Read Ariun Bible 2013 – Ариун Библи 2013 Эхлэл 36 Bible Online

Эхлэл 36 - Ariun Bible 2013 – Ариун Библи 2013 bible

Эхлэл 36

¹Есавын уг угсаа ийм билээ. Тэр нь Едом юм.

²Есав канаан охидоос хит хүн Елоны охин Ада, хиви хүн Зибеоны ач охин, Анагийн охин Охолибамаг эхнэр болгон авч,

³бас Ишмаелын охин Небаиотын дүү Басематыг авчээ.

⁴Тэгээд Ада нь Есавд Елифазыг төрүүлж, Басемат нь Реуелийг төрүүлжээ.

⁵Харин Охолибама нь Иеуш, Иалам, Кора нарыг төрүүлжээ. Эд нар бол Канаан нутагт түүнд төрсөн Есавын хөвгүүд билээ.

⁶Есав эхнэрүүд, хөвгүүд, охид, гэрийн бүх хүнээ, өөрийн сүрэг болон бүх мал, Канаанаас олж хөлжсөн хамаг эд хөрөнгөө аваад, дүү Иаковаас салж, өөр нэгэн газар уруу оджээ.

⁷Тэр хоёрын эд хөрөнгө үлэмж их болсон тул хамтдаа амьдран сууж чадахгүйд хүрэв. Тэдний цагаачилж суугаа нутаг нь өөрсдийнх нь мал сүргээс болж тэдэнд хүрэлцэхгүй болжээ.

⁸Есав буюу Едом нь Сеирийн уулархаг нутагт амьдрах болов.

⁹Сеирийн уулархаг нутагт суурьшсан едомчуудын өвөг Есавын уг угсаа ийм болой.

¹⁰Есавын үр удмынхны нэр нь гэвэл Есавын эхнэр Адагийн хүү Елифаз, Есавын эхнэр Басематын хүү Реуел нар билээ.

¹¹Елифазын хөвгүүд нь Теман, Омар, Зефо, Гатам, Кеназ нар билээ.

¹²Есавын хүү Елифазын татвар эм Тимна нь Амалекийг Елифазд төрүүлж өгчээ. Эдгээр нь Есавын эхнэр Адагийн хөвгүүд билээ.

¹³Реуелийн хөвгүүд нь Нахат, Зера, Шамма, Мизза нар билээ. Эдгээр нь Есавын эхнэр Басематын хөвгүүд билээ.

¹⁴Зибеоны ач охин, Анагийн охин, Есавын эхнэр Охолибамагийн Есавд төрүүлсэн хөвгүүд нь Иеуш, Иалам, Кора нар билээ.

¹⁵Есавын хөвгүүдийн ахлагч нар нь Есавын ууган хүү Елифазын хөвгүүд болох ахлагч Теман, ахлагч Омар, ахлагч Зефо, ахлагч Кеназ,

¹⁶ахлагч Кора, ахлагч Гатам, ахлагч Амалек нар юм. Эдгээр нь Едомын нутагт Елифазаас гарсан ахлагчид бөгөөд Адагийн хөвгүүд болой.

¹⁷Есавын хүү Реуелийн хөвгүүд нь ахлагч Нахат, ахлагч Зера, ахлагч Шамма, ахлагч Мизза нар юм. Эдгээр нь Едомын нутагт Реуелээс гарсан ахлагчид бөгөөд Есавын эхнэр Басематын хөвгүүд болой.

¹⁸Есавын эхнэр Охолибамагийн хөвгүүд нь ахлагч Иеуш, ахлагч Иалам, ахлагч Кора нар юм. Эдгээр нь Анагийн охин, Есавын эхнэр Охолибамагаас гарсан ахлагчид билээ.

¹⁹Эд бүгд Есав буюу Едомын хөвгүүд бөгөөд тэдний ахлагчид болой.

²⁰Тэр газрын уугуул иргэд хоричууд буюу Сеирийн хөвгүүд нь Лотан, Шобал, Зибеон, Ана,

²¹Дишон, Езер, Дишан нар юм. Эдгээр нь Едомын нутагт байгаа Сеирийн хөвгүүд, хоричуудын ахлагчид юм.

²²Лотаны хөвгүүд нь Хори, Хемам нар бөгөөд Лотаны эгч нь Тимна юм.

²³Шобалын хөвгүүд нь Алван, Манахат, Ебал, Шефо, Онам юм.

²⁴Зибеоны хөвгүүд нь Аиа, Ана нар бөгөөд Ана нь эцэг Зибеоныхоо илжгийг хариулж явахдаа элсэн цөлд халуун рашаан олсон ажээ.

²⁵Анагийн хүүхдүүд нь Дишон, Охолибама хоёр. Охолибама бол Анагийн охин юм.

²⁶Дишоны хөвгүүд нь Хемдан, Ешбан, Итран, Херан нар.

²⁷Езерийн хөвгүүд нь Билхан, Зааван, Акан нар.

²⁸Дишаны хөвгүүд нь Уз, Аран нар.

²⁹Хоричуудын ахлагчид нь ахлагч Лотан, ахлагч Шобал, ахлагч Зибеон, ахлагч Ана,

³⁰ахлагч Дишон, ахлагч Езер, ахлагч Дишан нар. Эдгээр нь ахлагчдынхаа дагуу Сеирийн газарт байгаа хоричуудын ахлагчид ажээ.

³¹Израилийн хөвгүүдийг хэн нэгэн хаан захирахаас өмнө Едомын газар нутгийг захирсан хаад нь эдгээр болно.

³²Беорын хүү Бела нь Едомын хаан болсон бөгөөд түүний хотыг Динхаба гэдэг байжээ.

³³Бела үхэж, Бозрагийн Зерагийн хүү Иобаб түүний оронд хаан болжээ.

³⁴Иобаб үхэж, теманчуудын нутгаас гаралтай Хушам түүний оронд хаан болсон билээ.

³⁵Хушам үхэж, Моабын талд мидианчуудыг бут цохисон Бедадын хүү Хадад түүний оронд хаан болсон бөгөөд түүний хотыг Авит гэдэг байв.

³⁶Хадад үхэхэд, Масрекагийн Самла түүний оронд хаан болжээ.

³⁷Самла үхэхэд, Евфрат мөрний эргийн Рехоботын Шаул түүний оронд хаан болсон юм.

³⁸Шаул үхэж, Ахборын хүү Баал-ханан оронд нь хаан болов.

³⁹Ахборын хүү Баал-ханан үхэхэд Хадар түүний оронд хаан болсон бөгөөд хотыг нь Пау гэдэг байв. Түүний эхнэрийн нэр Мехетабел бөгөөд тэр Ме-Захабын Матредын охин байв.

⁴⁰Есаваас уламжилсан захирагчдын нэрс нь тэдний ургууд, нутгийн байршил, нэрсийнхээ дагуу эд нар болно. Захирагч Тимна, захирагч Алва, захирагч Иетет,

⁴¹захирагч Охолибама, захирагч Ела, захирагч Пинон,

⁴²захирагч Кеназ, захирагч Теман, захирагч Мибзар,

⁴³захирагч Магдиел, захирагч Ирам нар байв. Эдгээр нь суудаг орон, өөрийн эзэмшсэн газар нутгийн дагуу Едомын захирагчид юм. Едомын өвөг нь Есав билээ.