Read Aramaic Peshita Joshua 15 Bible Online

Joshua 15 - Aramaic Peshita bible

Joshua 15

¹ܘܲܗܘ̤ܵܬ̣ ܡܢܵܬ̣ܵܐ ܕܫܲܒ̣ܛܵܐ ܕܲܒ̣̈ܢܲܝ ܝܼܗܘܼܕ݂ܵܐ ܠܫܲܪ̈ܒ̣ܵܬ̣ܗܘܿܢ: ܥܲܠ ܬܚܘܼܡܵܐ ܕܐܲܕ݂ܘܿܡ: ܘܲܥܕܲܡܵܐ ܠܡܲܕ݂ܒ̇ܪܵܐ ܕܨܝܼܢ: ܘܲܥܕܲܡܵܐ ܠܚܲܪܬܹܗ ܕܬܲܝ̱ܡܢܵܐ.

²ܘܲܗܘ̤ܵܐ ܬܚܘܼܡܗܘܿܢ: ܡ̣ܢ ܬܲܝ̱ܡܢܵܐ ܕܣܵܘܦܵܐ ܕܝܲܡܵܐ ܕܡܸܠܚܵܐ: ܘܣܵܠܹܩ ܡ̣ܢ ܬܲܡܵܢ ܠܠܸܫܵܢܵܐ ܕܦܵܢܹ̇ܐ ܠܬܲܝ̱ܡܢܵܐ.

³ܘܢܵܦܹ̇ܩ ܡ̣ܢ ܬܲܝ̱ܡܢܵܐ ܠܡܲܣܩܵܢܵܐ ܕܲܥܩܲܪܩܲܡ: ܘܥܵܒܲܪ ܠܨܝܼܢ: ܘܣܵܠܹܩ ܡ̣ܢ ܬܲܝ̱ܡܢܵܐ ܠܲܪܩܸܡ ܕܓܲܠܝܵܐ: ܘܥܵܒܲܪ ܠܚܸܨܪܘܼܬ̣: ܘܣܵܠܹ̇ܩ ܠܐܸܕܲܪ: ܘܚܵܕܲܪ ܠܩܲܪܩܲܥ.

⁴ܘܥܵܒܲܪ ܠܥܸܨܡܘܿܢ: ܘܢܵܦܹ̇ܩ ܠܢܲܚܠܵܐ ܕܡܸܨܪܹܝܢ ܘܗܵܘܹ̇ܝܢ ܡܲܦܩܵܢܵܘ̈ܗܝ ܕܲܬ̣ܚܘܼܡܵܐ ܠܡܲܥܪ̱ܒ̣ܵܐ. ܗܵܢܵܐ ܢܸܗܘܹܐ ܠܟ݂ܘܿܢ ܬܚܘܼܡܵܐ ܕܬܲܝ̱ܡܢܵܐ.

⁵ܘܲܬ̣ܚܘܼܡܵܐ ܕܡܲܕ݂ܢ̱ܚܵܐ ܣܵܘܦܵܐ ܕܝܲܡܵܐ ܕܡܸܠܚܵܐ: ܥܕܲܡܵܐ ܠܣܵܘܠܵܐ ܕܝܘܿܪܕ̇ܢܵܢ ܘܣܵܠܹܩ ܬܚܘܼܡܵܐ ܠܣܸܛܪܵܐ ܕܓܲܪܒ̇ܝܵܐ: ܡ̣ܢ ܠܸܫܵܢܵܐ ܕܝܲܡܵܐ: ܡ̣ܢ ܣܵܘܦܵܐ ܕܝܘܿܪܕ̇ܢܵܢ.

⁶ܘܣܵܠܹܩ ܬܚܘܼܡܵܐ ܠܠܸܒ̣ܵܢ ܕܲܒ̣̈ܢܲܝ ܪܘܼܒܹܝܠ.

⁷ܘܣܵܠܹܩ ܬܚܘܼܡܵܐ ܠܕ݂ܵܒ̣ܝܼܪ: ܡ̣ܢ ܥܘܼܡܩܵܐ ܕܥܵܟ݂ܵܪ ܘܲܠܓܲܪܒ̇ܝܵܐ: ܘܦܵܢܹ̇ܐ ܥܲܠ ܓܠܝܼܠܵܐ ܕܠܘܼܩܒܲܠ ܡܲܣܩܵܢܵܐ ܕܪܵܡܝܼܢ: ܡ̣ܢ ܬܲܝ̱ܡܢܵܐ ܠܢܲܚܠܵܐ ܘܥܵܒܲܪ ܬܚܘܼܡܵܐ ܥܲܠ ܡܲܒ̇ܘܼܥܵܐ ܕܲܫܡܸܫ: ܘܗܵܘܹ̇ܝܢ ܡܲܦܩܵܢܵܘ̈ܗܝ ܥܲܠ ܥܲܝܢܵܐ ܕܕ݂ܘܼܓܸ̇ܠ.

