Read Ariun Bible 2013 – Ариун Библи 2013 Иов 23 Bible Online

Иов 23 - Ariun Bible 2013 – Ариун Библи 2013 bible

Иов 23

¹Тэгэхэд Иов хариулан

²—Өнөөдөр ч гэсэн гомдлол минь гашуун байна. Ёолохыг минь харгалзахгүйгээр Түүний мутар хүнд байна.

³Түүний сэнтийд очихын тулд би, Түүнийг хаанаас олж болохыг мэддэг ч болоосой!

⁴Түүний өмнө би хэргээ танилцуулж, Амаа өмгөөллүүдээр дүүргэхсэн.

⁵Хариулах үгсийг нь би мэдэж, Айлдахыг нь сонсохсон.

⁶Тэрээр хүч чадлын аугаагаараа надтай тэмцэлдэх байсан уу? Үгүй, Тэрээр заавал надад анхаарал тавихсан.

⁷Тэгвэл зөв шударга хэн боловч Түүнтэй мэтгэлцэхсэн. Би ч өөрийн Шүүгчээс мөнхөд чөлөөлөгдөхсөн.[37]

⁸Үзэгтүн, би урагш явдаг боловч Тэр алга, хойш явавч би Түүнийг ажиглаж чаддаггүй.

⁹Тэрээр зүүн талд ажиллахад би үзэж чаддаггүй. Тэрээр баруун тал уруу эргэхэд би Түүнийг харж чаддаггүй.

¹⁰Гэвч Тэр миний замыг мэддэг. Тэр намайг шалгасан бөгөөд би алт мэт урагш гарч ирнэ.

¹¹Түүний замаар хөл минь бат замнаж Түүний замыг би сахиж, хажуу тийш хазайсангүй.

¹²Түүний уруулын тушаалаас би холдоогүй. Түүний амнаас гардаг үгсийг би өөрт минь хэрэгтэй хоолноос ч илүүгээр нандигнасан.

¹³Гэвч ганцаар зогсогч Түүнийг хэн саатуулах вэ? Сэтгэлдээ хүссэнээ Тэрээр үйлддэг билээ.

¹⁴Надад товлогдсон зүйлсээ Тэр хэрэгжүүлдэг бөгөөд Үүнээс гадна олон зүйл Түүний санаанд буй.

¹⁵Тиймээс Түүний оршихуйн өмнө би айдаг. Эргэцүүлэх бүрдээ би Түүнээс эмээнэ.

¹⁶Зүрхийг минь Бурхан доройтуулсан бөгөөд Төгс Хүчит Нэгэн намайг түгшээсэн билээ.

¹⁷Гэсэн ч харанхуйд ч, намайг нөмөрдөг гүн харанхуйд ч би дуугүй байхгүй.