Read Aramaic Peshita Joshua 21 Bible Online

Joshua 21 - Aramaic Peshita bible

Joshua 21

¹ܘܲܩܪܸܒ̣ܘ ܪܹ̈ܫܹܐ ܕܟ݂ܵܗܢܹ̈ܐ ܘܲܠܹܘܵܝܹ̈ܐ ܠܘܵܬ̣ ܐܹܠܝܼܥܵܙܲܪ ܟܵܗܢܵܐ ܘܲܠܘܵܬ̣ ܝܼܫܘܿܥ ܒܲܪܢܘܿܢ: ܘܲܠܘܵܬ̣ ܪܹ̈ܫܹܐ ܕܐܲܒ̣ܵـ̈ـܗܵܬ̣ܵܐ ܕܫܲܒ̣̈ܛܹܐ ܕܝܼܣܪܵܝܹܠ.

²ܘܐܸܡܲܪܘ ܠܗܘܿܢ ܒܫܝܼܠܘܿ ܒܐܲܪܥܵܐ ܕܲܟ݂ܢܲܥܢ: ܡܵܪܝܵܐ ܦܲܩܸܕ݂ ܒܐܝܼܕ݂ܵܐ ܕܡܘܼܫܹܐ: ܕܢܸܬ̇ܠܘܼܢ ܠܲܢ ܩܘܼܪ̈ܝܵܐ ܠܡܸܥܡܲܪ ܒܗܹܝܢ: ܘܐܵܓ̣ܘܼܪ̈ܣܲܝܗܹܝܢ ܠܲܒ̣ܥܝܼܪܲܢ.

³ܘܝܲܗ̄ܒ̣ܘ ܒ̈ܢܲܝ ܝܼܣܪܵܝܹܠ ܠܠܹܘܵܝܹ̈ܐ ܡ̣ܢ ܝܵܪܬ̇ܘܼܬ̣ܗܘܿܢ ܥܲܠ ܡܸܠܲܬ̣ ܦܘܼܡܹܗ ܕܡܵܪܝܵܐ: ܩܘܼܪ̈ܝܵܐ ܗܵܠܹܝܢ ܘܐܵܓ̣ܘܼܪ̈ܣܲܝܗܹܝܢ.

⁴ܘܢܸܦܩܲܬ̣ ܦܸܨܬ̣ܵܐ ܕܫܲܪܒ̇ܬ̣ܵܐ ܕܩܵܗܵܬ̣: ܕܲܒ̣̈ܢܲܝ ܐܲܗܪܘܿܢ ܟܵܗܢܹܐ ܡ̣ܢ ܠܹܘܵܝܹ̈ܐ. ܘܝܲܗ̄ܒ̣ܘ ܠܗܘܿܢ ܡ̣ܢ ܫܲܒ݂ܛܵܐ ܕܲܝܗܘܼܕ݂ܵܐ: ܘܡ̣ܢ ܫܲܒ̣ܛܵܐ ܕܫܸܡܥ̱ܘܿܢ: ܘܡ̣ܢ ܫܲܒ̣ܛܵܐ ܕܒܸܢܝܵܡܹܝܢ: ܒܦܸܨܬ̣ܵܐ ܩܘܼܪ̈ܝܵܐ ܬܠܵܬܲܥܸܣܪܹ̈ܐ.

⁵ܘܠܲܒ̣ܢܵܘ̈ܗܝ ܕܩܵܗܵܬ̣ ܕܐܸܫܬ̇ܚܲܪܘ: ܝܲܗ̄ܒ̣ܘ ܠܗܘܿܢ ܡ̣ܢ ܫܲܒ̣ܛܵܐ ܕܐܲܦܪܹܝܡ: ܘܡ̣ܢ ܫܲܒ̣ܛܵܐ ܕܕ݂ܵܢ: ܘܡ̣ܢ ܦܸܠܓܹ̇ܗ ܕܫܲܒ̣ܛܵܐ ܕܲܡܢܲܫܹܐ: ܩܘܼܪ̈ܝܵܐ ܥܣܲܪ.