⁸ܘܣܵܠܹܩ ܬܚܘܼܡܵܐ ܠܢܲܚܠܵܐ ܕܒܲܪܗܵܢܘܿܡ: ܠܣܸܛܪܵܐ ܕܝܵܒ̣ܘܿܣܵܝܹܐ ܕܡ̣ܢ ܬܲܝ̱ܡܢܵܐ ܕܗ̤ܝ ܗ̄ܝ̣ ܐܘܿܪܸܫܠܸܡ. ܘܣܵܠܹܩ ܬܚܘܼܡܵܐ ܥܲܠ ܪܹܫܵܐ ܕܛܘܼܪܵܐ ܕܲܩܕ݂ܵܡ ܢܲܚܠܵܐ ܕܒܲܪܗܵܢܘܿܡ: ܡ̣ܢ ܡܲܥܪ̱ܒ̣ܵܐ ܕܣܘܿܦ ܥܘܼܡܩܵܐ ܕܓܲܢ̄ܒܵܪܹ̈ܐ.

⁹ܘܚܵܐܲܪ ܬܚܘܼܡܵܐ ܡ̣ܢ ܪܹܫܹܗ ܕܛܘܼܪܵܐ ܠܡܲܒ̇ܘܼܥܵܐ ܕܡܲـ̈ـܝܵܐ ܕܢܲܦܬܘܿܚ: ܘܢܵܦܹ̇ܩ ܥܲܠ ܩܲܪܢܵܐ ܕܛܘܼܪܵܐ ܕܥܸܒ̣ܪܘܿܢ: ܘܚܵܐܲܪ ܬܚܘܼܡܵܐ ܠܒ̣ܵܠܵܥ ܕܗ̤ܝ ܗ̄ܝ̣ ܩܘܼܪܝܲܬ̣ ܢܲܥܪܝܼܢ.

¹⁰ܘܚܵܐܲܪ ܬܚܘܼܡܵܐ ܡܟܢ ܒܵܠܵܥ ܠܡܲܥܪ̱ܒ̣ܵܐ ܥܲܠ ܛܘܼܪܵܐ ܕܣܵܥܝܼܪ: ܘܥܵܒܲܪ ܥܲܠ ܣܸܛܪܵܐ ܕܛܘܼܪܵܐ ܕܢܲܥܪܝܼܡ ܡ̣ܢ ܓܲܪܒ̇ܝܵܐ: ܗ̤ܝ ܗ̄ܝ̣ ܟܸܣܠܘܿܢ: ܘܢܵܚܹ̇ܬ̣ ܠܒܹܝܬ̣ ܫܡܸܫ: ܘܥܵܒܲܪ ܠܬܲܝ̱ܡܢܵܐ.

¹¹ܘܢܵܦܹ̇ܩ ܬܚܘܼܡܵܐ ܠܣܸܛܪܵܐ ܕܥܸܩܪܘܿܢ ܡ̣ܢ ܓܲܪܒ̇ܝܵܐ: ܬܚܘܼܡܵܐ ܠܫܸܟ݂ܪܘܿܢ: ܘܥܵܒܲܪ ܥܲܠ ܛܘܼܪܵܐ ܕܒ̣ܵܠܵܥ: ܘܢܵܦܹ̇ܩ ܠܝܵܗܒ̣ܵܐܹܝܠ. ܘܗܵܘܹ̇ܝܢ ܡܲܦܩܵܢܵܘ̈ܗܝ ܕܲܬ̣ܚܘܼܡܵܐ ܠܡܲܥܪ̱ܒ̣ܵܐ.

¹²ܘܲܬ̣ܚܘܼܡܹܗ ܡ̣ܢ ܡܲܥܪ̱ܒ̣ܵܐ ܠܲܡܪܝܼܒ̣ܵܐ ܒܲܬ̣ܚܘܼܡܹ̈ܝܗ̇ ܗܵܢܵܘ ܬܚܘܼܡܵܐ ܕܲܒ̣̈ܢܲܝ ܝܼܗܘܼܕ݂ܵܐ ܠܫܲܪ̈ܒ̣ܵܬ̣ܗܘܿܢ ܟܲܕ݂ ܚܵܕܲܪ.

