Read Aramaic Peshita Joshua 19 Bible Online

Joshua 19 - Aramaic Peshita bible

Joshua 19

¹ܘܢܸܦܩܲܬ̤ ܦܸܨܬ̣ܵܐ ܕܬܲܪܬܹ̇ܝܢ ܠܫܲܒ̣ܛܵܐ ܕܲܒ̣̈ܢܲܝ ܫܸܡܥܘܿܢ ܠܫܲܪ̈ܒ̣ܵܬ̣ܗܘܿܢ: ܘܲܗܘ̤ܵܬ̣ ܝܵܪܬ̇ܘܼܬ̣ܗܘܿܢ ܒܓ̣ܵܘ ܝܵܪܬ̇ܘܼܬ̣ܵܐ ܕܲܒ̣̈ܢܲܝ ܝܼܗܘܼܕ݂ܵܐ.

²ܘܲܗ̤ܘܲܝ ܠܗܘܿܢ ܒܝܵܪ̈ܬܘܵܬ̣ܗܘܿܢ ܒܹܪ ܫܒܲܥ: ܘܲܫܒܲܥ: ܘܡܵܘܠܵܕ݂ܵܐ.

³ܘܕ݂ܵܪܲܬ̣ ܬܲܥ̈ܠܹܐ: ܘܒܲܠܵܐ ܘܲܥܨܵܡ.

⁴ܘܐܹܠܘܿܬ̣ܠܲܕ݂: ܘܒܹܝܬ̣ ܐܹܝܠ: ܘܚܸܪܡܵܐ.

⁵ܘܨܸܢܩܠܲܓ̣: ܘܒܹܝܬ̣ ܡܲܪܟ̇ܒ̣ܘܼܬ̣: ܘܲܚܨܵܪ ܣܘܼܣܵܐ.

⁶ܘܒܹܝܬ̣ ܠܲܒ̇ܘܼܬ̣: ܘܫܲܪܘܲܝܢܵܢ. ܩܘܼܪ̈ܝܵܐ ܐܲܪܒܲܥܸܣܪܹ̈ܐ: ܘܐܵܓ̣ܘܼܪ̈ܣܲܝܗܹܝܢ.

⁷ܘܥܹܝܢ: ܘܪܲܡܝܼܢ: ܘܓ̣ܵܬ̣ܵܪ: ܘܥܵܫܵܢ. ܩܘܼܪ̈ܝܵܐ ܐܲܪܒܲܥ: ܘܐܵܓ̣ܘܼܪ̈ܣܲܝܗܹܝܢ.

⁸ܘܟ݂ܠܗܘܿܢ ܐܵܓ̣ܘܼܪ̈ܣܹܐ ܕܲܚܕ݂ܝܼܪܝܼܢ ܠܗܹܝܢ ܠܩܘܼܪ̈ܝܵܐ ܗܵܠܹܝܢ: ܥܕܲܡܵܐ ܠܲܒ̣ܥܵܬ̣ ܒܹܝܬ̣ ܪܵܡܬ̣ܵܐ ܕܲܒ̣ܬܲܝ̱ܡܢܵܐ ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܫܲܒ̣ܛܵܐ ܕܲܒ̣̈ܢܲܝ ܫܸܡܥܘܿܢ ܠܫܲܪ̈ܒ̣ܵܬ̣ܗܘܿܢ.

⁹ܡ̣ܢ ܚܲܒ̣ܠܵܐ ܕܲܒ̣̈ܢܲܝ ܝܼܗܘܼܕ݂ܵܐ ܗܘ̤ܵܬ̣ ܝܵܪܬ̇ܘܼܬ̣ܵܐ ܕܲܒ̣ܢܲܝ̈ ܫܸܡܥܘܼܢ: ܡܸܛܠ ܕܣܲܓ̇ܝܼܵܐܐ ܗ̄ܘ̣ܵܬ̣ ܦܵܠܓ̇ܘܼܬ̣ܗܘܿܢ ܕܲܒ̣ܢܲܝ̈ ܝܼܗܘܼܕ݂ܵܐ. ܘܝܸܪܬ̣ܘ ܒ̈ܢܲܝ ܫܸܡܥܘܿܢ ܡ̣ܢ ܝܵܪܬ̇ܘܼܬ̣ܗܘܿܢ.