⁶ܘܠܲܒ̣ܢܵܘ̈ܗܝ ܕܓܸܪܫܘܿܢ: ܝܲܗ̄ܒ̣ܘ ܠܗܘܿܢ ܡ̣ܢ ܫܲܒ̣ܛܵܐ ܕܐܝܼܣܵܟ݂ܵܪ: ܘܡ̣ܢ ܫܲܒ̣ܛܵܐ ܕܐܵܫܹܝܪ: ܘܡ̣ܢ ܫܲܒ̣ܛܵܐ ܕܢܲܦ̮ܬܵܠܝܼ: ܘܡ̣ܢ ܦܸܠܓܹ̇ܗ ܕܫܲܒ̣ܛܵܐ ܕܲܡܢܲܫܹܐ ܕܲܒ̣ܡܲܬ̣ܢܹܝܢ: ܒܦܸܨܬ̣ܵܐ: ܩܘܼܪ̈ܝܵܐ ܬܠܵܬܲܥܸܣܪܹ̈ܐ.

⁷ܘܠܲܒ̣ܢܵܘ̈ܗܝ ܕܡܵܪܵܪܝܼ: ܠܫܲܪ̈ܒ̣ܵܬ̣ܗܘܿܢ ܝܲܗ̄ܒ̣ܘ ܠܗܘܿܢ ܡ̣ܢ ܫܲܒ̣ܛܵܐ ܕܪܘܼܒܹܝܠ: ܘܡ̣ܢ ܫܲܒ̣ܛܵܐ ܕܓ̣ܵܕ݂: ܘܡ̣ܢ ܫܲܒ̣ܛܵܐ ܕܲܙܒ̣ܘܿܠܘܿܢ: ܩܘܼܪ̈ܝܵܐ ܬܲܪܬܲܥܸܣܪܹ̈ܐ.

⁸ܘܝܲܗ̄ܒ̣ܘ ܒ̈ܢܲܝ ܝܼܣܪܵܝܹܠ ܠܠܹܘܵܝܹ̈ܐ ܩܘܼܪ̈ܝܵܐ ܗܵܠܹܝܢ ܘܐܵܓ̣ܘܼܪ̈ܣܲܝܗܹܝܢ ܒܦܸܨܹ̈ܐ: ܐܲܝܟܲܢܵܐ ܕܦܲܩܸܕ݂ ܡܵܪܝܵܐ ܠܡܘܼܫܹܐ.

⁹ܘܗܵܠܹܝܢ ܫܡܵܗܹ̈ܐ ܕܩܘܼܪ̈ܝܵܐ ܕܝܲܗ̄ܒ̣ܘ ܡ̣ܢ ܫܲܒ̣ܛܵܐ ܕܲܝܗܘܼܕ݂ܵܐ: ܘܡ̣ܢ ܫܲܒ̣ܛܵܐ ܕܫܸܡܥܘܿܢ: ܩܘܼܪ̈ܝܵܐ ܒܲܫܡܵܗܲܝ̈ܗܹܝܢ.

¹⁰ܘܲܗ̤ܘܲܝ̈ ܠܲܒ̣ܢܵܘ̈ܗܝ ܕܐܲܗܪܘܿܢ ܡ̣ܢ ܫܲܪܒ̇ܬ̣ܵܐ ܕܩܵܗܵܬ̣: ܡ̣ܢ ܒܢܵܘ̈ܗܝ ܕܠܹܘܝܼ: ܡܸܛܠ ܕܕ݂ܝܼܠܗܘܿܢ ܗܘ̤ܵܬ̣ ܦܸܨܬ̣ܵܐ ܩܲܕ݂ܡܵܝܬܵܐ.

