Read Ariun Bible 2013 – Ариун Библи 2013 2Хаад 11 Bible Online

2Хаад 11 - Ariun Bible 2013 – Ариун Библи 2013 bible

2Хаад 11

¹Хүүгээ үхсэнийг Ахазиагийн эх Аталиа хараад босож хааны удмын бүх хөвгүүдийг устгав.

²Харин Иорам хааны охин буюу Ахазиагийн эгч Иехошеба нь Ахазиагийн хүү Иоашийг алуулж байсан хааны хөвгүүдийн дундаас хулгайлан авч, хүүг асрагчтай нь хамт унтлагын өрөөндөө байлгав. Ингэж тэд түүнийг Аталиагаас нууж тэрээр алагдсангүй.

³Аталиа уг газрыг захирч байх хооронд тэрээр түүний хамт ЭЗЭНий өргөөнд зургаан жил нуугдаж байв.

⁴Харин долоо дахь жилд нь Иехоиада хүн илгээж, каричуудын болон хамгаалагчдын зуутын дарга нарыг ЭЗЭНий өргөөнд өөр дээрээ ирүүлэв. Тэгээд тэрээр тэдэнтэй гэрээ байгуулсан ба ЭЗЭНий өргөөнд тэднийг тангараглуулж, тэдэнд хааны хүүг харуулав.

⁵Тэрээр тэдэнд тушаан —Та нарын хийх зүйл энэ юм. Амралтын өдөр үүрэггүй байсан ч та бүгдийн гуравны нэг нь ирж хааны өргөөг харгалзаг.

⁶Гуравны нэг нь бас Суур дааман хаалган дээр мөн гуравны нэг нь хамгаалагчдын арын дааман хаалган дээр хамгаалалтын төлөө ордныг харгалзах ёстой.

⁷Амралтын өдөр хамгаалалтын үүрэгтэй байдаг бүх хүн буюу та нарын үлдсэн хоёр хэсэг нь хааны төлөө ЭЗЭНий өргөөг хамгаалагтун.

⁸Тэгээд хүн бүр зэвсгээ гартаа авч, хааныг хүрээлэн зогс. Хүрээний дотор орогч хэнийг ч болов алагтун. Гарч, орох бүрийд нь хаантай хамт байгтун гэв.

⁹Зуутын дарга нар тахилч Иехоиадагийн тушаасан бүгдийг ёсоор гүйцэтгэжээ. Тэдний хүн бүр Амралтын өдөр ордог гардаг бүх эрсээ дагуулан тахилч Иехоиада уруу ирэв.

¹⁰Зуутын дарга нарт тахилч харин ЭЗЭНий өргөөнд байсан, Давид хааны жад,[20] бамбайнуудыг өгөв.

¹¹Харуулын хүн бүр гартаа зэвсгээ бариад, өргөөний баруун талаас зүүн тал хүртэл хааныг хүрээлэн тахилын ширээ болон өргөөний хажуугаар зогсоцгоов.

¹²Тэгээд тэд хааны хүүг гарган ирж, түүнд титэм өмсгөн, гэрчлэлийг өгч түүнийг хаан болгов. Тэд түүнийг тосолж, алга ташин —Хаан мөнх наслаг! гэцгээв.

¹³Харуулын ба ард түмний дуу чимээг Аталиа сонсоод, хүмүүс уруу ЭЗЭНий өргөөнд орж иржээ.

¹⁴Түүнийг харахад хаан заншлыг даган баганын дэргэд зогсож байв. Ахмадууд болон бүрээчид хааны дэргэд зогсож, тэр газрын бүх ард түмэн баярлалдан бүрээгээ хүнгэнүүлж байлаа. Тэгэхэд Аталиа хувцсаа ураад —Тэрслэл! Тэрслэл! гэж хашхирав.

¹⁵Тахилч Иехоиада цэргийг захирахаар томилогдсон зуутын дарга нарт тушаан тэдэнд —Тэр эмийг хүрээн дундаас гарга. Түүнийг дагах хэнийг ч бай илдээр цавчин алагтун гэв. Учир нь тахилч “Тэр эмийг ЭЗЭНий өргөөнд бүү алагтун” гэжээ.

¹⁶Ингээд тэд түүнийг баривчлан хааны өргөөний адууны хаалганы үүдээр гаргаж тэнд тэрээр хороогдов.

¹⁷Дараа нь тэд ЭЗЭНий ард түмэн байна гэсэн гэрээг Иехоиада ЭЗЭН ба хааны хооронд мөн ЭЗЭН ба ард түмний хооронд байгуулж мөн хаан ба ард түмний хооронд ч байгуулжээ.

¹⁸Тэрхүү газарт байсан бүх ардууд Баалын өргөөнд очин, түүнийг буулган нураажээ. Түүний тахилын ширээнүүд ба хөргүүдийг нь тэд юу ч үгүй болтол эвдэж, Баалын тахилч Маттаныг тахилын ширээнүүдийн өмнө алав. Иехоиада, ЭЗЭНий өргөөг хариуцах түшмэдийг томилов.

¹⁹Тэрээр зуутын дарга, каричууд, хамгаалагчид болон тэр газрын бүх ард түмнийг дагуулжээ. Тэд хааныг ЭЗЭНий өргөөнөөс аваад, хамгаалагчдын дааман хаалганы замаар хааны өргөөнд ирэв. Тэрээр хаадын сэнтийд заларчээ.

²⁰Ингээд тэр газрын бүх ард олон баярлан хөөрсөн бөгөөд Аталиаг хааны өргөөнд илдээр цавчин хороосны дараа хот нам гүм болов.

²¹Иехоаш хаанаар өргөмжлөгдөхдөө долоон настай байлаа.