Read Ariun Bible 2013 – Ариун Библи 2013 Иов 7 Bible Online

Иов 7 - Ariun Bible 2013 – Ариун Библи 2013 bible

Иов 7

¹Газар дэлхий дээр хүн хүнд үүрэгт хүчлэгдэж, Өдрүүд нь ч хөлсний хүний өдрүүд шиг бус уу?

²Сүүдрийг хүсэмжлэх боол мэт Хөлсөө хүлээдэг хөлсний хүн мэт

³Тиймээс хуурмаг хоосон сарууд надад ногдож Зовлонт шөнүүд надад ногджээ.

⁴“Хэзээ сэрж босох бол?” гэж Хэвтэхдээ би бодовч Урт шөнийн туршид Үүр цайтал би эргэж хөрвөнө.

⁵Бие махбод минь өт ба тоосоор хучигдаад Арьс минь эвэршиж хагарнам.

⁶Миний өдрүүд нэхмэлчний зүүнээс ч хурдан өнгөрч, Найдваргүйгээр төгсгөлдөө ойртоно.

⁷Амьдрал минь нэгэн амьсгал гэдгийг санаач. Нүд минь дахин сайныг үзэхгүй.

⁸Намайг харсан нүдэнд би өртөхгүй. Над дээр Та хараагаа тогтооход Би нэгэнт одно.

⁹Замхран оддог үүл адил Үхэгсдийн орон уруу явагсад тэндээсээ гардаггүй.

¹⁰Тэд гэр орондоо дахин эргэж ирэхгүй бөгөөд Тэдний оромж нь ч тэднийг мэдэхгүй болно.

¹¹Иймээс би амаа хамхихгүй. Сүнснийхээ шаналалд би ярьж, Сэтгэлийнхээ уй гашуу дотор би гомдоллох болно.

¹²Танаар мануулдаг тэнгис эсвэл тэнгисийн луу[12] юм уу, би?

¹³Хэрэв би “Ор минь намайг тайвшруулна, Хэвтэр минь миний гомдлолыг тайлах болно” гэсэн ч

¹⁴Та зүүдүүдээр намайг мохоож, Үзэгдлүүдээр намайг сүрдүүлдэг.

¹⁵Иймд энэ биеэс илүүгээр Боомилогдол, үхлийг илүүд үздэг.

¹⁶Би өнгөрөн одож байна. Би мөнх амьдрахгүй. Миний өдрүүд амьсгал учир Ганцааранг минь орхиоч.

¹⁷Хүн гэгч нь юу болоод Та тэдэнд ихийг хийж Та тэдэнд санаа тавина вэ?

¹⁸Та өглөө бүр юунд түүнийг шалгаж, Агшин бүрд түүнийг сорино вэ?

¹⁹Хоромхон зуур надаас Та Харцаа салгахгүй юм уу? Шүлсээ залгих төдийхөнд Ганцааранг минь орхихгүй юм уу?

²⁰Хэрэв би нүгэл үйлдсэн бол Юуг Танд би үйлдээ вэ? хүмүүний Харгалзагч аа! Юунд Та намайг Өөрийнхөө бай болгоо вэ? Яагаад би Танд дарамт болоо вэ?

²¹Юунд гэмт үйлдлийг минь эс өршөөж, Хилэнцийг минь эс зайлуулна вэ? Одоо би шороонд хэвтэх болно. Та намайг хайвч би байхгүй байна гэв.