Read Ariun Bible 2013 – Ариун Библи 2013 Эхлэл 11 Bible Online

Эхлэл 11 - Ariun Bible 2013 – Ариун Библи 2013 bible

Эхлэл 11

¹Бүх дэлхий нэг хэл, нэг аялгуутай байлаа.

²Тэд дорно зүг уруу нүүж, Шинарын хөндий тал газрыг олоод тэндээ нутагшин суурьшжээ.

³Тэд —За хөдөлцгөөе, тоосго цохиж, түүнийгээ гүйцэд болтол нь шатаацгаая гэж өөр хоорондоо хэлцээд, чулууны оронд тоосго, шаврын оронд барагшин хэрэглэв.

⁴Тэгээд тэд —За хөдөлцгөөе, бүгдээрээ хот болон тэнгэрт тулам оройтой өндөр цамхаг барьж байгуулан нэрээ алдаршуулцгаая. Эс тэгвээс бид бүх дэлхий дээр тарж бутрах болно гэж хэлэлцжээ.

⁵ЭЗЭН хүний хөвгүүдийн барьж байгуулсан хот ба цамхгийг үзэхээр бууж иржээ.

⁶ЭЗЭН айлдаж —Хараач, эд нар нэг үндэстэн, цөм нэг хэлтэй агаад энэ бол тэдний хийх юмсын эхлэл нь юм. Хойшид тэдний хийхээр зорьсон бүхэнд боломжгүй зүйл гэж үгүй болно.

⁷Алив, бууцгаая, тэдний хэлийг тэнд нь хутгалдуулан самууруулъя. Нэг нь нөгөөгийнхөө үг хэлийг ойлгохгүй болгоё гэв.

⁸Тэгээд ЭЗЭН, тэднийг тэндээс бүх дэлхийгээр нэг тараасанд тэд хот байгуулахаа зогсоожээ.

⁹ЭЗЭН бүх газар дэлхийн хэлийг хутгалдуулан самууруулсан уг газрыг Бабел[32] гэж нэрлэв. ЭЗЭН тэднийг тэндээс бүх дэлхий даяар тараасан билээ.

¹⁰Шемийн уг угсаа ийм билээ. Шем зуун настайдаа буюу үер болсноос хойш хоёр жилийн дараа Арпахшадыг төрүүлжээ.

¹¹Арпахшадыг төрүүлснээс хойш Шем таван зуун жил амьдарч бас үр хүүхдүүд төрүүлжээ.

¹²Арпахшад гучин таван настайдаа Шелаг төрүүлэв.

¹³Шелаг төрүүлснээсээ хойш тэрээр дөрвөн зуун гучин жил амьдарч, үр хүүхдүүдтэй болжээ.

¹⁴Шела гучин настайдаа Еберийг төрүүлжээ.

¹⁵Еберийг төрүүлснээс хойш тэрээр дөрвөн зуун гурван жил амьдрахдаа мөн л үр хүүхдүүдтэй болжээ.

¹⁶Ебер гучин дөрвөн настайдаа Пелегийг төрүүлэв.

¹⁷Тэрээр Пелегийг төрүүлснээс хойш дөрвөн зуун гучин жил амьдарч, үр хүүхдүүдтэй болжээ.

¹⁸Пелег гучин настайдаа Реуг төрүүлэв.

¹⁹Реуг төрүүлснээс хойш тэрээр хоёр зуун есөн жил амьдрахдаа үр хүүхдүүдтэй болжээ.

²⁰Реу гучин хоёр настайдаа Серугийг төрүүлэв.

²¹Серугийг төрүүлснээс хойш тэрээр хоёр зуун долоон жил амьдарч, үр хүүхдүүдтэй болжээ.

²²Серуг гучин настайдаа Нахорыг төрүүлэв.

²³Тэрээр Нахорыг төрүүлснээс хойш хоёр зуун жил амьдарч, үр хүүхдүүдтэй болжээ.

²⁴Нахор хорин есөн настайдаа Тераг төрүүлэв.

²⁵Тэрээр Тераг төрүүлснээс хойш зуун арван есөн жил амьдарч, үр хүүхдүүдтэй болжээ.

²⁶Тера дал наслахдаа Абрам, Нахор, Харан гурвын эцэг болсон байжээ.

²⁷Терагийн уг угсаа ийм билээ. Тера нь Абрам, Нахор, Харан гурвыг төрүүлж, Харан нь Лотыг төрүүлжээ.

²⁸Харан нь эцэг Терагаас өмнө өөрийн төрсөн газар Халдеин Урт үхэв.

²⁹Тэгээд Абрам, Нахор нар эхнэр авцгаажээ. Абрамын эхнэр нь Сараи, Нахорын эхнэр нь Хараны охин Милка байв. Милкагийн болон Искагийн эцэг нь Харан билээ.

³⁰Сараи хүүсэр байсан учир үр хүүхэдгүй байлаа.

³¹Тера өөрийн хүү Абрам, Хараны хүү, өөрийн ач хүү Лотыг өөрийн бэр, Абрамын эхнэр Сараи нарын хамт авч Халдеин Ураас Канаан нутгийг зорин хөдлөөд, Харанд ирж тэндээ суужээ.

³²Тера хоёр зуун тав наслаад, Харанд үхэв.