¹¹ܘܝܲܗ̄ܒ̣ܘ ܠܗܘܿܢ ܠܩܘܼܪܝܲܬ̣ ܐܲܪܒܲܥ ܕܐܲܒ̣ܘܼܗܘܿܢ ܕܓܲܢ̄ܒܵܪܹ̈ܐ: ܕܗ̤ܝ ܗ̄ܝ̣ ܚܸܒ̣ܪܘܿܢ ܕܲܒ̣ܛܘܼܪܵܐ ܕܲܝܗܘܼܕ݂ܵܐ: ܘܠܵܐ ܓ̣ܘܼܪ̈ܣܹܝܗ̇ ܟܲܕ݂ ܚܕ݂ܪܝܼܢ ܠܵܗ̇.

¹²ܘܲܠܚܲܩ̈ܠܵܬ̣ܵܐ ܕܲܩܪܝܼܬ̣ܵܐ ܘܲܠܫܲܪܟܵܐ ܕܐܵܓ̣ܘܼܪ̈ܣܹܝܗ̇: ܝܲܗ̄ܒ̣ܘ ܠܟ݂ܵܠܵܒ̣ ܒܲܪ ܝܘܿܦܲܢܵܐ ܒܝܵܪܬܘܼܬܹܗ.

¹³ܘܠܲܒ̣̈ܢܲܝ ܐܲܗܪܘܿܢ ܟܵܗܢܵܐ ܝܲܗ̄ܒ̣ܘ ܩܪܝܼܬ̣ܵܐ ܕܲܡܫܵܘܙܒ̣ܵܐ ܠܩܵܛܘܼܠܹ̈ܐ: ܠܚܸܒ̣ܪܘܿܢ ܘܠܵܐܓ̣ܘܼܪ̈ܣܹܝܗ̇: ܘܲܠܠܸܒ̣ܢܵܐ ܘܠܵܐܓ̣ܘܼܣܹܝܗ̇.

¹⁴ܘܲܠܝܲܪܬ̣ ܘܠܵܐܓ̣ܘܼܪ̈ܣܹܝܗ̇: ܘܠܐܸܫܬ̇ܡܘܿܥ ܘܠܵܐܓ̣ܘܼܪ̈ܣܹܝܗ̇.

¹⁵ܘܲܠܚܲܠܘܿܠ ܘܠܵܐܓ̣ܘܼܪ̈ܣܹܝܗ̇: ܘܲܠܕ݂ܵܒ̣ܝܼܪ ܘܠܵܐܓ̣ܘܼܪ̈ܣܹܝܗ̇.

¹⁶ܘܲܠܥܲܝܢ ܘܠܵܐܓ̣ܘܿܪ̈ܣܝܹܗ: ܘܲܠܥܲܛܵܐ . ܠܵܐܓ̣ܘܼܪ̈ܣܹܝܗ̇: ܘܲܠܒܹܝܬ̣ ܫܡܸܫ ܘܠܵܐܓ̣ܘܿܪ̈ܣܹܝܗ̇. ܩܘܼܪ̈ܝܵܐ ܬܫܲܥ ܡ̣ܢ ܫܲܒ̣ܛܵܐ ܕܲܝܗܘܼܕ݂ܵܐ ܘܲܕ݂ܫܸܡܥܘܿܢ.

¹⁷ܘܡ̣ܢ ܫܲܒ̣ܛܵܐ ܕܒܸܢܝܵܡܹܝܢ: ܓܸܒ̣ܥܘܿܢ ܘܐܵܓ̣ܘܼܪ̈ܣܹܝܗ̇: ܘܲܓܒܲܥ ܘܐܵܓ̣ܘܼܪ̈ܣܹܝܗ̇.

¹⁸ܘܲܥܢܵܬ̣ܘܿܬ̣ ܘܐܵܓ̣ܘܼܪ̈ܣܹܝܗ̇: ܘܥܸܠܡܘܿܢ ܘܐܵܓ̣ܘܼܪ̈ܣܝܹܗ̇: ܡܕ݂ܝܼ̈ܢܵܬ̣ܵܐ ܐܲܪܒܲܥ.

