝܼܟ݂ ܡ̇ܢ ܕܐܲܪܘܲܚ ܠܓ̣ܵܕ݂: ܐܲܝܟ݂ ܐܲܪܝܵܐ ܫܪܸܐ: ܘܲܬ̣ܒܲܪ ܕܪܵܥܵܐ ܥܲܡ ܪܹܫܵܐ.

²¹ܘܲܚܙܵܐ ܩܲܕ݂ܡܵܝܑܬ̣ ܠܹܗ: ܡܸܛܠ ܕܬܲܡܵܢ ܛܡܝܼܪܵܐ ܦܵܠܓ̣ܘܼܬܹܗ ܕܲܡܒܲܕ̇ܩܵܢܵܐ: ܕܢܵܦܹܩ ܗ̄ܘ̣ܵܐ ܒܪܹܫܹܗ ܕܥܲܡܵܐ. ܙܲܕܝܼܩܘܼܬܹܗ ܕܡܵܪܝܵܐ ܥܒܲܕ݂: ܘܕ݂ܝܼܢܵܘ̈ܗܝ ܥܲܡ ܝܼܣܪܵܝܹܠ.

²²ܘܲܠܕ݂ܵܢ ܐܸܡܲܪ: ܕܵܢ ܓܘܼܪܝܵܐ ܕܐܲܪܝܵܐ ܕܝܵܢܹܩ ܡ̣ܢ ܡܲܬ̣ܢܝܼܢ.

²³ܘܲܠܢܲܦ̮ܬܵܠܝܼ ܐܸܡܲܪ: ܢܲܦ̮ܬܵܠܝܼ ܣܒܲܥ ܨܸܒ̣ܝܵܢܵܐ: ܘܸܡܠܸܐ ܒܘܼܪܟ̇ܬܹܗ ܕܡܵܪܝܵܐ. ܠܡܲܥܪܒ̣ܵܐ ܘܲܠܬܲܝܡܢܵܐ ܢܹܐܪܲܬ̣.

²⁴ܘܠܵܐܫܹܝܪ ܐܸܡܲܪ: ܒܪܝܼܟ݂ ܡ̣ܢ ܒ̈ܢܲܝܵܐ ܐܵܫܹܝܪ: ܢܸܗܘܸܐ ܨܼܒ̣ܝܵܢܵܐ ܠܐܲܚܵܘ̈ܗܝ: ܘܲܢܨܲܒܲܥ ܒܡܸܫܚܵܐ ܪܸܓ̣ܠܹܗ.

²⁵ܦܲܪܙܠܵܐ ܘܲܢܚܵܫܵܐ ܡܣܵܢܵܟ݂: ܘܐܲܝܟ݂ ܝܵܘ̈ܡܵܬ̣ܵܟ݂ ܥܘܼܫܢܵܟ݂.

²⁶ܠܲܝܬ̇ ܐܲܝܟ݂ ܐܲܠܵܗܵܐ ܕܝܼܣܪܵܝܹܠ: ܕܡܲܪܟܲܒ̣ܬܹ̇ܗ ܒܲܫܡܲܝܵܐ ܒܥܸܕ݂ܪܵܟ݂: ܘܲܒ̣ܓܲܐܝܘܼܬܹܗ.

²⁷ܒܲܫ̈ܡܲܝ ܫܡܲܝܵܐ ܡܲܥܡܪܹܗ ܕܐܲܠܵܗܲܢ ܡ̣ܢ ܩܕ݂ܝܼܡ: ܘܲܠܬܲܚܬ̇ ܙܪܲܥ ܥܵܠܡܵܐ. ܘܢܵܘܒܸ̇ܕ݂ ܡ̣ܢ ܩܕ݂ܵܡܲܝܟ ܒܥܸܠܕ̇ܒ̣ܵܒ̣ܵܐ ܕܐܸܡܲܪ ܐܵܘܒܸ̇ܕ݂.

²⁸ܘܢܸܫܪܸܐ ܝܼܣܪܵܝܹܠ ܒܫܸܠܝܵܐ ܒܲܠܚܘܿܕ݂ܵܘܗܝ. ܡܲܒ̇ܘܼܥܹܗ ܕܝܲܥܩܘܿܒ̣ ܒܐܲܪܥܵܐ ܕܲܥܒ̣ܘܼܪܵܐ: ܘܲܕ݂ܚܲܡܪܵܐ: ܘܲܕ݂ܡܸܫܚܵܐ: ܘܐܵܦ ܫܡܲܝܵܐ ܢܸܪܣܘܼܢ ܛܲܠܵܐ.

²⁹ܛܘܼܒܲܝܟ ܝܼܣܪܵܝܹܠ ܡܲܢܘܼ ܐܲܟ݂ܘܵܬ̣ܵܟ݂: ܥܲܡܵܐ ܕܦܘܼܪܩܵܢܹܗ ܒܡܵܪܝܵܐ ܡܣܲܝܲܥ: ܥܸܕ݂ܪܵܟ݂ ܐܲܠܵܗܵܐ ܘܠܵܐ ܗ̄ܘ̣ܵܐ ܒܣܲܦ̮ܣܹܪܵܐ ܫܘܼܒ̣ܗܵܪܵܟ݂. ܢܸܬ̣ܟܲܕ̇ܒ̣ܘܼܢ ܠܵܟ݂ ܒܥܸܠܕ̇ܒ̣ܵܒܲܝ̈ܟ: ܘܐܲܢ̄ܬ̇ ܥܲܠ ܩܕ݂ܵܠܗܘܹܢ ܬܸܕ݂ܪܘܿܟ݂.