¹⁰ܘܣܸܠܩܲܬ̣ ܦܸܨܬ̣ܵܐ ܕܲܬ̣ܠܵܬ̣ ܠܲܒ̣̈ܢܲܝ ܙܒ̣ܘܿܠܘܿܢ ܠܫܲܪ̈ܒ̣ܵܬ̣ܗܘܿܢ: ܘܲܗܘ̤ܵܐ ܬܚܘܼܡܵܐ ܕܝܵܪܬ̇ܘܼܬ̣ܗܘܿܢ: ܥܕܲܡܵܐ ܠܐܲܫܕ̇ܘܿܕ݂.

¹¹ܘܣܵܠܹܩ ܬܚܘܼܡܗܘܿܢ ܠܡܲܥ̱ܪܒ̣ܵܐ: ܘܲܠܪܵܡܲܬ̤ ܬܲܥ̈ܠܹܐ: ܘܦܵܓܠ ܒܕ݂ܒ̣ܫܲܬ̣: ܘܦܵܓܥ ܒܢܲܚܠܵܐ ܕܲܩܕ݂ܵܡ ܢܩܸܡܥܲܡ.

¹²ܘܗܵܦܹܟ݂ ܡ̣ܢ ܐܲܫܕ̇ܘܿܕ݂ ܡ̣ܢ ܡܲܕ݂ܢܵܚܲܝ̈ ܫܸܡܫܵܐ. ܥܲܠ ܬܚܘܼܡܵܐ ܕܟܸܣܠܘܿܬ̣: ܘܲܕ݂ܒܸܬ̇ܘܿܪ. ܘܢܵܦܹ̇ܩ ܠܪܲܒܲܬ̣: ܘܣܵܠܹܩ ܠܢܵܦܝܼܥ.

¹³ܘܡ̣ܢ ܬܲܡܵܢ ܥܵܒܲܪ ܩܲܕ݂ܡܵܝܑܬ̣ ܡ̣ܢ ܡܲܕ݂ܢ̱ܚܵܐ: ܠܓܸܬ̣ ܘܲܠܚܵܦܵܪ: ܘܲܠܥܲܬܵܐ: ܘܲܠܩܸܨܝܵܢ ܘܢܵܦܹ̇ܩ ܠܐܲܪܡܘܿܢ: ܘܲܠܡܲܬ̣ܘܵܐ: ܘܲܠܥܵܘܵܐ.

¹⁴ܘܚܵܕܲܪ ܠܹܗ ܬܚܘܼܡܵܐ ܡ̣ܢ ܓܲܪܒ̇ܝܵܐ ܕܲܚܕ݂ܝܼܬ̇ܘܿܢ: ܘܗܵܘܹ̇ܝܢ ܡܲܦܩܵܢܵܘ̈ܗܝ ܠܢܲܚܠܵܐ ܕܟܲܦ̮ܬ̇ܢܵܐܹܝܠ.

¹⁵ܘܲܠܩܲܛܲܬ̣: ܘܲܠܝܲܗܠܝܼܠ: ܘܲܠܫܵܡܪܹܝܢ: ܘܲܠܥܲܪܐܲܠܵܐ: ܘܲܠܒܹܝܬ̣ܠܚܸܡ ܩܘܼܪ̈ܝܵܐ ܬܲܪܬܲܥܸܣܪܹ̈ܐ: ܘܐܵܓ̣ܘܼܪ̈ܣܲܝܗܹܝܢ.

¹⁶ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܲܒ̣̈ܢܲܝ ܙܲܒ̣ܘܿܠܘܿܢ ܠܫܲܪ̈ܒ̣ܵܬ̣ܗܘܿܢ.

