Read Ariun Bible 2013 – Ариун Библи 2013 1Шастир 2 Bible Online

1Шастир 2 - Ariun Bible 2013 – Ариун Библи 2013 bible

1Шастир 2

¹Израилийн хөвгүүд нь Реубен, Симеон, Леви, Иуда, Иссахар, Зебулун,

²Дан, Иосеф, Бениамин, Нафтали, Гад, Ашер нар билээ.

³Иудагийн хөвгүүд нь Ер, Онан, Шела нар бөгөөд энэ гурвыг нь канаан эмэгтэй Бат-шуа түүнд төрүүлж өгсөн юм. Иудагийн ууган хүү Ер нь ЭЗЭНий мэлмийд хорон муу хүн байсан тул Тэр түүнийг үхүүлжээ.

⁴Иудагийн бэр Тамар түүнд Перез, Зера нарыг төрүүлж өгсөн ажээ. Иудагийн хөвгүүд нь бүгд тав байв.

⁵Перезийн хөвгүүд нь Хезрон, Хамул нар болой

⁶Зерагийн хөвгүүд нь Зимри, Етан, Хеман, Калкол, Дара нар бөгөөд тэд бүгд тавуулаа байв.

⁷Кармийн хүү нь Ахар[2] бөгөөд хориг цээртэй зүйлсийн тухайд итгэл эвдэж Израильд лай тарьсан хүн байв.

⁸Етаны хүү нь Азариа юм.

⁹Хезронд төрсөн хөвгүүд нь Иерахмеел, Рам, Хелубаи нар байв.

¹⁰Рам Амминадабыг, Амминадаб нь Иудагийн хөвгүүдийн удирдагч болох Нахшоныг төрүүлсэн юм.

¹¹Нахшон Салмоныг, Салмон Боазыг,

¹²Боаз Обедыг, Обед Иессийг төрүүлжээ.

¹³Иессийн ууган хүү нь Елиаб, удаах хүү нь Абинадаб, гуравдугаар нь Шимеа,

¹⁴дөрөвдүгээр хүү нь Нетанел, тавдугаар нь Раддаи,

¹⁵зургадугаар хүү нь Озем, долдугаар хүү нь Давид юм.

¹⁶Тэдний эгч нарыг Зеруиа ба Абигаил гэдэг байв. Зеруиа нь Абишаи, Иоаб, Асахел хэмээх гурван хөвгүүнтэй билээ.

¹⁷Абигаил нь Амасаг төрүүлжээ. Амасагийн эцэг нь ишмаел хүн Иетер билээ.

¹⁸Хезроны хүү Калеб өөрийн эхнэр Азуба болон Иериотаар[3] хөвгүүдтэй болсон юм. Тэр эмэгтэйн хөвгүүд нь Иешер, Шобаб, Ардон нар байв.

¹⁹Азуба үхэхэд Калеб бас Ефраттай гэрлэж, тэр түүнд Хурыг төрүүлж өгсөн.

²⁰Хур Урийн, Ури нь Безалелын эцэг болсон ажээ.

²¹Түүний дараа Хезрон жаран насандаа Гилеадын эцэг Махирын охин дээр ирээд, түүнийг авчээ. Тэр түүнд Сегубыг төрүүлж өгөв.

²²Сегуб Иаирыг төрүүлж, Иаир нь Гилеад нутгийн хорин гурван хотыг эзэмшив.[4]

²³Гэвч Гешур, Арам нь Кенат болон тэндхийн жаран хот суурин ба Иаирын хотуудыг тэднээс булаан авсан юм. Эд бүгд Гилеадын эцэг Махирын хөвгүүд билээ.

²⁴Хезрон Калеб-ефратад үхсэний дараа түүний эхнэр Абиа түүнд Текоагийн эцэг Ашурыг төрүүлж өгсөн юм.

²⁵Хезроны ууган хүү Иерахмеелийн хөвгүүдийн ууган хүү нь Рам, удаах нь Буна, Орен, Озем, Ахиа нар билээ.

²⁶Иерахмеелд Атара хэмээх бас өөр нэг эхнэр байсан нь Онамын эх билээ.

