Read Ariun Bible 2013 – Ариун Библи 2013 Эхлэл 23 Bible Online

Эхлэл 23 - Ariun Bible 2013 – Ариун Библи 2013 bible

Эхлэл 23

¹Сара нэг зуун хорин долоо наслав. Энэ нь Сарагийн амьдралын он жилүүд ажээ.

²Сара Канаан нутгийн Кириат-арба хэмээх газарт (одоогийн Хеброн) үхэж, Абрахам Сарагийн төлөө гашуудан уйлахаар тэнд оров.

³Тэрээр Сарагийн шарилын өмнө босож зогсоод, хитчүүдэд —

⁴Та нарын дунд түр суугч цагаач надад талийгаачаа далд оршуулах нэг оршуулгын газар эзэмшлийг олгоно уу? Би энэ шарилаа тэнд оршуулъя гэжээ.

⁵Хитчүүд Абрахамд хариулан —

⁶Эзэн минь! Биднийг сонс! Та бол бидний дундах хүчирхэг ноён мөн. Та бидний оршуулгын газраас хамгийн тохиромжтой газарт шарилыг оршуулаарай. Таныг энэ шарилаа аль ч оршуулгын газар тавихад хориглох хүн бидний дунд байхгүй гэцгээв.

⁷Абрахам босож, тэр нутгийн хитчүүдэд мэхийн ёслоод

⁸тэдэнд —Хэрэв та нар намайг нас барсан хүнээ нутаглуулахыг хүсэж байгаа бол миний үгийг сонсож, миний төлөө Зохарын хүү Ефроноос гуйж,

⁹түүгээр талбайнх нь захад байгаа өөрийнх нь өмч болох Махпелагийн агуйг надад өгүүлээч. Тэрээр хангалттай үнээр агуйг оршуулгын газар болгон та нарын дунд надад өгөг гэв.

¹⁰Тэр үед Ефрон хитчүүдийн дунд сууж байв. Тэрээр хитчүүд ба хотын гулдан хаалгаар орж ирсэн бүхнийг сонсож байхад Абрахамд хариулан —

¹¹Үгүй эзэн минь, намайг сонсооч! Би тэр талбайг танд өгье. Бас түүний дотор байгаа агуйг ч танд өгье. Би түүнийг өөрийн нутгийнхны өмнө танд өгье. Та тэнд тэр шарилаа оршуулаарай гэв.

¹²Абрахам тэр нутгийнханд мэхийн ёслов.

¹³Тэрээр нутгийнхныг сонсож байхад нь Ефронд —Та таалбал, үгийг минь сонсоно уу. Би тэр талбайн үнийг танд өгнө. Түүнийг та надаас аваарай, би тэнд шарилаа оршуулъя гэв.

¹⁴Ефрон, Абрахамд —

¹⁵Эзэн минь ээ! Миний үгийг сонсооч. Хэсэг газрын үнэ дөрвөн зуун шекел мөнгөтэй тэнцэнэ. Энэ нь та бид хоёрын хооронд юухан билээ? Тиймээс нас барсан хүнээ оршуул гэв.

¹⁶Ефроны үгийг Абрахам дагаж, хитчүүдийг сонсож байхад Ефроны хэлсэн дөрвөн зуун шекел мөнгийг тухайн үеийн худалдаачдын хэрэглэдэг жингээр жинлэж Ефронд өгчээ.

¹⁷Мамрегийн өмнөх Махпелад байдаг Ефроны талбай, түүний доторх агуй бас тэр талбайн эргэн тойрны ой мод цөмийг

¹⁸хотын гулдан хаалгаар орж ирсэн бүгдийн болон хитчүүдийн өмнө Абрахамын өмч хөрөнгө болгон өгөхөөр тогтжээ.

¹⁹Тэгээд Абрахам Канаан нутгийн Мамре буюу Хеброны өмнөх Махпелагийн талбай дахь агуйд эхнэр Сарагаа оршуулав.

²⁰Ийнхүү тэр талбай болон доторх агуйг нь хитчүүд Абрахамын өмч, түүний оршуулгын газар болгохоор тогтов.