¹⁹ܟܠܗܹܝܢ ܩܘܼܪ̈ܝܵܐ ܕܲܒ̣̈ܢܲܝ ܐܲܗܪܘܿܢ ܟܵܗܢܵܐ: ܬܠܵܬܲܥܸܣܪܹ̈ܐ ܘܐܵܓ̣ܘܼܪ̈ܣܲܝܗܹܝܢ.

²⁰ܘܲܠܫܲܪܒ̇ܬ̣ܵܐ ܕܠܹܘܵܝܹ̈ܐ ܕܲܒ̣̈ܢܲܝ ܩܵܗܵܬ̣ ܕܐܸܫܬ̇ܚܲܪܘ ܡ̣ܢ ܒ̈ܢܲܝ ܩܵܗܵܬ̣: ܗ̤ܘܲܝ̈ ܩܘܼܪ̈ܝܵܐ ܕܦܸܨܲܝ̈ܗܘܿܢ ܡ̣ܢ ܫܲܒ̣ܛܵܐ ܕܐܲܦܪܹܝܡ.

²¹ܘܝܲܗ̄ܒ̣ܘ ܠܗܘܿܢ ܩܪܝܼܬ̣ܵܐ ܕܒܹܝܬ̣ ܡܫܵܘܙܒ̣ܘܼܬ̣ܵܐ ܕܩܵܛܘܿܠܹ̈ܐ: ܠܲܫܟܹܝܡ ܕܲܒ̣ܛܘܼܪܵܐ ܕܐܲܦܪܹܝܡ ܘܠܵܐܓ̣ܘܿܪ̈ܣܹܝܗ̇: ܘܲܠܓܵܕ݂ܵܪ ܘܲܠܵܐܓ̣ܘܼܪ̈ܣܹܝܗ̇.

²²ܘܲܠܩܲܒ̣ܨܝܼܡ ܘܠܵܐܓ̣ܘܼܪ̈ܣܝܹܗ̇: ܘܲܠܒܹܝܬ̣ ܚܵܘܪܵܢ ܘܠܵܐܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܐܲܪܒܲܥ ܘܐܵܓ̣ܘܼܪ̈ܣܲܝܗܹܝܢ.

²³ܘܡ̣ܢ ܫܲܒ̣ܛܵܐ ܕܕ݂ܵܢ: ܐܲܬ̣ܠܩܵܐ ܘܐܵܓ̣ܘܼܪ̈ܣܹܝܗ̇: ܘܓܸܒ̣ܬ̇ܘܿܢ ܘܐܵܓ̣ܘܼܪ̈ܣܝܹܗ̇.

²⁴ܘܐܲܠܘܿܢ ܘܐܵܓ̣ܘܿܪ̈ܣܹܝܗ̇: ܘܓܲܬ̣ܪܸܡܘܿܢ ܘܐܵܓ̣ܘܿܪ̈ܣܹܝܗ̇ ܩܘܼܪ̈ܝܵܐ ܐܲܪܒܲܥ ܘܐܵܓ̣ܘܼܪ̈ܣܲܝܗܹܝܢ.

²⁵ܘܡ̣ܢ ܦܸܠܓܹ̇ܗ ܕܫܲܒ̣ܛܵܐ ܕܲܡܢܲܫܹܐ: ܬܲܥܢܵܟ݂ ܘܐܵܓ̣ܘܼܪ̈ܣܹܝܗ̇: ܘܓܲܬ̣ܪܸܡܘܿܢ ܘܐܵܓ̣ܘܼܪ̈ܣܹܝܗ̇ ܩܘܪ̈ܝܵܐ ܬܲܪܬܹ̇ܝܢ ܘܐܵܓ̣ܘܼܪ̈ܣܲܝܗܹܝܢ.

²⁶ܟܠܗܹܝܢ ܩܘܼܪ̈ܝܵܐ ܘܲܡܕ݂ܝܼ̈ܢܵܬ̣ܵܐ ܥܣܲܪ ܘܐܵܓ̣ܘܼܪ̈ܣܲܝܗܹܝܢ: ܗ̤ܘܲܝ̈ ܠܫܲܪܒ̇ܬ̣ܵܐ ܕܲܒ̣ܢܵܘ̈ܗܝ ܕܩܵܗܵܬ̣ ܕܐܸܫܬ̇ܚܲܪܘ.

