Read Ariun Bible 2013 – Ариун Библи 2013 Иов 8 Bible Online

Иов 8 - Ariun Bible 2013 – Ариун Библи 2013 bible

Иов 8

¹Дараа нь шух хүн Билдад хариулан

²—Хэр удаан чи эдгээр зүйлийг чалчиж, Амны чинь үгс хүчит салхи болох юм бэ?

³Бурхан шударга ёсыг завхруулдаг уу? Төгс Хүчит Нэгэн зөв юмыг завхруулдаг уу?

⁴Хэрэв хөвгүүд чинь Түүний эсрэг нүгэл үйлдсэн бол Тэр тэднийг гэмт үйлдлийнх нь гарт тушаадаг.

⁵Хэрэв чи Бурханыг хайж, Төгс Хүчит Нэгэний өршөөлийг гуйх юм бол,

⁶Хэрэв чи цэвэр бөгөөд зөв шударга бол, Тэр гарцаагүй чиний төлөө Өөрөө босож, Чиний зөв шударга орон гэрийг дахин босгоно.

⁷Эхлэл чинь бага байсан ч Төгсгөл чинь агуу их болно.

⁸Өнгөрсөн үеийнхний талаар асууж, Өвөг дээдсийнх нь эрэлхийлж байсныг эргэцүүлж бод.

⁹Бид чинь өчигдрийнх, Газар дэлхий дээрх бидний өдрүүд сүүдэр мэт. Тиймээс бид юу ч мэддэггүй билээ.

¹⁰Тэд чамд сурган хэлж, оюун санааныхаа үгсийг гаргахгүй гэж үү?

¹¹Намаг байхгүй бол хулс ургаж чадах уу? Усгүйгээр зэгс ургаж чадах уу?

¹²Тэр нь огтлогдоогүй ногооноороо байхдаа ч Алив ургамлаас өмнө хатаж хорчийдог аж.

¹³Бурханыг умартсан бүх хүний зам үүнтэй адил юм. Сүсэг бишрэлгүйчүүдийн найдвар мөхнө.

¹⁴Тэдний найдвар хэврэг бөгөөд Итгэл нь аалзны шүлсэн тор юм.

¹⁵Тэр өөрийн гэрт найддаг боловч гэр нь тогтдоггүй. Тэр түүнээс зуурдаг боловч тэр нь даадаггүй.

¹⁶Тэрээр наранд өтгөрөн ургаж, Мөчрүүд нь цэцэрлэгээр нэг тархдаг.

¹⁷Түүний үндэснүүд чулуун овоог ороож,[13] Тэндээ чулуун дунд үндэслэнэ.

¹⁸Хэрэв тэрээр байрнаасаа хөдөлбөл, Дараа нь тэр газар түүнийг үгүйсгэж “Би чамайг огт хараагүй” гэнэ.

¹⁹Харагтун, энэ нь түүний замын баяр баясгалан агаад Өөр хүмүүс шорооноос соёолох болно.

²⁰Харагтун, өөлөх өөгүйг Бурхан үнэхээр үл орхино, Ёр мууг үйлдэгчдийн гарыг Тэрээр эс дэмжинэ.

²¹Тэр чиний амыг инээдээр, Уруулыг чинь баярын дуугаар дүүргэх л болно.

²²Чамайг үзэн ядагчид ичгүүрээр хувцаслах бөгөөд Гэм буруутны майхан үгүй болох болно гэв.