Read Ariun Bible 2013 – Ариун Библи 2013 1Шастир 27 Bible Online

1Шастир 27 - Ariun Bible 2013 – Ариун Библи 2013 bible

1Шастир 27

¹Израилийн хөвгүүд тоо ёсоороо буюу эцгийн бүлийн тэргүүнүүд, мянгат, зуутын дарга нар болон хэсэг бүрийн хамаг хэрэгт хаандаа үйлчилдэг, жилийн бүх сард, сар сараар ээлжлэн ирээд явдаг түшмэд энэ болой. Хэсэг тусбүр хорин дөрвөн мянган хүнтэй байлаа.

²Нэгдүгээр сард алба хаах нэгдүгээр хэсгийг Забдиелийн хүү Иашобеам захирдаг байв. Түүний хэсэгт хорин дөрвөн мянган хүн байв.[36]

³Тэрээр Перезийн хөвгүүдээс гаралтай бөгөөд нэгдүгээр сарын хувьд цэргийн бүх дарга нарын тэргүүн байв.

⁴Хоёрдугаар сард алба хаах хэсгийг ахо хүн Додаи хариуцаж байв. Түүний хэсэгт бас ахлагч Миклот байсан бөгөөд түүний хэсэг ч мөн адил хорин дөрвөн мянган хүнтэй байв.

⁵Гуравдугаар сард цэргийн гурав дахь, тэргүүн жанжин нь тахилч Иехоиадагийн хүү Бенаиа байлаа. Түүний хэсэгт хорин дөрвөн мянган хүн байв.

⁶Энэ Бенаиа нь гучин хүчит эрийн нэгэн бөгөөд уг гучийг захирдаг байв. Түүний хэсэгт түүний хүү Аммизабад байжээ.

⁷Дөрөвдүгээр сард алба хаах дөрөв дэх нь Иоабын дүү Асахел болон удаах нь түүний хүү Зебадиа байлаа. Түүний хэсэгт хорин дөрвөн мянган хүн байв.

⁸Тавдугаар сард алба хаах тав дахь жанжин нь Изра хүн Шамхут байв. Түүний хэсэгт хорин дөрвөн мянган хүн байлаа.

⁹Зургадугаар сард алба хаах зургаа дахь нь Текоагийн хүн Иккешийн хүү Ира байлаа. Түүний хэсэгт хорин дөрвөн мянган хүн байв.

¹⁰Долдугаар сард алба хаах долоо дахь нь Ефраимын хөвгүүдээс гаралтай пелон хүн Хелез байв. Түүний хэсэгт хорин дөрвөн мянган хүн байжээ.

¹¹Наймдугаар сард алба хаах найм дахь нь зерачуудаас гаралтай хуша хүн Сиббекаи байлаа. Түүний хэсэгт хорин дөрвөн мянган хүн байв.

¹²Есдүгээр сард алба хаах ес дэх нь бениаминчуудаас гаралтай анатот хүн Абиезер байв. Түүний хэсэгт хорин дөрвөн мянган хүн байлаа.

¹³Аравдугаар сард алба хаах арав дахь нь зерачуудаас гаралтай нетофат хүн Махараи байв. Түүний хэсэгт хорин дөрвөн мянган хүн байжээ.

¹⁴Арван нэгдүгээр сард алба хаах арван нэг дэх нь Ефраимын хөвгүүдээс гаралтай пиратон хүн Бенаиа байлаа. Түүний хэсэгт хорин дөрвөн мянган хүн байв.

¹⁵Арван хоёрдугаар сард алба хаах арван хоёр дахь нь Отниелын нетофат хүн Хелдаи байв. Түүний хэсэгт хорин дөрвөн мянган хүн байжээ.

¹⁶Израилийн овгуудыг ахлахаар реубенчүүдэд Зихрийн хүү Елиезер, симеончуудад Маакагийн хүү Шефатиа,

¹⁷левичүүдэд Кемуелийн хүү Хашабиа, Ааронд Задок,

¹⁸Иудад Давидын ах нараас Елиху, Иссахарт Михаелын хүү Омри,

¹⁹Зебулунд Обадиагийн хүү Ишмаиа, Нафталид Азриелын хүү Иеремот,

²⁰Ефраимын хөвгүүдэд Азазиагийн хүү Хошеа, Манассегийн хагас овогт Педаиагийн хүү Иоел,

²¹Гилеад дахь Манассегийн хагаст Зехариагийн хүү Иддо, Бениаминд Абнерын хүү Иаасиел,

²²Данд Иерохамын хүү Азарел нар байв. Эд Израилийн овгуудын удирдагчид байлаа.

²³Харин ЭЗЭН Израилийг тэнгэрийн одод мэт өсгөн нэмэгдүүлнэ гэж айлдсан учраас Давид хорь болон түүнээс дооших насны хүмүүсийг тоолсонгүй.

²⁴Зеруиагийн хүү Иоаб тоолж эхэлсэн боловч үүнээс болж Бурханы уур хилэн Израиль дээр буусанд тэрээр тоолж дуусгаагүй бөгөөд тоо нь Давид хааны Шастирын тоо бүртгэлд ороогүй билээ.

²⁵Хааны нөөцийн санг Адиелын хүү Азмавет хариуцав. Тариан талбай, хот, тосгон, цайз дахь нөөцийн санг Уззиагийн хүү Ионатан хариуцав.

²⁶Газар тариалангийн талбайн ажилчдыг Келубийн хүү Езри хариуцав.

²⁷Усан үзмийн талбайг рамат хүн Шимеи хариуцав. Усан үзмийн талбай дахь дарсны нөөцийн санг шифмит хүн Забди хариуцав.

²⁸Шефела дахь чидун болон ялам моддыг гедер хүн Баал-ханан хариуцав. Тосны нөөцийн агуулахыг Иоаш хариуцав.

²⁹Шаронд бэлчиж буй үхэр сүргийг шарон хүн Шитраи хариуцав. Хөндийд байх үхэр сүргийг Адлаигийн хүү Шафат хариуцав.

³⁰Тэмээг ишмаел хүн Обил, илжгүүдийг меронот хүн Иедеиа хариуцав.

³¹Хонин сүргийг хагри хүн Иазиз хариуцав. Эд бүгдээрээ Давид хааных гэсэн хөрөнгөний харгалзагчид байв.

³²Бас Давидын авга ах Ионатан зөвлөгч байсан бөгөөд тэрээр ухаантай, бичиг үсэгт гарамгай хүн байв. Хахмонийн хүү Иехиел нь хааны хөвгүүдийг асарч байв.

³³Ахитофел нь хааны зөвлөх, архе хүн Хушаи нь хааны шадар байв.

³⁴Ахитофелын араас Бенаиагийн хүү Иехоиада, Абиатар нар байжээ. Хааны цэргийн жанжин нь Иоаб байлаа.