Read Ariun Bible 2013 – Ариун Библи 2013 Езра 10 Bible Online

Езра 10 - Ariun Bible 2013 – Ариун Библи 2013 bible

Езра 10

¹Езраг залбирч, нүглээ наманчлан Бурханы өргөөний өмнө сунан мөргөж уйлж байхад, Израилиас эрэгтэйчүүд, эмэгтэйчүүд мөн хүүхдүүдийн асар том чуулган түүн дээр цуглан ирж, гашуунаар уйлцгаав.

²Еламын хөвгүүдийн нэг Иехиелийн хүү Шеканиа, Езрад —Бид Бурхандаа үнэнч бус байж, энэ газрын ард түмнүүдээс харь эмэгтэйчүүдийг авч гэрлэсэн. Ийм байсан ч эдүгээ Израильд найдвар байна.

³Тиймээс одоо бүх эхнэр болон тэдний хүүхдүүдийг миний Эзэн болон Бурханы маань хуулийн өмнө айн чичирдэг хүмүүсийн шийдвэрийн дагуу явуулахаар Бурхантайгаа гэрээ хийцгээе. Энэ нь хуулийн дагуу хийгдэг!

⁴Босогтун! Учир нь энэ таны үүрэг агаад бид тантай хамт байна. Тууштай байгтун, үйлдэгтүн! гэв.

⁵Тэгэхэд Езра босож, удирдах тахилч нар, левичүүдийг болон бүх израилийг энэ үгсийн дагуу үйлдэнэ гэж тангараг өргүүлүүлэв. Тэд ч тангараглав.

⁶Тэгээд Езра, Бурханы өргөөний өмнөөс босож, Елиашибын хүү Иехохананы танхимд оров. Тэр хэдийгээр тийш очсон[12] боловч цөллөгөөс ирэгсдийн итгэлгүйн улмаас гашуудан талх ч идсэнгүй, ус ч уусангүй.

⁷Бүх цөллөгөөс ирэгсэд Иерусалимд цуглах ёстой гэж тэд Иуда ба Иерусалим даяар зарласан бөгөөд

⁸гурав хоногийн дотор ирээгүй хэнийг ч болов удирдагчид ба ахмадуудын зөвлөгөөний дагуу бүх хөрөнгийг нь хурааж, түүнийг өөрийг нь цөллөгөөс ирэгсдийн чуулганаас хөөхөөр болов.

⁹Ингээд Иуда болон Бениамины эрчүүд бүгд гурав хоногийн дотор Иерусалимд цуглав. Энэ нь есдүгээр сарын хорин байсан бөгөөд бүх хүн уг үйл явдлаас болон бороо цутгаснаас болж чичирсээр Бурханы өргөөний өмнөх задгай талбайд сууцгаав.

¹⁰Тэгээд тахилч Езра босож, тэдэнд —Та нар үнэнч бус байж, Израилийн ялыг нэмэгдүүлэн харь эмэгтэйчүүдтэй гэрлэжээ.

¹¹Тиймээс одоо эцэг өвгөдийнхөө Бурхан ЭЗЭНд нүглээ наманчилж, Түүний тааллын дагуу үйлд. Өөрсдийгөө энэ газрын ард түмнүүдээс болон харь эхнэрүүдээсээ тусгаарла гэж хэлэв.

¹²Тэгтэл бүх чуулган чанга дуугаар хариулан —Ёсоор болог! Таны хэлсэнчлэн бид гүйцэтгэх ёстой гэв.

¹³Гэвч олон хүн байна. Одоо борооны улирал тул бид задгай газар зогсоод байж чадахгүй нь. Энэ даалгавар нэг юмуу хоёр өдрийн дотор биелэгдэж чадахгүй. Учир нь биднээс олонх нь энэ хэрэгт буруутан болжээ.

¹⁴Манай удирдагчид бүх чуулганыг төлөөлж, манай хотуудад харь эхнэр авсан бүх хүн тогтсон цагт, хот бүрийн ахмадууд, шүүгчидтэй хамт ирцгээг. Энэ хэргийн улмаас Бурханы маань догшин уур хилэн биднээс зайлуулагдах хүртэл ингэг гэв.