¹⁷ܘܢܸܦܩܲܬ̤ ܦܸܨܬ̣ܵܐ ܕܐܲܪܒܲܥ ܕܲܒ̣̈ܢܲܝ ܐܝܼܣܵܟ݂ܵܪ ܠܫܲܪ̈ܒ̣ܵܬ̣ܗܘܿܢ.

¹⁸ܘܲܗܘ̤ܵܐ ܬܚܘܼܡܗܘܿܢ: ܐܝܼܙܲܪܥܹܝܠ: ܘܟܸܣܠܘܿܬ̣: ܘܫܘܿܝܵܡ.

¹⁹ܘܲܚܦܝܼܪܵܡ: ܘܫܸܢܐܵܢ: ܘܐܲܚܬܲܪ.

²⁰ܘܕܸܒ̣ܠܲܬ̣: ܘܩܝܼܫܘܿܢ: ܘܐܵܦܵܨ.

²¹ܘܪܵܡܲܬ̣ ܥܹܝܢ: ܘܥܸܢܝܵܢ: ܘܥܹܝܢ ܚܲܕܵܐ: ܘܒܹܝܬ̣ ܦܸܨܝܵܢ.

²²ܘܦܵܓܥ ܬܚܘܼܡܵܐ ܒܬܲܒ̣ܘܿܪ: ܘܲܒ̣ܫܲܚܨܝܼܡܵܐ: ܘܲܒ̣ܒܹܝܬ̣ ܫܡܸܫ. ܘܗܵܘܹ̇ܐ ܡܲܦܩܵܢܵܐ ܕܲܬ̣ܚܘܼܡܗܘܿܢ ܠܝܘܿܪܕ̇ܢܵܢ ܩܘܼܪ̈ܝܵܐ ܬܠܵܬܲܥܸܣܪܹ̈ܐ: ܘܐܵܓ̣ܘܼܪ̈ܣܲܝܗܹܝܢ.

²³ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܫܲܒ̣ܛܵܐ ܕܲܒ̣̈ܢܲܝ ܐܝܼܣܵܟ݂ܵܪ ܠܫܲܪܒ̣ܵܬ̣ܗܘܿܢ ܩܘܼܪ̈ܝܵܐ ܘܐܵܓ̣ܘܼܪ̈ܣܲܝܗܹܝܢ.

²⁴ܘܢܲܦܩܲܬ̣ ܦܸܨܬ̣ܵܐ ܕܚܲܡܸܫ ܕܫܲܒ̣ܛܵܐ ܕܲܒ̣̈ܢܲܝ ܐܲܫܹܝܪ ܠܫܲܪ̈ܒ̣ܵܬ̣ܗܘܿܢ.

²⁵ܘܲܗܘ̤ܵܐ ܬܚܘܼܡܗܘܿܢ: ܚܲܩܠܲܬ̣: ܘܚܲܠܝܼ: ܘܒ̣ܵܛܵܢ: ܘܐܲܟ݂ܫܵܦ.

²⁶ܘܐܲܡܠܸܟ݂: ܘܥܲܡܟܵܪ: ܘܐܲܡܫܵܐܹܝܠ ܘܦܵܓܠ ܒܟܲܪܡܠܵܐ ܡ̣ܢ ܡܲܥ̱ܪܒ̣ܵܐ: ܘܫܝܼܚܘܿܪ: ܘܠܲܒ̇ܝܬ̣.

²⁷ܘܗܵܦܹ̇ܟ݂ ܡ̣ܢ ܡܲܕ݂ܢܵܚܲܝ̈ ܫܸܡܫܵܐ ܠܒܹܝܬ̣ ܕܵܓ̣ܘܿܢ: ܘܦܵܓܠ ܒܲܙܒ̣ܘܿܠܘܿܢ: ܘܲܒ̣ܢܲܚܠܵܐ ܕܢܲܦ̮ܬ̇ܚܵܐܹ̇ܝܠ ܡ̣ܢ ܓܲܪܒ̇ܝܵܐ: ܘܕܲܒ̇ܝܼܬ̣: ܘܥܘܼܡܩܵܐ: ܘܕܲܢܥܵܐܹܝܠ. ܘܢܵܦܹ̇ܩ ܥܲܠ ܟܘܼܒܸ̇ܠ ܡ̣ܢ ܓܲܪܒ̇ܝܵܐ.