²⁷Иерахмеелийн ууган хүү Рамын хөвгүүд нь Мааз, Иамин, Екер юм.

²⁸Онамын хөвгүүд нь Шаммаи, Иада бөгөөд Шаммаин хөвгүүд нь Надаб, Абишур нар билээ.

²⁹Абишурын эхнэрийн нэр нь Абихаил. Тэр түүнд Ахбан, Молид нарыг төрүүлж өгөв.

³⁰Надабын хөвгүүд нь Селед, Аппаим билээ. Селед хөвгүүдгүй өөд болов.

³¹Аппаимын хүү нь Иши, Ишийн хүү нь Шешан, Шешаны хүү нь Ахлаи ажээ.

³²Шаммаин дүү Иадагийн хөвгүүд нь Иетер, Ионатан нар юм. Иетер нь хөвгүүдгүй насан эцэслэжээ.

³³Ионатаны хөвгүүд нь Пелет, Заза билээ. Эд Иерахмеелийн хөвгүүд билээ.

³⁴Шешан хөвгүүдгүй харин зөвхөн охидтой байв. Шешанд Иарха гэдэг Египет боол байв.

³⁵Шешан охиноо өөрийн боол Иархад өгсөн бөгөөд тэр түүнд Аттаиг төрүүлжээ.

³⁶Аттаи Натаныг, Натан нь Забадыг,

³⁷Забад нь Ефлалыг, Ефлал нь Обедыг тус тус төрүүлэв.

³⁸Обед нь Иехүг, Иехү нь Азариаг,

³⁹Азариа нь Хелезийг, Хелез нь Елеасаг төрүүлэв.

⁴⁰Елеаса нь Сисмаиг, Сисмаи нь Шаллумыг,

⁴¹Шаллум Иекамиаг, Иекамиа нь Елишамаг төрүүлэв.

⁴²Иерахмеелийн дүү Калебын хөвгүүдийн ууган нь Меша бөгөөд тэр Зифийн эцэг юм. Түүний хүү Мареша нь Хеброны эцэг[5] билээ.

⁴³Хеброны хөвгүүд нь Кора, Таппуа, Рекем, Шема юм.

⁴⁴Шема нь Иеркоамын эцэг Рахамыг төрүүлж, Рекем нь Шаммаиг төрүүлжээ.

⁴⁵Шаммаин хүү нь Маон, Маон нь Бет-зурын эцэг билээ.

⁴⁶Калебын татвар эм Ефа нь Харан, Моза, Газезыг төрүүлжээ. Харан нь Газезын эцэг болов.

⁴⁷Иахдайн хөвгүүд нь Регем, Иотам, Гешан, Пелет, Ефа, Шааф нар юм.

⁴⁸Калебын татвар эм Маака нь Шебер, Тирхана нарыг төрүүлжээ.

⁴⁹Тэр мөн Мадманнагийн эцэг Шаафыг бас Махбена, Гибеа нарын эцэг Шеваг төрүүлжээ. Калебын охиныг Ахса гэдэг байв.

⁵⁰Эд Калебын хөвгүүд байсан юм. Ефратагийн ууган хүү Хурын хөвгүүд нь Кириат-иеаримын эцэг Шобал,

⁵¹Бетлехемийн эцэг Салма, Бет-гадерын эцэг Хареф нар билээ.

⁵²Кириат-иеаримын эцэг Шобалын хөвгүүд нь Харое, Хази манахатчуудын хагас бөгөөд

⁵³Кириат-иеаримын ургууд болох итри, пут, шумат, мишраичууд билээ. Эдгээрээс зоратчууд, ештоалчууд бий болсон юм.

⁵⁴Салмагийн хөвгүүд нь Бетлехем, нетофатчууд, Атрот-бет-иоаб, хази манахатчуудын хагас болох зоричууд байв.

⁵⁵Иабезэд амьдарч байсан, тэмдэглэгдсэн өрхүүд нь тиратчууд, шимеатчууд, сукатчууд бөгөөд эдгээр нь Рехабын гэрийнхний эцэг болох Хамматаас гарсан кенчүүд билээ.