Read Ariun Bible 2013 – Ариун Библи 2013 Иов 11 Bible Online

Иов 11 - Ariun Bible 2013 – Ариун Библи 2013 bible

Иов 11

¹Дараа нь наамат хүн Зофар хариулан

²—Олон үг хариулагдалгүй урсаж, Олон үгт хүн зөвтгөгдөх үү?

³Хоосон яриа чинь бусдын дууг хорьж, Хэнд ч чи зэмлүүлэлгүйгээр тохуурхах нь уу?

⁴Учир нь чи “Миний сургаал цэвэр бөгөөд би Бурханы нүдэнд цэвэр билээ” гэсэн.

⁵Харин одоо Бурхан ярих болтугай, чиний төлөө уруулаа нээж,

⁶чамд мэргэн ухааны нууцуудыг үзүүлэг! Учир нь жинхэнэ мэргэн ухаан өргөн юм. Тэгээд ч Бурхан чиний хилэнцийн Зарим хэсгийг нь мартдаг болохыг мэдтүгэй.

⁷Бурханы гүн гүнзгийг чи олж чадах уу, Төгс Хүчит Нэгэний хязгаарыг чи олж чадах уу?

⁸Тэнгэрээс ч өндөр тул Чи хэрхэх билээ? Үхэгсдийн орноос ч гүн учир Чи юу мэдэх вэ?

⁹Газар дэлхийгээс ч урт, Тэнгисээс ч өргөн хэмжүүртэй билээ.

¹⁰Хэрэв Тэр өнгөрөн явбал, Тэрээр хааж, чуулганыг цуглуулна. Хэн Түүнийг хориглож чадах вэ?

¹¹Зохисгүй хүмүүсийг Тэр мэддэг агаад Ёс бусыг харчихаад анхаарахгүй байна гэж байх уу?

¹²Харин зэрлэг илжигний дудран хүн шиг болвол л Мунхаг хүн ухаан олох нь магад.

¹³Хэрэв чи зүрхээ зөв залвал, Түүн өөд гараа сунгана.

¹⁴Чиний гарт ёс бус нь байвал тэдгээрийг хол зайлуулж, майхнууддаа хорон мууг бүү байлга.

¹⁵Тэгвэл чи үнэхээр царай дээгүүр өө зэмгүй явна, Чи бат бөх болж, айхгүй болно.

¹⁶Чи зовлонг мартах бөгөөд урсан одох ус мэт энэ нь санагдах болно.

¹⁷Амьдрал чинь жин үдээс ч илүү хурц гэрэлтэй болж, Харанхуй ч өглөө мэт байх болно.

¹⁸Тэгээд, найдвар бий учраас чи итгэлтэй болж, Чи хамгаалагдан, аюулгүйгээр амрах болно.

¹⁹Түйвэргэх зүйлгүйгээр чи хэвтэнэ, Олон хүн чиний тааллыг эрнэ.

²⁰Харин гэм буруутнуудын нүд сүүмийж, тэдэнд зугтах газар ч олдохгүй. Эцсийнх нь амьсгал тэдний найдвар нь болно гэв.