Read Ariun Bible 2013 – Ариун Библи 2013 Иов 31 Bible Online

Иов 31 - Ariun Bible 2013 – Ариун Библи 2013 bible

Иов 31

¹Нүдтэйгээ би гэрээ хийсэн билээ. Тэгээд яаж би онгон охиныг хүсэмжлэн харж чадах билээ?

²Дээр буй Бурханаас надад хувь харамж, Өндөрт буй Төгс Хүчит Нэгэнээс өв залгамжлал юу байв?

³Зөвт бус нэгэнд гай гамшиг, Ёс бусыг үйлдэгсдэд харшлах аюул ирдэг бус уу?

⁴Замуудыг минь Та хардаггүй гэж үү? Алхам бүрийг минь Та тоолоогүй гэж үү?

⁵Хуурмагтай би хамт алхсан бол Хөл минь заль мэх уруу яарч байсан бол

⁶Зөв шударга жингээр жинлэ, намайг Хоёргүй үнэнчийг минь Бурхан мэдэх болно.

⁷Алхам минь зөв замаас гарч Зүрх минь миний нүдийг дагаж, Гарт минь аливаа толбо наалдсан бол

⁸Тарьсан минь өөр хүний хоол болог, Тийм ээ, цухуйх үр тариа минь үндсээрээ сугараг.

⁹Хэрэв зүрх минь өөр эмэгтэйд уруу татагдаж, Хөршийнхөө үүдэнд би отон хүлээсэн бол

¹⁰Миний эхнэр өөр хүнийг хооллох тариаг тээрэмдэг, Өөр эрчүүд түүн дээр орог.

¹¹Ингэсэн бол энэ нь булай гэмт хэрэг агаад Шүүхээр шийтгүүлэх хилэнц болох байсан.

¹²Энэ нь Сүйрлийн газарт хүргэтэл шатаадаг гал бөгөөд Байгаа бүхнийг минь үндсээр нь устгах байсан.

¹³Миний эсрэг гомдоллох боол эсвэл шивэгчнийхээ заргыг би үл тоомсорлосон бол

¹⁴Бурхан миний эсрэг босох аваас би хэрхэх билээ? Тэр намайг дэнсэлсэн бол би Түүнд юу гэж хариулах билээ?

¹⁵Хэвлий дотор намайг бүтээсэн Тэр, тэднийг ч бас тэгсэн бус уу? хэвлий дотроо хэлбэр адилхан бүрэлдсэн бус уу?

¹⁶Хэрэв ядуусыг би хүслээс нь татгалзуулж, бэлэвсэн эмэгтэйн нүдийг цөхрөлд учруулж,

¹⁷Өнчин нэгэн идээгүй байхад өөрийн хувийг ганцаараа идсэн бол

¹⁸(залуу наснаасаа би түүнийг эцэг шиг нь өсгөсөн бөгөөд эхийнх нь хэвлийнээс авахуулан тэр эмэгтэйг би удирдсан билээ),[48]

¹⁹Хэрэв хувцасгүйгээс болж үхэж буй нэгнийг ядуугаасаа болоод нөмрөх юм юу ч үгүйг би харсан хэр нь

²⁰Миний хонины нэхийд тэрээр дулаацаагүй бол түүний бэлхүүс намайг ерөөгөөгүй бол,

²¹хэрэв гулдан хаалган дээр дэмжлэг буйг хараад өнчин хүний эсрэг би гараа далайсан бол

²²Мөр минь ар нуруунаасаа сугараг гар минь тохойгоороо хугараг.

²³Учир нь Бурханаас ирдэг гай гамшиг надад аймшиг бөгөөд Түүний сүр хүчээс болж би юу ч хийж чадахгүй байх байсан.

²⁴Хэрэв би найдвараа алтанд тавьж, шижир алтанд “Чи миний баталгаа” гэж хэлсэн бол,

²⁵Баялаг минь агуу учраас мөн гар минь ихийг хурааснаас болж би баярладаг байсан бол,

²⁶Хэрэв гэрэлтэн байхад нь нарыг, сүр жавхлантайгаар өнгөрөхөд нь сарыг би хараад,

²⁷Зүрх минь нууцханаар уруу татагдан гараа үнссэн бол,

²⁸Энэ ч гэсэн шийтгэгдвэл зохих хилэнц болж болохсон. Учир нь би дээр буй Бурханыг үгүйсгэсэн хэрэг болохсон.

²⁹Хэзээ би дайсныхаа сүйрэлд баярлаж, түүнд ёрын муу юм тохиолдоход хөөрч байлаа?

³⁰Амийг нь авах гэж хараал гуйхыг Амандаа би зөвшөөрч байгаагүй.

³¹“Махнаас нь цадатлаа идсэн ч болоосой!” гэж Майханд минь зочлогсдоос хэлсэн гэж үү?

³²Явуулын хүн гадаа хонож байсангүй, Хаалгуудаа би аянчдад нээсэн.

³³Гэмт үйлдэлээ би өвөртөө нууж Хилэнц нүглээ Адам шиг хааж халхалсан уу?

³⁴Би олон түмнээс сүрдэж, өрх гэрүүдийн жигшил намайг айлгасанд би дуугаа хураан үүдээр гарахгүй байсан удаа бий юу?

³⁵Өөрийг минь сонсдог нэг ч гэсэн хүн байгаасай! Үзэгтүн, гарын тэмдгээрээ үүнийг би баталж байна. Төгс Хүчит Нэгэн надад хариулаг! Намайг буруутгагчийн шүүсэн баримт байсан ч болоосой,

³⁶Мөрөндөө үүрч, титэм адил өөртөө зүүх байсан.

³⁷Би Түүнд алхмуудаа тоо ёсоор мэдүүлж, Жонон хүн шиг Түүнтэй тулан учрахсан.

³⁸Хэрэв миний эсрэг нутаг минь хашхирч, хагалсан шангууд нь уйлсан бол,

³⁹Хэрэв би тэндэхийн үр жимсийг үнэгүйгээр идэж эзэмшигчдийнх нь амь насыг хорооход хүргэсэн бол,

⁴⁰Буудайн оронд өргөст бутнууд, арвайн оронд шарилж ургаг гэв. Ингээд Иовын үг барагджээ.