²⁷ܘܠܲܒ̣ܢܵܘ̈ܝ ܕܓܸܪܫܘܿܢ ܡ̣ܢ ܫܲܪܒ̇ܬ̣ܵܐ ܕܠܹܘܵܝܹ̈ܐ. ܗܘ̤ܝ ܩܘܼܪ̈ܝܼܗܘܿܢ ܡ̣ܢ ܦܠܓܹ̇ܗ ܕܫܲܒ̣ܛܵܐ ܕܲܡܢܲܫܹܐ: ܩܪܝܼܬ̣ܵܐ ܕܒܹܝܬ̣ ܫܘܼܘܙܒ̣ܵܐ ܕܩܵܛܘܿܠܹ̈ܐ: ܓܵܘܠܵܢ ܕܲܒ̣ܡܲܬ̣ܢܝܼܢ ܘܐܵܓ̣ܘܼܪ̈ܣܹܝܗ̇: ܘܥܸܣܬ̇ܪܘܼܬ̣ ܘܐܵܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܬܲܪܬܹ̇ܝܢ ܘܐܵܓ̣ܘܼܪ̈ܣܲܝܗܹܝܢ.

²⁸ܘܡ̣ܢ ܫܲܒ̣ܛܵܐ ܕܐܝܼܣܵܟ݂ܵܪ: ܩܸܫܝܵܢ ܘܐܵܓ̣ܘܼܪ̈ܣܹܝܗ̇: ܘܪܲܒܲܬ̣ ܘܐܵܓ̣ܘܼܪ̈ܣܹܝܗ̇.

²⁹ܘܝܲܪܡܘܼܬ̣ ܘܐܵܓ̣ܘܼܪ̈ܣܹܝܗ̇: ܘܥܹܝܢ ܓܵܕ݂ ܘܐܵܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܐܲܪܒܲܥ ܘܐܵܓ̣ܘܼܪ̈ܣܲܝܗܹܝܢ.

³⁰ܘܡ̣ܢ ܫܲܒ̣ܛܵܐ ܕܐܵܫܹܝܪ: ܡܫܵܐܹܝܠ ܘܐܵܓ̣ܘܼܪ̈ܣܹܝܗ̇: ܘܥܲܟ݂ܪܘܿܢ ܘܐܵܓ̣ܘܼܪ̈ܣܹܝܗ̇: ܘܚܸܠܩܘܼܬ̣ ܘܐܵܓ̣ܘܼܪ̈ܣܹܝܗ̇.

³¹ܘܲܪܚܘܼܒ̣ ܘܐܵܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܐܲܪܒܲܥ ܘܐܵܓ̣ܘܼܪ̈ܣܲܝܗܹܝܢ.

³²ܘܡ̣ܢ ܫܲܒ̣ܛܵܐ ܕܢܲܦ̮ܬܵܠܝܼ: ܩܪܝܼܬ̣ܵܐ ܕܒܹܝܬ̣ ܫܘܼܘܙܒ̣ܵܐ ܕܩܵܛܘܿܠܹ̈ܐ: ܩܕܸܫ ܕܒܲܓ̣ܠܝܼܠܵܐ ܘܐܵܓ̣ܘܼܪ̈ܣܹܝܗ̇: ܘܐܲܚܡܵܬ̣ ܕܘܿܪ ܘܐܵܓ̣ܘܿܪ̈ܣܹܝܗ̇ ܘܩܲܪܬ̣ܵܢ ܘܐܵܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܬܠܵܬ̣ ܘܐܵܓ̣ܘܼܪ̈ܣܲܝܗܹܝܢ.