¹³ܘܲܠܟ݂ܠܵܒ̣ ܒܲܪ ܝܘܿܦܲܢܵܐ: ܝܲܗ̄ܒ̣ ܝܼܫܘܼܥ ܦܵܠܓܘܼܬ̣ܵܐ ܒܲܝܢܵܬ̣ ܒ̈ܢܲܝ ܝܼܗܘܼܕ݂ܵܐ: ܐܲܝܟ݂ ܡܸܠܲܬ̣ ܦܘܼܡܹܗ ܕܡܵܪܝܵܐ ܘܐܸܡܲܪ ܟܵܠܵܒ̣ ܠܝܼܫܘܿܥ: ܗܲܒ̣ ܠܝܼ ܗܵܕܹܐ ܒܘܼܪܝܲܬ̣ ܐܲܪܒܲܥ ܕܐܲܒ̣ܘܼܗܘܿܢ ܕܓܲܢ̄ܒܵܪܹ̈ܐ. ܘܝܲܗ̄ܒ̣ ܝܼܫܘܿܥ ܠܟ݂ܵܠܵܒ̣ ܒܘܼܪܝܲܬ̣ ܐܲܪܒܲܥ ܕܐܲܒ̣ܘܼܗܘܿܢ ܕܓܲܢ̄ܒܵܪܹ̈ܐ: ܕܗ̤ܝ ܗ̄ܝ̣ ܚܸܒ̣ܪܘܿܢ.

¹⁴ܘܲܚܪܲܒ̣ ܡ̣ܢ ܬܲܡܵܢ ܟܵܠܵܒ̣ ܬܠܵܬ̣ܵܐ ܒ̈ܢܲܝ ܓܲܢ̄ܒܵܪܹ̈ܐ: ܠܫܝܼܫܲܝ ܘܠܲܐܚܝܼܡܵܢ: ܘܲܠܬ̣ܘܼܠܡܲܝ ܒ̈ܢܲܝ ܓܲܢ̄ܒܵܪܹ̈ܐ.

¹⁵ܘܲܣܠܸܩ ܡ̣ܢ ܬܲܡܵܢ ܥܲܠ ܥܵܡ̇ܘܿܪܹ̈ܐ ܕܕ݂ܵܒܝܼܪ: ܘܲܫܡܵܗ̇ ܕܕ݂ܵܒ̣ܝܼܪ ܡ̣ܢ ܩܕ݂ܝܼܡ ܩܘܼܪܝܲܬ̣ ܣܸܦܪܵܐ.

¹⁶ܘܐܸܡܲܪ ܟܵܠܵܒ̣: ܟܠܡ̇ܢ ܕܢܸܟ݂ܒ̇ܫܝܼܗ̇ ܠܩܘܼܪܝܲܬ̣ ܣܸܦܪܵܐ ܘܢܸܚܪ̱ܒ̣ܝܼܗ̇: ܐܸܬܸ̇ܠ ܠܹܗ ܠܥܲܟ݂ܣܵܐ ܒܪܲܬ̣ܝ ܐܲܢ̄ܬ̇ܬ̣ܵܐ.

¹⁷ܘܟܲܒ̣ܫܵܗ̇ ܥܲܬ̣ܢܵܐܹܝܠ ܒܲܪ ܩܲܢܙ ܐܲܚܘܼܗܝ ܕܟ݂ܵܠܵܒ̣: ܘܝܲܗ̄ܒ̣ ܠܹܗ ܠܥܲܟ݂ܣܵܐ ܒܲܪܬܹܗ ܐܲܢ̄ܬ̇ܬ̣ܵܐ.

¹⁸ܘܟܲܕ݂ ܗܘ̤ܵܬ̣ ܠܹܗ: ܐܸܬ̣ܓܲܪܓܲܬ̤ ܕܬܸܫܐܲܠ ܡ̣ܢ ܐܲܒ̣ܘܼܗ̇ ܝܵܪܬ̇ܘܼܬ̣ܵܐ ܕܚܲܩܠܵܐ: ܘܐܸܬ̣ܪܲܟ݂ܢܲܬ̣ ܡ̣ܢ ܚܡܵܪܵܐ. ܐܵܡܲܪ ܠܵܗ̇ ܟܠܵܒ̣: ܡܵܐ ܠܹܟ݂ܝ ܒܪܹܬ̣ܝ.

