Read Ariun Bible 2013 – Ариун Библи 2013 Нехемиа 7 Bible Online

Нехемиа 7 - Ariun Bible 2013 – Ариун Библи 2013 bible

Нехемиа 7

¹Хэрмийг сэргээн босгож, би хавтсуудыг нь байрлуулж, хаалгачид, дуучид, левичүүд томилогдсоны дараа

²би өөрийн дүү Хананийг цайзын жанжин Хананиатай хамт Иерусалимыг хариуцуулахаар тавив. Учир нь тэр итгэмжит хүн бөгөөд бусад олон хүнээс илүүгээр Бурханаас эмээдэг нэгэн байв.

³Тэгээд би тэдэнд —Нар хөөрч, халуу шаттал Иерусалимын гулдан хаалгуудыг бүү онгойлго. Хаалгачдыг харуулд зогсож байх үед нартайд хаалгуудыг хааж, түгжиг! Мөн Иерусалимын оршин суугчдаас харуулд гаргаж, нэг хэсгийг нь манаанд, нөгөөдүүлийг нь өөрийнх нь байшингийн өмнө талд харуулаар томил гэв.

⁴Хот том бөгөөд уудам, харин түүн дотор хүн нь цөөн, байшингууд нь сэргээн босгогдоогүй байв.

⁵Тэгэхэд сурвалжтанууд, түшмэд ба ард иргэдийг удмын бичигт бүртгэхийн тулд цуглуулах санааг миний Бурхан зүрхэнд минь оруулав. Тэгээд би анх ирэгсдийн удмын бичиг номыг олвол тэнд дараах зүйл бичигдсэн нь олдов.

⁶Эдгээр нь Вавилоны хаан Небухаднезарын авч явсан цөллөгийн олзлогдогсдоос ирсэн аймгийн хүмүүс юм. Тэд Иерусалим, Иуда уруу, өөр өөрийн хотод буцаж ирсэн билээ.

⁷Тэд Зеруббабел, Иешуа, Нехемиа, Азариа, Раамиа, Нахамани, Мордехаи, Билшан, Мисперет, Бигваи, Нехум, Баана нартай хамт ирсэн юм. Израилийн ард түмний эрчүүдийн тоо гэвэл

⁸Парошийн хөвгүүд хоёр мянга нэг зуун далан хоёр,

⁹Шефатиагийн хөвгүүд гурван зуун далан хоёр,

¹⁰Арагийн хөвгүүд зургаан зуун тавин хоёр,

¹¹Иешуа ба Иоабын хөвгүүдийн Пахат-моабын хөвгүүд хоёр мянга найман зуун арван найм,

¹²Еламын хөвгүүд мянга хоёр зуун тавин дөрөв,

¹³Заттугийн хөвгүүд найман зуун дөчин тав,

¹⁴Заккаин хөвгүүд долоон зуун жар,

¹⁵Биннуин хөвгүүд зургаан зуун дөчин найм,

¹⁶Бебаин хөвгүүд зургаан зуун хорин найм,

¹⁷Азгадын хөвгүүд хоёр мянга гурван зуун хорин хоёр,

¹⁸Адоникамын хөвгүүд зургаан зуун жаран долоо,

¹⁹Бигваин хөвгүүд хоёр мянга жаран долоо,

²⁰Адины хөвгүүд зургаан зуун тавин тав,

²¹Хезекиагийн, Атерын хөвгүүд ерэн найм,

²²Хашумын хөвгүүд гурван зуун хорин найм,

²³Безаин хөвгүүд гурван зуун хорин дөрөв,

²⁴Харифын хөвгүүд зуун арван хоёр,

²⁵Гибеоны хөвгүүд ерэн тав,

²⁶Бетлехем ба Нетофагийн эрчүүд зуун наян найм,

²⁷Анатотын эрчүүд зуун хорин найм,

²⁸Бет-азмаветын эрчүүд дөчин хоёр,

²⁹Кириат-иеарим, Хефира ба Бееротын эрчүүд долоон зуун дөчин гурав,

³⁰Рама ба Гебагийн эрчүүд зургаан зуун хорин нэг,

³¹Михмасын эрчүүд зуун хорин хоёр,

³²Бетел ба Аин эрчүүд зуун хорин гурав,

³³өөр Небогийн эрчүүд тавин хоёр,

³⁴өөр Еламын хөвгүүд мянга хоёр зуун тавин дөрөв,

³⁵Харимын хөвгүүд гурван зуун хорь,

³⁶Иерихогийн эрчүүд гурван зуун дөчин тав,

³⁷Лод, Хадид, Оногийн хөвгүүд долоон зуун хорин нэг,

³⁸Сенаагийн хөвгүүд гурван мянга есөн зуун гуч байв.

³⁹Тахилч нар нь Иешуагийн гэрийн Иедаиагийн хөвгүүд есөн зуун далан гурав,

⁴⁰Иммерийн хөвгүүд мянга тавин хоёр,

⁴¹Пашхурын хөвгүүд мянга хоёр зуун дөчин долоо,

⁴²Харимын хөвгүүд мянга арван долоо байв.

⁴³Левичүүд нь Ходевагийн хөвгүүдээс, Иешуа ба Кадмиелын хөвгүүд далан дөрөв байв.