²⁸ܘܲܠܥܸܒ̣ܪܘܿܢ: ܘܠܲܪܚܵܐܒ̣: ܘܲܠܚܲܡܘܿܢ: ܘܲܠܩܲܥܵܐ: ܥܕܲܡܵܐ ܠܨܲܝܕ̇ܘܿܢ ܪܲܒܵܐ.

²⁹ܘܗܵܦܹ̇ܟ݂ ܬܚܘܼܡܵܐ ܠܪܵܡܬ̣ܵܐ: ܘܲܥܕܲܡܵܐ ܠܨܘܿܪ ܡܕ݂ܝܼܢ̄ܬܵܐ ܥܲܫܝܼܢܬܵܐ. ܘܗܵܦܹܟ݂ ܬܚܘܼܡܵܐ ܠܚܲܣ: ܘܗܵܘܹ̇ܝܢ ܡܲܦܩܵܢܵܘ̈ܗܝ ܠܡܲܥ̱ܪܒ̣ܵܐ ܡ̣ܢ ܢܲܚܠܵܐ ܕܐܲܟ݂ܙܝܼܒ̣.

³⁰ܘܥܘܼܡܩܵܐ: ܘܐܵܦܵܩ: ܘܪܵܚܘܿܒ̣. ܩܘܼܪ̈ܝܵܐ ܥܸܣܪܝܼܢ ܘܬܲܪܬܹ̇ܝܢ: ܘܐܵܓ̣ܘܼܪ̈ܣܲܝܗܹܝܢ.

³¹ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܫܲܒ̣ܛܵܐ ܕܲܒ̣̈ܢܲܝ ܐܵܫܹܝܪ ܠܫܲܪ̈ܒ̣ܵܬ̣ܗܘܿܢ: ܩܘܼܪ̈ܝܵܐ ܗܵܠܹܝܢ ܘܐܵܓ̣ܘܼܪ̈ܣܲܝܗܹܝܢ.

³²ܘܢܸܦܩܲܬ̤ ܦܸܨܬ̣ܵܐ ܕܫܸܬ̣ ܕܲܒ̣̈ܢܲܝ ܢܲܦ̮ܬܵܠܝܼ ܠܫܲܪ̈ܒ̣ܵܬ̣ܗܘܿܢ.

³³ܘܲܗܘ̤ܵܐ ܬܚܘܼܡܗܘܿܢ: ܡ̣ܢ ܚܲܠܦܵܐ: ܘܡ̣ܢ ܐܲܠܘܿܢ: ܘܡ̣ܢ ܨܸܢܥܵܡ: ܘܐܲܕܵܡܵܐ: ܘܲܢܩܸܒ̣: ܘܲܢܒ̣ܵܐܹܝܠ: ܥܕܲܡܵܐ ܠܠܲܩܘܿܡ. ܘܗܵܘܹ̇ܐ ܡܲܦܩܵܢܗܹܝܢ ܠܝܘܿܪܕ̇ܢܵܢ.

³⁴ܘܗܵܦܲܟ݂ ܬܚܘܼܡܵܐ ܠܡܲܥ̱ܪܒ̣ܵܐ ܠܐܲܙܢܘܿܬ̣ܒܘܿܙ: ܘܢܵܦܹ̇ܩ ܡ̣ܢ ܬܲܡܵܢ ܠܲܚܩܝܼܩ: ܘܦܵܓܥ ܒܲܙܒ̣ܘܿܠܘܿܢ ܡ̣ܢ ܬܲܝ̱ܡܢܵܐ: ܘܒ̣ܵܐܫܹܝܪ ܦܵܓܥ ܡ̣ܢ ܡܲܥ̱ܪܒ̣ܵܐ: ܘܒܲܝܗܘܼܕ݂ܵܐ ܒܝܘܿܪܕ̇ܢܵܢ ܡ̣ܢ ܡܲܕ݂ܢܵܚܲܝ̈ ܫܸܡܫܵܐ.

