Read Ariun Bible 2013 – Ариун Библи 2013 Иов 18 Bible Online

Иов 18 - Ariun Bible 2013 – Ариун Библи 2013 bible

Иов 18

¹Дараа нь шух хүн Билдад хариулж

²—Үгсийн араас чи хэр удаан хөөцөлдөх вэ? Үүнийгээ тунгаагаач, тэгвэл бид ярилцана.

³Юунд бидний үхэр мэт гэж бодно вэ? Яагаад бид нүдэнд чинь мулгуу мэт болоо вэ?

⁴Уурандаа өөрийгөө тасчих чамаас болж газар дэлхий хоосорч, хад чулуу байрнаасаа хөдлөх үү?

⁵Үнэндээ гэм буруутны гэрэл бөхөж, Галын дөл нь гэрэлтдэггүй юм.

⁶Түүний майхан дахь гэрэл харанхуйлж, түүн дээрх дэнлүү нь унтардаг юм.

⁷Түүний хүч тэнхээтэй алхаа саарч, хорон санаа нь түүнийг унагаадаг юм.

⁸Учир нь тэрээр хөлөөрөө торонд унагаагдсан бөгөөд тэрээр сараалжин урхин дээр алхдаг аж.

⁹Занганд өсгийгөөрөө орж, Хавханд тэрээр урхидуулдаг юм.

¹⁰Түүнийг оосорлох гогцоо газарт далдлагдсан бөгөөд Түүний урхи замд нь отох бөлгөө.

¹¹Гэнэтийн аймшгууд тал бүрээс нь түүнийг айлгаж, алхам тутамд нь түүнийг яаруулна.

¹²Өлсгөлөн хүч чадлыг нь залгиж, Зовлон гамшиг хажууд нь бэлэн байх аж.

¹³Арьс нь өвчинд идэгдсэн бөгөөд Үхлийн ууган хүү үе мөчүүдийг нь иддэг аж.

¹⁴Тэрээр майхныхаа хамгаалалтаас таслагдан Аюумшгийн хааны өмнө хүргэгддэг.

¹⁵Майханд нь түүний гэх юм нэг ч үлдэхгүй[28] бөгөөд Сууцанд нь хүхэр[29] цацагддаг билээ.

¹⁶Доороосоо түүний үндэс хатаж, Дээрээсээ түүний мөчир ганддаг.

¹⁷Газар дэлхийгээс түүний дурсамж үгүй болж, Түүний нэр хаана ч байхгүй болдог.

¹⁸Тэрээр гэрлээс харанхуй уруу хөөгдөж, Ертөнцөөс зайлуулагддаг ажээ.

¹⁹Тэрээр өөрийн ард түмний дунд үр ч үгүй, үеэл хаяал ч үгүй, Түр амьдарсан газар нь үлдэх хүн ч үгүй.

²⁰Энэхүү хувь заяа өрнийнхнийг айлгаж Тэрхүү аймшиг дорнынхныг нөмөрдөг.

²¹Энэ мэтээр хорон муу хүн амьдран Тэр мэтээр Бурханыг үл мэдэгч нь төгсөнө.