¹⁹ܐܵܡܪܵܐ ܠܹܗ ܗܲܒ̣ܠܝܼ ܒܘܼܪܟ̇ܬ̣ܵܐ: ܡܸܛܠ ܕܒܲܐܪܥܵܐ ܕܬܲܝ̱ܡܢܵܐ ܝܲܗ̄ܒ̣ܬܵܢܝ: ܗܲܒ̣ܠܝ ܚܸܦܪܵܐ ܗܵܢܵܐ ܕܡܲـ̈ـܝܵܐ: ܘܝܲܗ̄ܒ̣ ܠܵܗ̇ ܟܵܠܵܒ̣ ܚܸܦܪܵܐ ܥܸܠܵܝܵܐ: ܘܚܸܦܪܵܐ ܬܲܚܬܵܝܵܐ.

²⁰ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܫܲܒ̣ܛܵܐ ܕܲܒ̣̈ܢܲܝ ܝܼܗܘܼܕ݂ܵܐ ܠܫܲܪ̈ܒ̣ܵܬ̣ܗܘܿܢ.

²¹ܘܲܗ̤ܘܲܝ ܩܘܼܪ̈ܝܵܐ ܕܫܲܒ̣ܛܵܐ ܕܲܒ̣̈ܢܲܝ ܝܼܗܘܼܕ݂ܵܐ: ܥܲܠ ܬܚܘܼܡܵܐ ܕܐܲܕ݂ܘܿܡ ܡ̣ܢ ܬܲܝ̱ܡܢܵܐ. ܘܗܵܠܹܝܢ ܐܸܢܘܿܢ ܫܡܵܗܹ̈ܐ ܕܩܘܼܪ̈ܝܵܐ ܕܲܒ̣̈ܢܲܝ ܝܼܗܘܼܕ݂ܵܐ: ܩܲܒ̣ܨܝܼܐܹܝܠ: ܘܥܵܕ݂ܵܪ: ܘܝܵܓ̣ܘܿܪ.

²²ܘܩܝܼܢܵܐ: ܘܝܲܪܡܘܿܢܵܐ: ܘܓܲܕ݂ܓܵܕ݂ܵܐ.

²³ܘܲܩܕܸܫ: ܘܚܵܨܘܿܪ: ܘܢܲܬ̣ܢܝܼܢ.

²⁴ܘܙܝܼܒ̣: ܘܐܲܛܠܸܡ: ܘܒܲܥܠܘܼܬ̣.

²⁵ܘܚܵܨܘܿܪ: ܘܲܚܕܲܬܵܐ: ܘܩܘܼܪܝܼܬ̇ ܚܸܨܪܘܿܢ.

²⁶ܘܐܵܡܵܡ: ܘܐܲܫܡܵܥ: ܘܡܵܘܠܵܕ݂ܵܐ.

²⁷ܘܲܚܨܵܪ ܐܲܕܵܐ: ܘܚܸܫܡܘܿܢ: ܘܒܹܝܬ̣ ܦܵܠܵܛ.

²⁸ܘܲܕ݂ܵܪܲܬ̣ ܬܲܥ̈ܠܹܐ: ܘܒܹܪ ܫܒܲܥ: ܘܒܹܪܝܘܿܬ̣ܵܐ.

²⁹ܘܲܒ̣ܥܸܠ: ܘܥܸܠܝܼܢ: ܘܲܥܨܲܡ.

³⁰ܘܐܲܠܬܵܠܲܡ: ܘܐܲܟ݂ܣܝܼܢ: ܘܚܸܪܡܵܐ.

³¹ܘܨܸܢܩܠܲܓ̣: ܘܡܲܪܡܵܢܵܐ: ܘܣܲܡܣܵܠܵܐ.

³²ܘܲܠܒ̣ܵܐܘܼܬ̣: ܘܫܲܠܘܿܚ: ܘܥܝܼܪܡܘܿܢ. ܟܠܗܹܝܢ ܩܘܼܪ̈ܝܵܐ ܬܠܵܬ̣ܝܼܢ ܘܫܸܬ̣: ܘܐܵܓ̣ܘܼܪ̈ܣܲܝܗܹܝܢ ܒܲܦܫܲܥܬ̣ܵܐ.

³³ܘܐܸܫܬ̇ܘܼܐܹܝܠ: ܘܨܹܕ݂ܥܵܐ: ܘܐܸܫܬ̇ܢܵܐ.

