Read Ariun Bible 2013 – Ариун Библи 2013 Дуулал 148 Bible Online

Дуулал 148 - Ariun Bible 2013 – Ариун Библи 2013 bible

Дуулал 148

¹ЭЗЭНийг магтагтун! Тэнгэрсээс ЭЗЭНийг магтагтун! Түүнийг өндөрт магтагтун!

²Түүний бүх тэнгэрэлч нар аа, Түүнийг магтагтун! Түүний хамаг түг түмд, Түүнийг магтагтун!

³Нар ба сар аа, Түүнийг магтагтун! Гэрэлт бүх од оо, Түүнийг магтагтун!

⁴Тэнгэрсийн тэнгэр ээ, Тэнгэрийн дээрх ус аа, Түүнийг магтагтун!

⁵Түүний тушааснаар тэд бүтээгдсэн тул Тэднээр ЭЗЭНий нэрийг магтуул.

⁶Бас үүрд мөнхөд тэднийг байрлуулж, Хэзээ ч өнгөрөн одохгүй зарлигийг Тэр гаргажээ.

⁷Газар дээрээс ЭЗЭНийг магтагтун! Далайн амьтад, оёоргүй гүнүүд,

⁸Гал, мөндөр, цас, манан, Үгийг нь гүйцэтгэдэг салхи шуурга,

⁹Уулс, хамаг толгод, Жимсний модод, хуш мод бүхэн,

¹⁰Араатан амьтад, хамаг мал сүрэг, Мөлхөгчид, жигүүртэн шувууд,

¹¹Дэлхийн хаад, хамаг хүмүүс, Түшмэд, дэлхийн шүүгч бүхэн,

¹²Залуус, онгон бүсгүйчүүд, Хөгшчүүл ба хүүхдүүд магтагтун.

¹³Түүний нэр эрхэм дээд бөгөөд Сүр жавхлан нь газар тэнгэрийн дээгүүр байдаг тул Тэднээр ЭЗЭНий нэрийг магтуул.

¹⁴Ард түмнийхээ төлөө Тэрээр эврийг өргөжээ. Бишрэлт бүгдийнх нь, Түүнд ойр буй ард түмэн, Израилийн хөвгүүдийн төлөөх магтаал болой. ЭЗЭНийг магтагтун!