Read Ariun Bible 2013 – Ариун Библи 2013 Нехемиа 11 Bible Online

Нехемиа 11 - Ariun Bible 2013 – Ариун Библи 2013 bible

Нехемиа 11

¹Ард түмний удирдагчид нь Иерусалимд амьдрав. Бусад хүмүүсийн арваас нэгийг нь ариун хот Иерусалимд амьдруулахаар шавга орхив. Харин арваас ес нь өөр хотуудад үлдэв.

²Иерусалимд амьдрахаар сайн дураар явсан бүх хүмүүсийг ард түмэн ерөөв.

³Эдгээр нь Иерусалимд амьдарч байсан, аймгуудын тэргүүнүүд юм. Харин Иудагийн хотуудад израильчууд, тахилчид, левичүүд, сүмийн үйлчлэгчид ба Соломоны зарц нарын үр удмынхан өөрсдийн хотуудад хүн бүр өмчлөн авсандаа амьдарч байв.

⁴Иудагийн хөвгүүдийн зарим нь болон Бениамины зарим хөвгүүд Иерусалимд амьдарч байв. Иудагийнхнаас Перезийн ураг удам болох Махалалелын тач, Шефатиагийн дөч, Амариагийн гуч, Зехариагийн ач, Уззиагийн хүү Атаиа,

⁵мөн Шилогийнхноос Зехариагийн хүү Иоиарибын тач, Адаиагийн дөч, Хазаиагийн гуч, Кол-хозегийн ач, Барухын хүү Маасеиа нар байв.

⁶Иерусалимд амьдарч байсан Перезийн хөвгүүд бүгд дөрвөн зуун жаран найман чадварлаг хүн байв.

⁷Бениаминыхнаас Иешаиагийн хүү Итиелийн хөвгүүн Маасеиагийн тач, Колаиагийн дөч, Педаиагийн гуч, Иоедын ач, Мешулламын хүү Саллу,

⁸түүнээс цааш Габбаи, Саллаи[16] гэхчлэн есөн зуун хорин наймуул байв.

⁹Зихрийн хүү Иоел тэдний харгалзагч байсан ба Хассенуагийн хүү Иуда хотын захиргаанд хоёр дахь нь байв.

¹⁰Тахилч нараас Иоиарибын хүү Иедаиа, Иахин,

¹¹Бурханы өргөөний удирдагч, Ахитубын тач, Мераиотын дөч, Задокийн гуч, Мешулламын ач, Хилкиагийн хүү Сераиа болон

¹²сүмийн ажлыг гүйцэтгэдэг тэдний садан төрлийнхөн найман зуун хорин хоёр байв. Мөн Малхиагийн хүү Пашхурын тач, Зехариагийн дөч, Амзийн гуч, Пелалиагийн ач, Иерохамын хүү Адаиа

¹³ба түүний садангийнхан, эцгүүдийн бүлийн тэргүүнүүд хоёр зуун дөчин хоёр байв. Мөн Иммерийн дөч, Мешиллемотын гуч, Ахзаин ач, Азарелын хүү Амашсаи

¹⁴болон тэдний ах дүүс, эрэлхэг дайчид зуун хорин найм байв. Тэднийг харгалзагч нь Хаггедолимын хүү[17] Забдиел байв.

¹⁵Левичүүдээс Буннийн дөч, Хашабиагийн гуч, Азрикамын ач, Хасшубын хүү Шемаиа,

¹⁶Бурханы өргөөний гаднах ажлыг хариуцсан левичүүдийн удирдагчдаас Шаббетаи ба Иозабад,

¹⁷мөн талархлын мөргөлийг эхлүүлэх удирдагч байсан Асафын гуч, Забдийн ач, Микагийн хүү Маттаниа мөн ах дүүсийнхээ дунд хоёр дахь нь болох Бакбукиа мөн Иедутуны гуч, Галалын ач, Шаммуагийн хүү Абда байв.

¹⁸Ариун хот дахь бүх левичүүд нь хоёр зуун наян дөрөв байв.

¹⁹Мөн хаалгачид, Аккуб, Талмон болон гулдан хаалгуудыг манадаг тэдний ах дүүс зуун далан хоёр байв.

²⁰Израилийн бусад нь тахилчид ба левичүүдээс Иудагийн бүх хотуудад, хүн бүр өөрийн өв дээр амьдарч байв.

²¹Харин сүмийн үйлчлэгчид Офелд амьдарч Зиха, Гишпа нар сүмийн үйлчлэгчдийг хариуцаж байв.

²²Иерусалим дахь левичүүдийн харгалзагч нь Бурханы өргөөний үйлчлэлийн дуучид байсан Асафын хөвгүүдээс, Микагийн дөч, Маттаниагийн гуч, Хашабиагийн ач, Банийн хүү Уззи байв.

²³Учир нь тэдний талаар гаргасан хааны тушаал байсан ба дууны удирдагчдад өдөр өдрийн хатуу дүрэм байв.

²⁴Иудагийн хөвгүүн Зерагийн хөвгүүдээс, Мешезабелын хүү Петахиа ард түмний талаарх бүх асуудалд хааны төлөөлөгч болж байв.

²⁵Тариан талбайнуудтай тосгодын хувьд, Иудагийн зарим хөвгүүд Кириат-арба болон түүний тосгодод, Дибон болон түүний тосгодод, Иехабзеел болон түүний тосгодод амьдарч байв.

²⁶Мөн Иешуад, Моладад ба Бет-пелетэд,

²⁷Хазар-шуалд, Беершебад болон түүний гацаануудад,

²⁸Зиклагд, Меконад болон түүний гацаануудад,

²⁹Ен-риммонд, Зорад Иармутад,

³⁰Заноа, Адуллам болон тэдний тосгодод, Лахиш болон түүний талбайнууд, Азека болон түүний гацаануудад байв. Тиймээс тэд Беершебагаас Хинномын хөндий хүртэл хуарагнав.

³¹Бениамины хөвгүүд мөн Гебагаас урагш, Михмаш болон Аиад, Бетел болон түүний гацаануудад амьдрав.

³²Мөн Анатот, Ноб, Ананиа,

³³Хазор, Рама, Гиттаим,

³⁴Хадид, Зебоим, Небаллат,

³⁵Лод ба Онод уран дархчуудын хөндийд байв.

³⁶Мөн левичүүдээс Иуда дахь зарим хэсэг нь Бениаминд харьяалагдав.