³⁴ܘܚܘܿܚ: ܘܥܹܝܢ ܓܲܚܘܿܡ: ܘܦܲܬܘܿܚ: ܘܥܹܝܠܲܡ.

³⁵ܘܝܲܪܡܘܼܬ̣: ܘܥܲܪܠܲܡ: ܘܣܵܘܟܵܐ: ܘܥܲܙܩܵܐ.

³⁶ܘܫܲܥܬ̣ܝܼܢ: ܘܥܲܙܝܼܬ̣ܝܼܡ: ܘܓ̣ܵܬ̣ܵܪ: ܘܓܸܬ̣ܪܘܿܢܝܼܢ: ܩܘܼܪ̈ܝܵܐ ܚܲܡܫܲܥܸܣܪܹ̈ܐ: ܘܐܵܓ̣ܘܿܪ̈ܣܲܝܗܹܝܢ.

³⁷ܘܨܲܠܵܢ: ܘܚܲܪܫܵܐ ܘܡܲܓܕܲܠܓܵܕ݂.

³⁸ܘܕܸܠܒܵܢ: ܘܩܲܨܦܵܐ: ܘܢܲܩܬ̣ܵܐܹܝܠ.

³⁹ܘܲܠܟ݂ܝܼܫ ܘܥܲܙܩܲܬ̣: ܘܥܸܓ̣ܠܘܿܢ.

⁴⁰ܘܟܲܒ̣ܫܘܿܢ: ܘܠܲܚܡܵܣ: ܘܟܲܬ̣ܠܝܼܫ.

⁴¹ܘܥܸܕܪܘܼܬ̣: ܘܒܹܝܬ̣ ܕܓ̣ܘܿܢ: ܘܢܲܥܡܵܐ: ܘܢܲܩܪܵܐ ܩܘܼܪ̈ܝܵܐ ܫܸܬ̇ܬܲܥܸܣܪܹ̈ܐ: ܘܐܵܓ̣ܘܼܪ̈ܣܲܗܹܝܢ.

⁴²ܘܠܸܒܵܢ: ܘܥܵܬ̣ܵܪ: ܘܢܲܦ̮ܬܲܚ.

⁴³ܘܲܥܫܵܢ: ܘܐܲܫܝܵܐ: ܘܨܸܢܩܠܲܓ.

⁴⁴ܘܲܩܥܝܼܠܵܐ: ܘܐܲܟ݂ܙܝܼܒ̣: ܘܡܹܐܪܫܵܐ ܩܘܼܪ̈ܝܵܐ ܬܫܲܥ: ܘܐܲܓ̣ܘܿܪ̈ܣܲܝܗܹܝܢ.

⁴⁵ܘܥܸܩܪܘܿܢ: ܘܟܲܦܪ̈ܘܿܢܹܝܗ̇: ܘܐܵܓ̣ܘܼܪ̈ܣܹܝܗ̇ ܡ̣ܢ ܡܲܥܪ̱ܒ̣ܵܐ.

⁴⁶ܘܟ݂ܠܹܗ ܐܲܬ̣ܪܵܐ ܕܐܲܫܕ̇ܘܿܕ݂: ܘܐܵܓ̣ܘܿܪ̈ܣܲܝܗܹܝܢ.

⁴⁷ܘܐܲܫܕ̇ܘܼܕ݂ ܘܟܲܦܪ̈ܘܿܢܹܝܗ̇: ܘܐܲܓ̣ܘܼܪ̈ܣܹܝܗ̇: ܘܥܵܐܙܵܐ ܘܟܲܦܪ̈ܘܿܢܹܝܗ̇: ܘܐܵܓ̣ܘܼܪ̈ܣܹܝܗ̇: ܥܕܲܡܵܐ ܠܢܲܚܠܵܐ ܕܡܸܨܪܹܝܢ: ܘܝܲܡܵܐ ܪܲܒܵܐ ܬܚܘܼܡܵܐ.

⁴⁸ܘܗܵܠܹܝܢ ܒܛܘܼܪܵܐ: ܫܵܡܝܼܪ ܘܝܵܬ̣ܝܼܪ: ܘܣܵܘܟܵܐ.

⁴⁹ܘܪܲܢܵܐ: ܘܩܘܼܪܝܲܬ̣ ܣܸܦܪܵܐ ܕܗ̤ܝ ܗ̄ܝ̣ ܕܵܒ̣ܝܼܪ.

