Read Ariun Bible 2013 – Ариун Библи 2013 Иов 26 Bible Online

Иов 26 - Ariun Bible 2013 – Ариун Библи 2013 bible

Иов 26

¹Тэгэхэд Иов хариулж,

²—Сул нэгэнд чи юутай их тусламж вэ! Хүчгүй болсон гарыг чи хэрхэн аврав аа!

³Мэргэн бус нэгэнд чи ямар үнэт зөвлөгөө өгөв өө! Ямар хэрэгтэй билэг ухааныг чи өгөөмрөөр өгөв өө!

⁴Хэнд чи үгсийг хэлсэн бэ? Хэний сүнс чамаар дамжуулж ярив?

⁵Усны доороос үхэгсдийн сүнснүүд усанд амьдрагсдын хамтаар чичирдэг.[39]

⁶Түүний өмнө Үхэгсдийн орон нүцгэн бөгөөд Сүйрлийн газар ч хучигдаж халхлагдаагүй.

⁷Элчилгүй хоосон дээр умардыг Тэрээр дэлгэж, Эзгүй хоосон дээр газар дэлхийг өлгөдөг.

⁸Ус чийгийг зузаан үүлс дотроо Тэрээр цуглуулдаг боловч усан доор үүлс задарч унадаггүй.

⁹Тэрээр сэнтийнхээ царайг халхалж, дээгүүр нь үүлсээ дэлгэдэг.

¹⁰Гэрэл хийгээд харанхуйн хил зааг дээр Тэрээр усны мандал дээр тойргийг зурав.

¹¹Түүнийг зэмлэхэд тэнгэрийн багананууд ганхаж, гайхацгаадаг.

¹²Тэр хүчээрээ далай тэнгисийг номхруулж,[40] Өөрийн ойлголтоор тэрээр Рахабыг[41] бут цохисон.

¹³Түүний амьсгалаар тэнгэр цэлмэдэг. Зугтагч могойг[42] тэрээр мутраараа цоо хатгав.

¹⁴Харагтун, Түүний замуудын өчүүхэн нь энэ юм. Түүний талаар бидний сонсдог үг ямар амархан бэ! Гэвч Түүний хүчит нүргээнийг хэн ойлгож чадах вэ? гэв.