³³ܟܠܗܹܝܢ ܩܘܼܪ̈ܝܵܐ ܕܫܲܪܒ̇ܬ̣ܵܐ ܕܲܒ̣̈ܢܲܝ ܓܸܪܫܘܿܢ: ܩܘܼܪ̈ܝܵܐ ܬܠܵܬܲܥܸܣܪܹ̈ܐ ܘܐܵܓ̣ܘܼܪ̈ܣܲܝܗܹܝܢ.

³⁴ܘܲܠܫܲܪܒ̇ܬ̣ܵܐ ܕܲܒ̣̈ܢܲܝ ܡܪܵܪܝܼ ܠܠܹܘܵܝܹ̈ܐ ܕܐܸܫܬ̇ܚܲܪܘ ܗܘ̤̈ܝ ܩܘܼܪ̈ܝܼܗܘܿܢ ܡ̣ܢ ܫܲܒ̣ܛܵܐ ܕܪܘܿܒܹܝܠ: ܝܵܗܵܨ ܘܐܵܓ̣ܘܼܪ̈ܣܹܝܗ̇: ܘܩܸܪܡܘܼܬ̣ ܘܐܵܓ̣ܘܼܪ̈ܣܹܝܗ̇.

³⁵ܘܩܲܪܝܲܬ̇ܝܼܡ ܘܐܵܓ̣ܘܼܪ̈ܣܹܝܗ̇: ܘܐܲܚܫܡܘܼܬ̣ ܘܐܵܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܐܲܪܒܲܥ ܘܐܵܓ̣ܘܼܪ̈ܣܲܝܗܹܝܢ.

³⁶ܘܡ̣ܢ ܫܲܒ̣ܛܵܐ ܕܲܙܒ̣ܘܿܠܘܿܢ: ܢܵܟ݂ܵܚ ܘܐܵܓ̣ܘܼܪ̈ܣܹܝܗ̇: ܘܩܲܪܬ̣ܵܢ ܘܐܵܓ̣ܘܼܪ̈ܣܹܝܗ̇.

³⁷ܘܲܪܡܝܼܢ ܘܐܵܓ̣ܘܼܪ̈ܣܹܝܗ̇: ܘܝܲܗܠܵܐ ܘܐܵܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܐܲܪܒܲܥ ܘܐܵܓ̣ܘܼܪ̈ܣܲܝܗܹܝܢ.

³⁸ܘܡ̣ܢ ܫܲܒ̣ܛܵܐ ܕܓܵܕܪ: ܩܪܝܼܬ̣ܵܐ ܕܫܘܼܘܙܒ̣ܵܐ ܕܩܵܛܘܿܠܹ̈ܐ: ܪܵܡܲܬ̣ ܓܸܠܥܵܕ݂ ܘܐܵܓ̣ܘܿܪ̈ܣܹܝܗ̇: ܘܡܲܚܢܝܼܡ ܘܐܵܓ̣ܘܼܪ̈ܣܹܝܗ̇.

³⁹ܘܚܸܫܒ̇ܘܿܢ ܘܐܵܓ̣ܘܼܪ̈ܣܹܝܗ̇: ܘܝܲܥܙܝܼܪ ܘܐܵܓ̣ܘܼܪ̈ܣܹܝܗ̇: ܩܘܼܪ̈ܝܵܐ ܐܲܪܒܲܥ ܘܐܵܓ̣ܘܼܪ̈ܣܲܝܗܹܝܢ.

⁴⁰ܗܵܠܹܝܢ ܩܘܼܪ̈ܝܵܐ ܕܲܒ̣̈ܢܲܝ ܡܪܵܪܝܼ ܠܫܲܪ̈ܒ̣ܵܬ̣ܗܘܿܢ: ܕܐܸܫܬ̇ܚܲܪܘ ܡ̣ܢ ܫܲܪܒ̇ܬ̣ܵܐ ܕܠܹܘܵܝܹ̈ܐ. ܘܲܣܠܩ ܒܦܲܨܲܬ̣ܗܘܿܢ: ܩܘܼܪ̈ܝܵܐ ܬܲܪܬܲܥܸܣܪܹ̈ܐ: ܘܐܵܓ̣ܘܼܪ̈ܣܲܝܗܹܝܢ.