⁴⁴Дуучид нь: Асафын хөвгүүд зуун дөчин найм байв.

⁴⁵Хаалгачид нь Шаллумын хөвгүүд, Атерын хөвгүүд, Талмоны хөвгүүд, Аккубын хөвгүүд, Хатитагийн хөвгүүд, Шобаин хөвгүүд зуун гучин найм байв.

⁴⁶Сүмийн үйлчлэгчид нь Зихагийн хөвгүүд, Хасуфагийн хөвгүүд, Таббаотын хөвгүүд,

⁴⁷Керосын хөвгүүд, Сиагийн хөвгүүд, Падоны хөвгүүд,

⁴⁸Лебанагийн хөвгүүд, Хагабагийн хөвгүүд, Шалмаин хөвгүүд,

⁴⁹Хананы хөвгүүд, Гидделийн хөвгүүд, Гахарын хөвгүүд,

⁵⁰Реаиагийн хөвгүүд, Резиний хөвгүүд, Некодагийн хөвгүүд

⁵¹Газзамын хөвгүүд, Уззагийн хөвгүүд, Пасеагийн хөвгүүд,

⁵²Бесаин хөвгүүд, Меунимийн хөвгүүд, Нефушесимийн хөвгүүд,

⁵³Бакбукийн хөвгүүд, Хакуфагийн хөвгүүд, Хархурын хөвгүүд,

⁵⁴Базлитын хөвгүүд, Мехидагийн хөвгүүд, Харшагийн хөвгүүд,

⁵⁵Баркосын хөвгүүд, Сисерагийн хөвгүүд, Темагийн хөвгүүд,

⁵⁶Незиагийн хөвгүүд, Хатифагийн хөвгүүд юм.

⁵⁷Соломоны зарц нарын хөвгүүд нь: Сотаин хөвгүүд, Соферетын хөвгүүд, Перидагийн хөвгүүд,

⁵⁸Иаалагийн хөвгүүд, Дарконы хөвгүүд, Гидделийн хөвгүүд,

⁵⁹Шефатиагийн хөвгүүд, Хаттилын хөвгүүд, Похерет-хаззебаимын хөвгүүд, Амоны хөвгүүд юм.

⁶⁰Сүмийн бүх үйлчлэгч ба Соломоны зарц нарын хөвгүүд бүгд гурван зуун ерэн хоёр байв.

⁶¹Тел-мела, Тел-харша, Херуб, Аддон болон Иммерээс ирсэн дараах хүмүүс нь Израилийнх мөн эсэхээ, угсаа удамшил, эцгүүдийнхээ гэрийн тухай баталгаагаа гаргаж чадаагүй бөгөөд тэд нь

⁶²Делаиагийн хөвгүүд, Тобиагийн хөвгүүд, Некодагийн хөвгүүд зургаан зуун дөчин хоёр байв.

⁶³Тахилч нарын хөвгүүдээс Хобаиагийн хөвгүүд, Хаккозын хөвгүүд, гилеад хүн Барзиллаин охидоос эхнэр авч, тэдний нэрээр нэрлэгдэх болсон Барзиллаин хөвгүүд юм.

⁶⁴Тэд өөрсдийгөө удмын бичигт тэмдэглэгдсэнийг хайсан ч олоогүй тул бузар гэж тооцогдон тахилчийн албанаас хасагдав.

⁶⁵Урим ба Туммимтэй тахилч гарч ирэхээс нааш тэд ариунаас ариун зүйлсээс идэж болохгүйг захирагч тэдэнд хэлсэн билээ.

⁶⁶Бүх чуулганд нийтдээ дөчин хоёр мянга гурван зуун жаран хүн байжээ.

⁶⁷Тэдний зарц шивэгчингүүдээс гадна тэд долоон мянга гурван зуун гучин долуул байв. Мөн тэдэнд хоёр зуун дөчин таван эрэгтэй, эмэгтэй дуучид байв.

⁶⁸Тэдний морьд нь долоон зуун гучин зургаа, луус нь хоёр зуун дөчин тав,

⁶⁹тэмээ нь дөрвөн зуун гучин тав, илжиг нь зургаан мянга долоон зуун хорь байв.

⁷⁰Эцгийн бүлийн тэргүүнүүдийн дундаас зарим нь ажилд зориулан хандивлажээ. Захирагч мянган алтан драхма, тавин сав, таван зуун гучин тахилч нарын хувцас эрдэнэсийн санд өгчээ.

⁷¹Эцгийн бүлийн зарим тэргүүлэгчид ажлын санд хорин мянган алтан драхма, хоёр мянга хоёр зуун мөнгөн маанэ өгөв.

⁷²Үлдсэн хүмүүсийн өгсөн зүйлс хорин мянган алтан драхма, хоёр мянган мөнгөн маанэ ба жаран долоон тахилчийн хувцас байв.

⁷³Тэгээд тахилч нар левичүүд мөн хаалгачид, дуучид, зарим ардууд, сүмийн үйлчлэгч нар ба бүх Израиль ч бас өөр өөрсдийн хотуудад амьдарцгаав. Тэгээд долдугаар сар болоход Израилийн хөвгүүд өөрсдийн хотууддаа сууж байлаа.