Read Ariun Bible 2013 – Ариун Библи 2013 Иов 37 Bible Online

Иов 37 - Ariun Bible 2013 – Ариун Библи 2013 bible

Иов 37

¹Үүнд ч гэсэн зүрх минь чичирч, хөдөлдөг.

²Түүний дуу хоолойн аянгыг, амнаас нь гарах нижигнээнийг сонсон сонсогтун.

³Тэрээр бүхий л тэнгэрийн дор үүнийгээ удирдаж, Дэлхийн зах хязгаар уруу аянга гялбаа тархдаг.

⁴Араас нь дуу хүнгэнэдэг. Тэр сүр жавхлант дуу хоолойгоор аянга буулгаж, Дуу нь сонсогдоход Тэрээр гялбаагаа хорьдоггүй.

⁵Бурхан дуу хоолойгоороо гайхамшигтайгаар аянга буулгадаг Бидний ухаарч чадахгүй агуу зүйлсийг үйлддэг.

⁶Тэрээр цасанд “Газарт уна” хэмээдэг Шиврээ бороо, хүчит аадарт ч ийн хэлдэг.

⁷Тэрээр хүн бүрийн гарыг тамгалдаг нь Бүх хүнд[52] ажилаа таниулахын тулд болой.

⁸Тэгэхэд араатнууд үүр нүхэндээ орж, байр байрандаа хэвтдэг бөлгөө.

⁹Өмнөдөөс хуйлрах салхи, умард зүгээс хүйтэн агаар ирдэг.

¹⁰Бурханы амьсгалаар мөс бий болж, усны мандал хөлдөн тэгширдэг.

¹¹Тэрээр өтгөн үүлсийг ч чийгээр дүүргэж, Тэрээр аянга гялбаатай үүлсээ тархаадаг.[53]

¹²Түүний заавраар тэр нь тойрон эргэж, ертөнц даяар, дэлхийн гадаргуу дээр тушаах бүхнийг нь хийхийн тулд болой.

¹³Саваадахын тулд, эсвэл газартаа зориулаад, эсвэл хайр энэрлийн төлөө Тэр үүнийг учруулдаг.

¹⁴Иов оо, үүнийг сонс. Ирж зогсоод, Бурханы гайхамшгуудыг эргэцүүл.

¹⁵Бурхан тэдгээрийг хэрхэн томилж, Үүлсээ хэрхэн гялбуулдгийг та мэдэх үү?

¹⁶Өтгөн үүлсийн агаарт хөвөхийг, мэдлэгээр төгс Нэгэний гайхамшгуудыг чи мэдэх үү?

¹⁷Өмнө зүгээс газар дэлхийг тавирахад Өмсгөл чинь халууддаг бус уу?

¹⁸Цутгамал толь шиг бат бөх тэнгэрийг чи Түүнтэй хамт дэлгэлцэж чадах уу?

¹⁹Түүнд юу гэж хэлэхийг бидэнд зааж өгөөч. Түнэр харанхуйд тэмтчиж байгаа билээ, бид.

²⁰Ярьж байгаагаа би Түүнд мэдэгдэх үү? Ямар хүн залгиулах гэж хүсэж байлаа?

²¹Салхи өнгөрөхдөө үүлсийг сарниулах үед Тэнгэрт тодрох гэрлийг хүмүүс харж чаддаггүй,

²²Умардаас алт мэт гэрэлтэх сүр жавхлан гарч ирж, Бурханы эргэн тойронд аймшиг төрөм цог жавхлан байдаг.

²³Төгс Хүчит Түүнийг бид олж чаддаггүй. Тэрээр хүчээр болон шударга шүүлтээр төгс, зөвт байдлаар бялхам. Тэрээр харгис хатуу хандахгүй.

²⁴Иймээс мөхөгсөд Түүнээс эмээдэг. Өөрийгөө мэргэн зүрхтэй гэж бодогчдыг Тэрээр харж ойшоодоггүй гэв.