⁵⁰ܘܲܓ̣ܢܵܒ̣: ܘܐܸܫܬ̇ܡܘܿ: ܘܥܸܠܝܼܢ.

⁵¹ܘܥܸܫܝܵܢ: ܘܚܲܠܵܢ: ܘܓܲܠܘܿ ܩܘܼܪ̈ܝܵܐ ܚܕܲܥܸܣܪܹ̈ܐ ܘܐܲܓ̣ܘܼܪ̈ܣܲܝܗܹܝܢ.

⁵²ܘܪܲܝܼܒ̣: ܘܪܘܼܡܵܐ: ܘܲܥܫܵܢ.

⁵³ܘܝܲܠܘܿܡ: ܘܒܹܝܬ̣ ܦܲܬ̇ܘܿܚ: ܘܐܵܦܵܩ.

⁵⁴ܘܚܸܡܛܵܐ: ܘܩܘܼܪܝܲܬ̣ ܐܲܪܒܲܥ: ܕܗ̤ܝ ܗ̄ܝ̣ ܚܸܒ̣ܪܘܿܢ: ܘܨܸܒ̣ܥܘܿܢ. ܩܘܼܪ̈ܝܵܐ ܬܫܲܥ: ܘܐܵܓ̣ܘܼܪ̈ܣܲܝܗܹܝܢ.

⁵⁵ܘܡܵܥܘܿܢ: ܘܟܲܪܡܸܠ: ܘܙܝܼܒ̣: ܘܐܲܛܢܵܐ.

⁵⁶ܘܐܝܼܙܲܪܥܹܝܠ: ܘܲܢܩܸܡܥܲܡ: ܘܙܲܠܘܼܚ.

⁵⁷ܘܩܝܼܡ: ܘܓ̣ܒ̣ܥܵܐ: ܘܬܲܩܢܵܐ ܩܘܼܪ̈ܝܵܐ ܥܣܲܪ: ܘܐܵܓ̣ܘܿܪ̈ܣܲܝܗܹܝܢ.

⁵⁸ܘܚܲܠܘܿܠ: ܘܒܹܝܬ̣ ܨܲܕܲܘܿ: ܘܓ̣ܵܬ̣ܵܪ.

⁵⁹ܘܲܡܥܲܪܲܬ̣: ܘܒܹܝܬ̣ ܥܢܵܬ̣: ܘܠܲܬ̣ܩܵܢ. ܩܘܼܪ̈ܝܵܐ ܫܸܬ̣ ܘܐܵܓ̣ܘܪ̈ܣܲܝܗܹܝܢ.

⁶⁰ܘܪܲܒܲܬ̣: ܘܩܘܼܪܝܲܬ̣ ܒܥܸܠ ܕܗ̤ܝ ܗ̄ܝ̣ ܩܘܼܪܝܲܬ̣ ܢܲܥܪܝܼܢ. ܩܘܼܪܝܵܐ ܬܲܪܬܹ̇ܝܢ: ܘܐܵܓ̣ܘܼܪ̈ܣܲܝܗܹܝܢ ܒܡܲܕ݂ܒ̇ܪܵܐ.

⁶¹ܘܒܹܝܬ̣ ܥܵܪܵܒ̣ܵܐ: ܘܡܸܕ̇ܝܼܢ: ܘܣܵܟ݂ܣܵܐ.

⁶²ܘܝܲܥܫܵܢ: ܘܥܝܼܪܡ̱ܚܸܠ: ܘܥܹܝܢ ܓܵܕ݂. ܩܘܼܪ̈ܝܵܐ ܫܸܬ̣ ܘܐܵܓ̣ܘܼܪ̈ܣܲܝܗܹܝܢ.

⁶³ܘܲܠܝܵܒ̣ܘܿܣܵܝܹ̈ܐ ܕܥܵܡ̇ܪܝܼܢ ܒܐܘܿܪܸܫܠܸܡ: ܠܵܐ ܚܪܲܒ̣ܘ ܒ̈ܢܲܝ ܝܼܗܘܼܕ݂ܵܐ: ܘܝܼܬܸܒ̣ܘ ܝܵܒ̣ܘܿܣܵܝܹ̈ܐ ܥܲܡ ܒ̈ܢܲܝ ܝܼܗܘܼܕ݂ܵܐ ܒܐܘܿܪܸܫܠܸܡ ܥܕܲܡܵܐ ܠܝܵܘܡܵܢܵܐ.