Read Ariun Bible 2013 – Ариун Библи 2013 Дуулал 140 Bible Online

Дуулал 140 - Ariun Bible 2013 – Ариун Библи 2013 bible

Дуулал 140

¹Удирдаачид: Давидын дуулал. Аяа ЭЗЭН, намайг буруу муу хүмүүсээс авраач. Намайг хүчирхийлэгчдээс хамгаалаач.

²Тэд зүрхэндээ ёрын зүйлсийг сэддэг. Тэд үргэлж дайн өдөөдөг.

³Тэд могой шиг хэлээ билүүддэг. Тэдний уруул дор могойн хор байдаг. Села

⁴Аяа ЭЗЭН, намайг буруутын гараас хамгаалаач. Алхмуудыг минь хөмрүүлэхээр сэдсэн Хүчирхийлэгчдээс намайг хамгаалаач.

⁵Бардам хүмүүс надад урхи болоод олснууд нуужээ. Тэд замын хажуугаар тор татжээ. Тэд надад занганууд тавьжээ. Села

⁶Би ЭЗЭНд “Та миний Бурхан. Аяа ЭЗЭН, миний гуйх дуунд чих тавиач” гэв.

⁷Миний авралын хүч Эзэн БУРХАН, Тулалдааны өдөр Та толгойг минь бүтээн хамгаалжээ.

⁸Аяа ЭЗЭН, буруутын хүслийг бүү соёрхооч! Бузар төлөвлөгөөг нь бүү тэтгээч! Тэд өөрсдийгөө өргөмжлөх вий. Села

⁹Намайг тойрон байгчдын тэргүүнүүдийн хувьд, Уруулынх нь хор хөнөөл Өөрсдийг нь нөмрөг.

¹⁰Шатаж буй нүүрс унаг, тэдэн дээр унах болтугай. Тэд гал уруу, гарч чадахааргүй гүн нүхэнд түлхүүлэн унах болтугай.

¹¹Гүжирдэгч хүн нутагт бүү суурьшиг. Хүчирхийлэгч хүнийг гай зовлон мөшгөн хөнөөг.

¹²ЭЗЭН зовогчийн хэргийг хийгээд Ядуугийн төлөөх шударга ёсыг Гүйцэлдүүлнэ гэдгийг би мэднэ.

¹³Тийм ээ, зөвтүүд Таны нэрд талархана. Чигч шударга хүмүүс Таны оршихуйд амьдарна.