Read Ariun Bible 2013 – Ариун Библи 2013 Иов 17 Bible Online

Иов 17 - Ariun Bible 2013 – Ариун Библи 2013 bible

Иов 17

¹Сүнс минь бачимдаж, өдрүүд минь гүйцэж, Булш л надад хэдийнээ бэлтгэгджээ.

²Эргэн тойронд минь дүүрэн тохуурхал, Нүд минь тэдний дайсагнал дээр бэлчинэ.

³Одоо, Өөрийнхөө өмнө миний төлөө барьцааг тавиач. Миний батлан даагч болох хэн байна вэ?

⁴Та тэдний зүрх сэтгэлийг Ухаарлаас нуусан учраас Та тэднийг өргөхгүй.

⁵Олзны төлөө нөхрийнхөө эсрэг мэдүүлгэ өгөгчийн үр хүүхдүүдийн нүд сульдах болно.[26]

⁶Гэвч Тэр намайг хүмүүсийн ёгт үг болгосон бөгөөд Нүүр өөдөө нулимуулагч нь би болов.

⁷Уй гашуугаас болж нүд минь ч улам бүүдийж, Бүх мөч минь сүг сүүдэр шиг болов.

⁸Зөв шударга хүмүүс үүнийг хараад цочирдож, Гэмгүй нэг нь сүсэг бишрэлгүйчүүдэд бухимдана.

⁹Гэсэн ч зөвт нэгэн замаа хөөн явж, Гар цэвэр нэгэн улам хүчирхэг болон өсөх ажээ.

¹⁰Харин та нар дахин заавал ирээрэй, Мэргэн нэгнийг та нарын дундаас үл олно, би.

¹¹Миний хоногууд өнгөрөн одож, миний санаанууд, бүр зүрхний минь хүслүүд ч тасран үгүй болов.

¹²Тэд харанхуй орчинд “Гэрэл ойрхон байна” гэж шөнийг өдөр болгодог аж.

¹³Хэрэв би Үхэгсдийн орныг гэрээ гэж харвал, Хэрэв би өөрийнхөө орыг харанхуйд засвал

¹⁴Нүхийг “Эцэгээ” Өтийг “Ээж, эгчээ” гэвэл

¹⁵Найдвар минь тэгээд хаана байх вэ? Найдварыг минь хүн олж харах уу?

¹⁶Энэ нь Үхэгсдийн орон уруу доош унах уу? Эцэстээ бид хамтдаа шороо тоос болох уу?[27]