³⁵ܘܒܲܡܕ݂ܝܼ̈ܢܵܬ̣ܵܐ ܪܵܘ̱ܪ̈ܒ̣ܵܬ̣ܵܐ: ܒܨܘܿܪ: ܘܲܒ̣ܨܲܝܕܵܢ: ܘܒܲܚܡܵܬ̣: ܘܩܲܪܲܬ̣: ܘܟܸܢܪܲܬ̣.

³⁶ܘܐܵܕ݂ܵܡܵܐ: ܘܕ݂ܵܡܵܐ: ܘܚܵܨܘܿܪ.

³⁷ܘܲܩܕܸܫ: ܘܐܲܪܕ̇ܥܝܼ: ܘܥܹܝܢ ܨܘܿܪ.

³⁸ܘܕܝܼܐܘܿܢ: ܘܡܲܓܕܲܠܐܹܝܠ: ܘܚܵܪܘܿܡ: ܘܒܹܝܬ̣ ܥܢܵܬ̣: ܘܒܹܝܬ̣ ܫܡܸܫ: ܡܕ݂ܝܼ̈ܢܵܬ̣ܵܐ ܬܫܲܥܸܣܪܹ̈ܐ: ܘܐܵܓ̣ܘܼܪ̈ܣܲܝܗܹܝܢ.

³⁹ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܫܲܒ̣ܛܵܐ ܕܲܒ̣̈ܢܲܝ ܢܲܦ̮ܬܵܠܝܼ ܠܫܲܪ̈ܒ̣ܵܬ̣ܗܘܿܢ: ܗܵܠܹܝܢ ܩܘܼܪ̈ܝܵܐ ܘܐܵܓ̣ܘܼܪ̈ܣܲܝܗܹܝܢ.

⁴⁰ܘܢܸܦܩܲܬ̤ ܦܸܨܬ̣ܵܐ ܕܲܫܒܲܥ ܕܲܒ̣̈ܢܲܝ ܕܵܢ ܠܫܲܪ̈ܒ̣ܵܬ̣ܗܘܿܢ.

⁴¹ܘܲܗܘ̤ܵܐ ܬܚܘܼܡܵܐ ܕܝܵܪܬ̇ܘܼܬ̣ܗܘܿܢ: ܨܲܕ݂ܥܵܐ: ܘܐܸܫܬ̇ܘܼܐܹܝܠ: ܘܲܩܪܝܼܬ̣ܵܐ ܕܲܫܡܸܫ.

⁴²ܘܫܲܥܠܒ̣ܝܼܢ: ܘܐܲܝܠܘܿܢ: ܘܢܲܬ̣ܠܵܐ.

⁴³ܘܐܲܠܘܿܢ: ܘܬܸܡܢܵܐ: ܘܥܸܩܪܘܿܢ.

⁴⁴ܘܐܸܠܩܲܬ̣: ܘܓܸܒ̣ܬ̇ܘܿܢ: ܘܒܲܥܠܲܬ̣.

⁴⁵ܘܲܝܗܘܼܕ݂ܝܼܬ̣: ܘܲܒ̣ܥܸܠܕ̇ܒ̣ܵܟ݂: ܘܓܸܬ̣ܪܡܘܿܢ.

⁴⁶ܘܡܲܚ̱ܪܩܘܿܢ: ܘܟܲܪܩܘܿܢ: ܥܕܲܡܵܐ ܠܲܬ̣ܚܘܼܡܵܐ ܕܠܘܼܩܒܲܠ ܐܲܝܠܲܬ̣.

