Read Ariun Bible 2013 – Ариун Библи 2013 Нехемиа 10 Bible Online

Нехемиа 10 - Ariun Bible 2013 – Ариун Библи 2013 bible

Нехемиа 10

¹Тамгалсан бичгэн дээр эдгээр нэр байв. Үүнд: Хакалиагийн хүү захирагч Нехемиа, Зедекиа,

²Сераиа, Азариа, Иеремиа,

³Пашхур, Амариа, Малхиа,

⁴Хаттуш, Шебаниа, Маллух,

⁵Харим, Меремот, Обадиа,

⁶Даниел, Гиннетон, Барух,

⁷Мешуллам, Абиа, Миамин,

⁸Маазиа, Билгаи, Шемаиа. Эдгээр нь тахилч байв.

⁹Левичүүд болох Азаниагийн хүү Иешуа, Хенададын хөвгүүдийн Биннуи, Кадмиел,

¹⁰мөн тэдний ах дүүс Шебаниа, Ходиа, Келита, Пелаиа, Ханан,

¹¹Мика, Рехоб, Хашабиа,

¹²Заккур, Шеребиа, Шебаниа,

¹³Ходиа, Бани, Бенину.

¹⁴Ард түмний удирдагчид болох Парош, Пахат-моаб, Елам, Затту, Бани,

¹⁵Бунни, Азгад, Бебаи,

¹⁶Адониа, Бигваи, Адин,

¹⁷Атер, Хезекиа, Аззур,

¹⁸Ходиа, Хашум, Безаи,

¹⁹Хариф, Анатот, Небаи,

²⁰Магпиаш, Мешуллам, Хезир,

²¹Мешезабел, Задок, Иаддуа,

²²Пелатиа, Ханан, Анаиа,

²³Хошеа, Хананиа, Хасшуб,

²⁴Халлохеш, Пилха, Шобек,

²⁵Рехум, Хашабна, Маасеиа

²⁶Ахиа, Ханан, Анан,

²⁷Маллух, Харим, Баана.

²⁸Үлдсэн хүмүүс болох тахилчид, левичүүд, хаалгачид, дуучид, сүмийн үйлчлэгчид ба Бурханы хуулийг дагахаар өөрсдийгөө тэр газрын хүмүүсээс тусгаарласан бүх хүн, тэдний эхнэрүүд, хөвгүүд ба охид, мэдлэг ба ойлголттой бүхэн

²⁹садан төрөлтэйгөө, сурвалжтануудтайгаа бүгдээрээ “Бурханы зарц Мосегоор өгөгдсөн Бурханы хуулиар явж, Эзэн БУРХАНыхаа бүх тушаал, зарлиг, тогтоолыг нягталж, сахин биелүүлэхээр хараалын ял болон тангараг дор бид орж байна.

³⁰Охидоо нутгийн харь хүмүүст эс өгч, тэдний охидыг ч хөвгүүддээ үл авах болно.

³¹Бараа эсвэл үр тариа зарахаар авчирдаг нутгийн хүмүүсийн хувьд, бид Амралтын өдөр эсвэл ариун өдөрт тэднээс юм худалдан авахгүй. Бид долоо дахь жилд нь аливаа ургац авахаа болон хэн нэгнээс өр нэхэмжлэхээ татгалзаж байна.

³²Мөн Бурханыхаа өргөөний үйлчлэлд зориулан жил бүр шекелийн гуравны нэгийг хандивлаж байх үүргийг өөрсдөдөө бид хүлээж байна.

³³Энэ нь тавиг талх, байнгын идээн өргөл, байнгын шатаалт тахил, Амралтын өдрүүдийн, шинэ сарын товлосон үеүдэд ариун зүйлсэд болон Израилийн эвлэрүүллийг хийхээр нүглийн тахилд зориулан мөн бидний Бурханы өргөөний бүх ажлын тулд юм.

³⁴Түүнчлэн түлээний хангамжийн төлөө тахилчид, левичүүд болон хүмүүсийн дунд бид шавга хаяж шодов. Энэ нь бидний эцгүүдийн бүлийн дагуу Бурханыхаа өргөөнд түүнийг аваачиж, хуульд бичигдсэн шиг жил бүр тогтоосон цагт Бурхан ЭЗЭНийхээ тахилын ширээн дээр шатаахын тулд билээ.

³⁵Бид жил бүр газрынхаа үр жимсний дээжийг болон мод бүрийн бүх анхны үр жимсийг ЭЗЭНий өргөөнд авчрахыг

³⁶мөн хуульд бичигдсэн шиг Бурханы маань өргөөнд үйлчилж буй тахилчид зориулан, хуульд бичигдсэн шиг хөвгүүдийнхээ ууганыг, малын ууганыг, бод малын болон бог малын анхны төлийг Бурханы өргөөнд аваачихыг үүрэг болгон авч байна.

³⁷Бид мөн зуурсан гурилынхаа дээжийг, өөрсдийн хандивыг, мод бүрийн үр жимсийг, шинэ дарс ба тосыг Бурханы өргөөний өрөөнүүдэд тахилчдад хүргэж өгөх ба левичүүдэд газрынхаа аравны нэгийг өгнө. Учир нь левичүүд бүх тосгоноос аравны нэгийг авах хүмүүс юм.

³⁸Левичүүд аравны нэгийг хүлээж авах үед Аароны хүү болох тахилч нь левичүүдтэй хамт байх ба левичүүд аравны нэгийнхээ аравны нэгийг Бурханы өргөөнд, агуулахын өрөөнүүдэд аваачих ёстой.

³⁹Учир нь Израилийн хөвгүүд болон Левийн хөвгүүд нь үр тарианы, шинэ дарс ба тосны өргөлийг тэр өрөөнүүдэд аваачих ёстой. Тэнд ариун газрын хэрэгсэл мөн үйлчилж буй тахилчид, хаалгачид, дуучид бий. Иймээс бид Бурханыхаа өргөөг орхихгүй” гэв.