⁴¹ܘܟ݂ܠܗܹܝܢ ܩܘܼܪ̈ܝܵܐ ܗܵܠܹܝܢ ܕܠܹܘܵܝܹ̈ܐ: ܒܓ̣ܵܘ ܝܵܪܬ̇ܘܼܬ̣ܵܐ ܐܸܢܹܝܢ ܕܲܒ̣̈ܢܲܝ ܝܼܣܪܵܝܹܠ. ܘܲܗܘܲܝ̈ ܩܘܼܪ̈ܝܵܐ ܕܠܹܘܵܝܹ̈ܐ: ܐܲܪܒ̇ܥܝܼܢ ܘܲܬ̣ܡܵܢܹ̈ܐ ܘܐܲܓ̣ܘܼܪ̈ܣܲܝܗܹܝܢ.

⁴²ܝܵܬ̣̈ܒܵܢ ܗ̤ܘܲܝ̈ ܕܹܝܢ ܩܘܼܪ̈ܝܵܐ ܘܲܡܕ݂ܝܼ̈ܢܵܬ̣ܵܐ ܗܵܠܹܝܢ ܩܪܝܼܬ̣ܵܐ ܩܪܝܼܬ̣ܵܐ: ܘܐܵܓ̣ܘܼܪ̈ܣܲܝܗܹܝܢ ܚܕ݂ܝܼܪܝܼܢ ܠܗܹܝܢ: ܘܟ݂ܠܗܹܝܢ ܩܘܼܪ̈ܝܵܐ ܗܵܠܹܝܢ ܘܲܡܕ݂ܝܼ̈ܢܵܬ̣ܵܐ ܗܵܟܲܢܵܐ.

⁴³ܘܝܲܗ̄ܒ̣ ܡܵܪܝܵܐ ܠܝܼܣܪܵܝܹܠ ܟܠܵܗ̇ ܐܲܪܥܵܐ ܕܝܼܡ̣ܵܐ ܠܡܸܬܲܠ ܠܐܲܒ̣ܵܗܲܝ̈ܗܘܿܢ: ܘܝܲܪܬ̇ܘܼܗ̇ ܘܝܼܬܸܒ̣ܘ ܒܵܗ̇.

⁴⁴ܘܐܲܢܝܼܚ ܠܗܘܿܢ ܡܵܪܝܵܐ ܡ̣ܢ ܟܠܗܘܿܢ ܚܕ݂ܵܪ̈ܲܝܗܘܿܢ: ܐܲܝܟ݂ ܕܝܼܡ̣ܵܐ ܠܐܲܒ̣ܵܗܲܝ̈ܗܘܿܢ. ܘܐ̄ܢܵܫ ܡ̣ܢ ܒܥܸܠܕ̇ܒ̣ܵܒܲܝ̈ܗܘܿܢ ܠܵܐ ܩܵܡ̣ ܩܕ݂ܵܡܲܝܗܘܿܢ: ܐܸܠܵܐ ܐܲܫܠܸܡ ܐܸܢܘܿܢ ܡܵܪܝܵܐ ܠܟ݂ܠܗܘܿܢ ܒܥܸܠܕ̇ܒ̣ܵܒܲܝ̈ܗܘܿܢ ܒܐܝܼܕܲܝ̈ܗܘܿܢ.

⁴⁵ܘܠܵܐ ܒܸܛܠܸܬ̤ ܚܕ݂ܵܐ ܡ̣ܢ ܟܠܗܹܝܢ ܡܸܠܹ̈ܐ ܛܵܒ̣ܵـ̈ـܬ̣ܵܐ ܕܐܸܡܲܪ ܡܵܪܝܵܐ ܠܲܕ݂ܒܹܝܬ̣ ܝܼܣܪܵܝܹܠ: ܐܸܠܵܐ ܟܠܗܹܝܢ ܗ̤ܘܲܝ̈.