Read Ariun Bible 2013 – Ариун Библи 2013 Иов 20 Bible Online

Иов 20 - Ariun Bible 2013 – Ариун Библи 2013 bible

Иов 20

¹Дараа нь наамат хүн Зофар хариулан

²—Доторх түгшүүрээсээ болоод Бодлууд минь намайг хариулахыг шаардаж байна.

³Намайг доромжилсон зэмлэлийг би сонслоо, Харин ухаарал ойлголтын минь сүнс надад хариулдаг.

⁴Дэлхий дээр хүн тавигдсан аль эртнээс Үүнийг чи мэдээгүй юу?

⁵Гэм буруутнуудын баяр хөөр зуурдынх Сүсэг бишрэлгүйчүүдийн баясгалан хормынх гэдгийг?

⁶Хэдийгээр түүний ихэмсэг байдал тэнгэрт тулж, Толгой нь үүлсэд хүрдэг ч,

⁷Тэрээр баастайгаа адил үүрд мөхдөг юм. Түүнийг харсан хүмүүс “Тэр хаана байна вэ?” хэмээн өгүүлнэ.

⁸Тэрээр зүүд мэт нисэн оддог бөгөөд Шөнийн үзэгдэл мэтээр тэрээр замхарч алга болно.

⁹Түүнийг харсан нүд түүнийг дахин хардаггүй бөгөөд Орон байр нь ч түүнийг дахин үздэггүй.

¹⁰Хөвгүүд нь ядуусаас тааллыг хайж, Өөрийнх нь гар эд баялгаа буцааж өгнө.

¹¹Түүний яснууд залуу насных нь чадал тэнхээгээр дүүрэн байгаа боловч Тэдгээр нь түүний хамт шороонд хэвтдэг буюу.

¹²Хэдийгээр бузар муу нь түүний аманд амттай байж, Хэлэн дороо тэрээр түүнийг нууцлан

¹³түүнийг хүсэж, эс явуулах агаад Амандаа түүнийг хадгалавч

¹⁴Тэр хоол нь ходоодон дотор нь хувирч, Хорт могойн цөс болно, дотор нь.

¹⁵Тэрээр баялгийг залгивч Бөөлжин гаргах болно. Бурхан гэдэснээс нь үүнийг гаргана.

¹⁶Тэрээр хорт могойн хорыг сорж, Хорт могойн хэл түүнийг ална.

¹⁷Зөгийн бал болон цөцгийгөөр[33] цалгих урсгал, голыг тэрээр харахгүй.

¹⁸Тэрээр олж авснаа буцаадаг бөгөөд залгихгүй. Олж авсан баялагтаа тэрээр баярлаж ч чадахгүй.

¹⁹Учир нь тэрээр ядуусыг умартан дарласан билээ. Тэр өөрийн барьж босгоогүй гэрийг эзлэн авсан билээ.

²⁰Тэрээр дотоод тайван байдлыг мэдэхгүй учраас Хүссэн юугаа ч эс хадгалж үлдэнэ.

²¹Түүнд залгих юу ч үлддэггүй, Тиймээс түүний тансаглал тогтворгүй.

²²Элбэг хангалуундаа ч тэрээр давчдах болно. Зовлонт хүн бүрийн гар түүний дээр бууна.

²³Түүнийг гэдсээ дүүргэх үед Бурхан дүрэлзсэн хилэнгээ түүнд илгээх бөгөөд Идшин дээр нь энэ нь цутгана.

²⁴Төмөр илднээс дайжиж чадсан түүнийг Хүрэл зэвт сум цоо хатгана.

²⁵Түүнийг сугалж нуруунаас нь гаргахад Цөснөөс нь гялбаан мэт гараад Айдас хүйдэс түүн дээр бууна.

²⁶Бүрэн харанхуй түүний эрдэнэсийг нөмөрсөн бөгөөд Унтаршгүй гал түүнийг залгина. Тэр гал түүний майханд үлдэгсдийг залгина.

²⁷Тэнгэр түүний хилэнцийг илчилж, Газар дэлхий түүний эсрэг босох болно.

²⁸Гэрийнх нь үр жимс зайлуулагдаж Бурханы хилэнгийн өдөр урсаж одох болно.

²⁹Энэ нь гэм буруутанд Бурханаас өгөх хувь болоод Бурханаар түүнд тогтоогдсон өв залгамжлал мөн гэв.