Read Ariun Bible 2013 – Ариун Библи 2013 Иов 16 Bible Online

Иов 16 - Ariun Bible 2013 – Ариун Библи 2013 bible

Иов 16

¹Тэгэхэд Иов хариулж,

²—Иймэрхүү юм би олонтаа сонссон билээ. Та нар бүгд мөн ч хөөрхийлөлтэй тайтгаруулагчид юм.

³Агаар мэт үгэнд хязгаар бий юу? Асаж яриад байгаагийн чинь учир нь юу вэ?

⁴Та нар миний оронд байсан бол Та нар шиг ярьж би бас чадах байсан, Чиний эсрэг хэдэн үг хэлхэж Чиний дээр толгойгоо сэгсэрч чадах байсан.

⁵Амаараа би та нарыг хүчирхэгжүүлж, уруулынхаа тайвшрууллаар зовлонг чинь нимгэлэх байсан.

⁶Намайг ярилаа гээд өвчин минь багасахгүй, Намайг болилоо гэхэд үүнээс хэр их багасах вэ?

⁷Харин одоо Тэр намайг сульдаалаа. Бүх нөхөрлөлийг минь Та хоосон болголоо.

⁸Та намайг хатааж хорчийлгон, энэ нь миний эсрэг гэрч болжээ. Миний доройтол миний эсрэг боссон бөгөөд энэ нь нүүрэн дээр минь гэрчилнэ.[25]

⁹Түүний хилэн намайг тасчин ангуучилж, Тэр над уруу шүдээ хавирав. Өстнүүд минь нүдээ хурцлав.

¹⁰Тэд амаа над уруу ангайлгаж, Зэвүүцлээр хацар дээр минь занчиж, Миний эсрэг бөөгнөрсөн билээ.

¹¹Бурхан намайг гажсан хүмүүсийн саварт зөнд нь орхиж, Гэм буруутнуудын гарт тушаав.

¹²Амарлингуй байхад минь Тэр намайг хага цохиж, Хүзүүн дээрээс минь зууран авч, Намайг хэсэг болгон буталж, Тэр намайг байгаа болгожээ.

¹³Түүний сумнууд намайг хүрээлэв. Тэрээр бөөрийг минь өрөвдөлгүйгээр хоёр хуваан, Тэрээр цөсийг минь газарт асгав.

¹⁴Намайг дахин дахин Тэр сэглэв. Дайчин мэт над уруу Тэр довтлов.

¹⁵Арьсан дээгүүрээ таар оёж, эврээ шороонд шаав.

¹⁶Уйлснаас болж нүүр минь улайж, Зовхинд минь үхлийн харанхуй татав.

¹⁷Гэсэн хэдий ч миний гарт хүчирхийлэл байхгүй бөгөөд Залбирал минь цэвэр билээ.

¹⁸Өө, газар дэлхий, цусыг минь бүү далдал, Гаслах дуунд минь байх газар бүү үлдэг!

¹⁹Одоо ч, харагтун, Миний гэрч тэнгэрт, Миний гэрчлэгч өндөрт байна.

²⁰Найзууд минь намайг тохуурхана. Нулимстай нүд минь Бурханыг харна.

²¹Хүний хөвгүүд хөршийнхөө төлөө хандах адил Хэн нэгэн миний төлөө Бурханаас гуйдаг ч болоосой!

²²Хэдхэн жил өнгөрөхөд л Эргэлтгүй замаар би явж одно.