⁴⁷ܘܲܢܦܲܩ̣ ܬܚܘܼܡܵܐ ܕܲܒ̣ܢܵܘ̈ܗܝ ܕܕ݂ܵܢ ܡܸܢܗܘܿܢ. ܘܲܣܠܸܩܘ ܒ̈ܢܲܝ ܕܵܢ: ܘܲܥܒܲܕ݂ܘ ܩܪܵܒ̣ܵܐ ܥܲܡ ܐ̄ܢܵܫܵܐ ܕܐܝܼܢܘܿ: ܘܟܲܒ̣ܫܘܼܗ̇ ܘܚܲܪܒ̇ܘܼܗ̇ ܒܦܘܼܡܵܐ ܕܣܲܝܦܵܐ: ܘܝܲܪܬ̇ܘܼܗ̇ ܘܝܼܬܸܒ̣ܘ ܒܵܗ̇: ܘܲܩܪܵܐܘܼܗ̇ ܠܐܝܼܢܘܿ ܕܵܢ ܥܲܠ ܫܸܡ ܕܵܢ ܐܲܒ̣ܘܼܗܘܿܢ.

⁴⁸ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܫܲܒ̣ܛܵܐ ܕܲܒ̣̈ܢܲܝ ܕܵܢ ܠܫܲܪ̈ܒ̣ܵܬ̣ܗܘܿܢ: ܡܕ݂ܝܼ̈ܢܵܬ̣ܵܐ ܗܵܠܹܝܢ ܘܩܘܼܪ̈ܝܵܐ ܘܐܵܓ̣ܘܼܪ̈ܣܲܝܗܹܝܢ.

⁴⁹ܘܫܲܠܡ̣ܘ ܠܡܹܐܪܬܵܗ̇ ܠܐܲܪܥܵܐ ܒܸܬ̣ܚ̈ܘܼܡܹܝܗ̇: ܘܝܲܗ̄ܒ̣ܘ ܒ̈ܢܲܝ ܝܼܣܪܵܝܹܠ ܝܵܪܬ̇ܘܼܬ̣ܵܐ ܠܝܼܫܘܿܥ ܒܲܪܢܘܿܢ ܒܲܝܢܵܬ̣ܗܘܿܢ.

⁵⁰ܥܲܠ ܡܸܠܲܬ̤ ܦܘܼܡܹܗ ܕܡܵܪܝܵܐ: ܝܲܗ̄ܒ̣ܘ ܠܹܗ ܩܪܝܼܬ̣ܵܐ ܕܫܐܸܠ: ܠܬܲܡܢܲܬ̣ܣܪܲܚ ܕܲܒ̣ܛܘܼܪܵܐ ܕܐܲܦܪܹܝܡ: ܘܲܒ̣ܢܵܗ̇ ܠܲܩܪܝܼܬ̣ܵܐ ܘܝܼܬܸܒ̣ ܒܵܗ̇.

⁵¹ܗܵܠܹܝܢ ܝܵܪ̈ܬ̇ܘܵܬ̣ܵܐ ܕܐܵܘܪܸܬ̣ܘ ܐܹܠܝܼܥܵܙܲܪ ܟܵܗܢܵܐ ܘܝܼܫܘܿܥ ܒܲܪܢܘܿܢ: ܘܪܹ̈ܫܹܐ ܕܐܲܒ̣ܵـ̈ـܗܵܬ̣ܵܐ ܕܫܲܒ̣̈ܛܹܐ ܕܝܼܣܪܵܝܹܠ: ܒܦܸܨܹ̈ܐ ܒܫܝܼܠܘܿ ܩܕ݂ܵܡ ܡܵܪܝܵܐ ܒܬܲܪܥܵܐ ܕܡܲܫܟܲܢܙܲܒ̣ܢܵܐ: ܘܫܲܠܸܡ̣ܘ ܠܲܡܦܲܠܵܓܘܼܬ̣ܵܗ̇ ܠܐܲܪܥܵܐ.