¹⁵Зөвхөн Асахелын хүү Ионатан, Тиквагийн хүү Иахзеиа нар үүнийг эсэргүүцэхэд Мешуллам ба леви хүн Шаббетаи нар тэднийг дэмжив.

¹⁶Гэвч цөлөгдөгсдийн хөвгүүд ёсоор үйлдэцгээв. Тэгээд тахилч Езра тэдний бүл бүрд эцгүүдийн бүлийн тэргүүнүүд болох хүмүүсийг бүгдийг нэрээр нь сонгов.[13] Тэгээд аравдугаар сарын эхний өдөр тэр хэргийг нарийвчлан үзэхээр тэд цуглав.

¹⁷Тэд нэгдүгээр сарын эхний өдөр гэхэд харь эхнэртэй гэрлэсэн бүх хүнийг нарийвчлан тогтоож дуусжээ.

¹⁸Харь эхнэр авсан тахилч нарын хөвгүүдийн дотор Иозадакийн хүү Иешуагийн хөвгүүдээс болон түүний ах дүү нараас Маасеиа, Елиезер, Иариб, Гедалиа нар байв.

¹⁹Тэд эхнэрүүдээ зайлуулахыг амласан бөгөөд энэхүү гэмийн учир хонин сүргээс хуцыг ялын тахилд тахив.

²⁰Иммерийн хөвгүүдээс Ханани, Зебадиа,

²¹Харимын хөвгүүдээс Маасеиа, Елиа, Шемаиа, Иехиел болон Уззиа,

²²Пашхурын хөвгүүдээс Елиоенаи, Маасеиа, Ишмаел, Нетанел, Иозабад болон Еласа нар байв.

²³Левичүүдээс Иозабад, Шимеи, Келаиа (тэр нь Келита), Петахиа, Иуда болон Елиезер нар байв.

²⁴Дуучдаас Елиашиб байв. Хаалгачдаас Шаллум, Телем болон Ури нар байв.

²⁵Израилиас, Парошийн хөвгүүдээс Рамиа, Иззиа, Малхиа, Миамин, Елеазар, Малхиа болон Бенаиа,

²⁶Еламын хөвгүүдээс Маттаниа, Зехариа, Иехиел, Абди, Иеремот болон Елиа,

²⁷Заттугийн хөвгүүдээс Елиоенаи, Елиашиб, Маттаниа, Иеремот, Забад болон Азиза,

²⁸Бебаин хөвгүүдээс Иехоханан, Хананиа, Заббаи болон Атлаи,

²⁹Банийн хөвгүүдээс Мешуллам, Маллух, Адаиа, Иашуб, Шеал болон Иеремот,

³⁰Пахат-моабын хөвгүүдээс Адна, Хелал, Бенаиа, Маасеиа, Маттаниа, Безалел, Биннуи, болон Манассе

³¹Харимын хөвгүүдээс Елиезер, Ишшиа, Малхиа, Шемаиа, Шимеон,

³²Бениамин, Маллух, Шемариа,

³³Хашумын хөвгүүдээс Маттенаи, Маттатта, Забад, Елифелет, Иеремаи, Манассе болон Шимеи,

³⁴Банийн хөвгүүдээс Маадаи, Амрам, Уел,

³⁵Бенаиа, Бедеиа, Хелухи,

³⁶Ваниа, Меремот, Елиашиб,

³⁷Маттаниа, Маттенаи, Иаасу,

³⁸Бани, Биннуи, Шимеи,

³⁹Шелемиа, Натан, Адаиа,

⁴⁰Махнадебаи, Шашаи, Шараи,

⁴¹Азарел, Шелемиа, Шемариа,

⁴²Шаллум, Амариа болон Иосеф,

⁴³Небогийн хөвгүүдээс Иеиел, Маттитиа, Забад, Зебина, Иаддаи, Иоел болон Бенаиа нар байв.

⁴⁴Эд бүгд харь эхнэр авсан бөгөөд тэдний зарим нь тэдгээрээс хүүхэд төрүүлжээ.[14]